Чхамалиа: аурыс асахьаҭыхратә ҟазара ашкол даараӡа иҳаракуп
(ирҿыцуп 17:52 21.10.2019)
ААУ асахьаҭыхреи адизаини ркафедра адоцент, асахьаҭыхыҩ Руслан Чхамалиа арадио Sputnik Аԥсны аефир аҿы иҳәеит, ҳтәылаҿы имҩаԥысуа арт-пленер "Ҭагалан аԥшшәхәқәа" асахьаҭыхыҩцәа ҿарацәа рааӡараҿы ишхәарҭа дуу. Чхамалиа: аурыс асахьаҭыхратә ҟазара ашкол даараӡа иҳаракуп
"Аурыс асахьаҭыхратә ҟазара ашкол асистема даараӡа иҳаракуп, ҳаргьы ҳҿар аҵара зладҳарҵо убри алоуп. Хымԥада, ҳсахьаҭыхыҩцәа Урыстәылантәи иааз роума, мамзаргьы егьырҭ, изларыҵахо ҳәа акгьы ыҟаӡам. Ҳсахьаҭыхыҩцәа русумҭақәа - узцәыԥхашьо ҳәа акгьы ыҟаӡам, апрофессионалтә ҟазара аазырԥшуа усумҭақәоуп. Аԥсны иҟоу асахьаҭыхразы амилаҭҭә традициақәа еихаҳауп иахьазы, аха иаҳҭаху, анаҩсгьы ус еиԥш иҟалар ауп, маҷ-маҷ рҟазара ашьҭыхра ҳашьҭоуп. Ҳара арҵаҩцәа иҳалымшо ыҟазаар ҟалоит, убри ахарҭәааразы, Аԥсны анҭыҵынтә иааҳго аҟазацәа дуқәа рыцхыраара ҳахәоит", - ҳәа азгәеиҭеит Чхамалиа.
Инеиҵыху аиҿцәажәара иара убас ишәаҳар шәылшоит арадио Sputnik Аԥсны аефир аҿы.
Иара убас шәаԥхьар ҟалоит:
- Логәуа арт-пленер "Ҭагалан аԥшшәхәқәа" азы: Аԥсны ӡырнагоит, аҿарацәа аԥышәа рнаҭоит
-
Ҳаамҭазтәи аҟазара: Аԥснытәи аҳәынҭқарратә университет аҿы иаатит арт-пленер
Арышԥҳа ашкол аушьҭымҭацәа ҩымчыбжьатәи рҵаразы: аԥышәарақәа рҽырзыҟарҵароуп
(ирҿыцуп 20:01 03.06.2020)
Тҟәарчал араион аҵара аҟәша аиҳабы Манана Арышԥҳа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны еиҭалҳәеит ашколқәа роушьҭымҭацәа рзы ихацыркыз аҵаратә процесс шымҩаԥысуа.Раионк аԥсҭазаараҟынтә: Арышԥҳа аушьҭымҭацәа ҩымчыбжьатәи рҵара иазкны
Аԥснытәи ашколқәа роушьҭымҭацәа рзы аҵаратә процесс хацыркын рашәара 2 рзы, уи мҩаԥыслоит ҩымчыбжьа рыҩнуҵҟа. 1-10 аклассқәа рҵаҩцәа рҵараамҭа хыркәшахеит лаҵара 13 рзы акоронавирус иадҳәалоу аҭагылазаашьа иахҟьаны.
"Амза ҩба инаркны ажәеизатәи аклассқәа рҵаҩцәа иацырҵеит рҵара, аха уи иаанагом апрограмма зегьы ҩымчыбжьа ирҭагӡаны иалгоит ҳәа. Еиҳарак ари зызку ахәыҷқәа аԥышәарақәа разыҟаҵара ауп. Ашколқәа зегьы адезинфекциа рызун. Аԥҟарақәа инарықәыршәаны ашколқәа рҿаԥхьа еиҿкаауп амедпункт, ашоура шәаны ашколқәа рахь инарышьҭуеит, аклассқәа рҟны аӡәаӡәала итәоуп.
Сынтәа ашкол иалго араион аҟны 128-ҩык ыҟоуп, ақалақь аҟны 45-ҩык аушьҭымҭацәа ҳамоуп", - лҳәеит Арышԥҳа.
Лара иазгәалҭеит араионтә аолимпиада иалахәыз аушьҭымҭацәа рыбжьара алҵшәа бзиақәа змаз шыҟоу, урҭ иреиҳаӡоу аҵараиурҭақәа ирҭалартә еиԥш алшара ҟалап ҳәа агәыӷра шлымоу.
Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.
Иара убас шәаԥхьар ҟалоит:
- Ламиаԥҳа ашкол аҟны аҵара ахацыркразы: ахәыҷқәагьы арҵаҩцәагьы ҳазыԥшын
-
Ашкол ахь ихынҳәит: аԥснытәи аушьҭымҭацәа аԥышәарақәа рҽырзыҟарҵоит
Аҩӡԥҳа Еиду аштатқәа рҟны ишьақәгылаз аҭагылазаашьазы: уацәшәаратәы избом
(ирҿыцуп 20:06 03.06.2020)
25 шықәса инареиҳаны Ниу-Иорк инхо ҳџьынџьуаҩ Лариса Аҩӡԥҳа арадио Sputnik аефир аҿы еиҭалҳәеит Еиду Америкатәи аштатқәа рҟны аҭагылазаашьа зеиԥшроу, уи дшазыҟоу атәы.Аҩӡԥҳа Еиду аштатқәа рҟны ишьақәгылаз аҭагылазаашьазы: уацәшәаратәы избом
Еиду Америкатәи аштатқәа рҟны мчыбжьык ҵуеит аҿагыларатә қәгыларақәа цоижьҭеи. Аполициа аусзуҩцәа Миннеаполис афроамерикауаҩ Џьорџь Флоид даныршь, аԥхьа аҭынчратә ҟазшьа змаз ақәгыларақәа цон, анаҩс аимҵәара, аидысларақәа рахь икылсит жәабала ақалақь дуқәа рҟны. Урҭ рыбжьара иҟоуп Америкатәи аштатқәа раҳҭнықалақь Вашингтонгьы, иара убас Ниу-Иорк ақалақь.
"Иахьа Америка иҟоу аҭагылазаашьа, сара сахьахәаԥшуа ала, уацәшәартә иҟам. Ииашоуп, амилициа аусзуҩ даара агха ҟаиҵеит. Азакәан ала уи ауаҩы дидгыланы дихьчозароуп, ихаразар - азакәан ала дизныҟәароуп. Уи иахҟьаны аҿарацәа аҿагыларатә қәгыларақәа ирылагеит, аха иахадырҟьацәеит. Урҭқәа зхароу рыԥшаауеит, азакәан инақәыршәаны ирызныҟәоит. Сара сахьахәаԥшуа, ари хара инеиуа усым, иааныркылоит. Сгәаанагарала, ари аҭагылазаашьа аполитика адҳәалара аҭахым, аҿар аҩны итәан мызкы-ҩымз, адреналин рхы иасын ирбалак ҟаҵо идәықәлеит. Изхароу зегьы азакәан ала ирызныҟәоит", - лҳәеит Аҩӡԥҳа.
Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.