Гьемуа: аамҭа цацыԥхьаӡа ахархәара змам абаҳчақәа иаҳа-иаҳа ақәӡаара иаҿуп

18
(ирҿыцуп 09:27 04.11.2019)
Аҳәынҭқарратә мазареи ахатәтәреи рзы аҳәынҭқарратә еилакы амазара анапхгараҭара аҟәша аиҳабы Наур Гьемуа арадио Sputnik Аԥсны аефир аҿы еиҭеиҳәеит ақыҭанхамҩа аҿиаразы еиҭаҳаз абаҳчақәа иахьазы иахьынӡеиқәырхоу атәы.
Атәылауаҩи аиҳабыреи: Гемуа ақыҭанхамҩа аҿиаразы еиҭаҳаз абаҳҷақәа ирызкны

2010-2012 шықәса рзы Аԥсны асоциалтә економика аҿиаразы иазԥхьагәаҭаз аплан инақәыршәаны ҳтәыла араионқәа жәпакы рҿы еиҭаҳан абаҳчақәа. Уажәазы дара аҳәынҭқарратә мазареи ахатәтәреи рзы аилак хылаԥшра анаҭоит. Абаҳчақәа анаҩс реиқәырхаразы дара араионтә мчрақәа ирыҭахоит.  

"Гәылрыԥшь араион Допуқыҭ ҳәа иахьашьҭоу абаҳчақәа ирыҵаркуан 50 гектар рҟынӡа, урҭ рҟынтә еиқәханы иҟоуп афеихоа 600 шьапы, аҵәа 12 нызқь шьапы. Аԥхьа аплан инақәыршәаны еиҭаҳаз атәы уҳәозар - 7064 феихоа шьапы, аҵәа 4810 шьапы. Арҭ арбагақәа 2017 шықәса рзы ҿыц еиҭаԥхьаӡан иалкааз роуп. Усҟан иҟази уажәи еиҿурԥшуазар, даара рыҽаԥсахит, аамҭа цацыԥхьаӡа ахархәара ахьрымам азы абаҳчақәа иаҳа-иаҳа ақәӡаара иаҿуп. Еиҳарак еиқәханы иҟоуп Гәылрыԥшь араион аҿы. Аҭагылазаашьа даараӡа ицәгьоуп, насгьы еиҳарак абаҳчақәа ахьеиқәымхаз 10-20 инацны гектар ахархәарахь иахьрыҭаз ауп. 2-5 гектар рҟынӡа иахьыҟаз иаҳа еиқәхеит. Избанзар ауаа рхатә џьабаала, рхарџьқәа рыла ирыхьчеит, иахьмаҷыз азы уи рылдыршеит", - ҳәа азгәеиҭеит Гьемуа.  

Инеиҵыху аиҿцәажәара иара убас ишәаҳар шәылшоит арадио Sputnik Аԥсны аефир аҿы.

 

18

Гәынԥҳа Гагратәи актәи аԥсуа школ азы: агәыӷра ҳамоуп цәыббрамзазы иаартхап ҳәа

10
(ирҿыцуп 17:44 01.06.2020)
Гагратәи актәи абжьаратә аԥсуа школ адиректор Хана Гәынԥҳа арадио Sputnik аефир аҟны еиҭалҳәеит ҿыц еиҭашьақәыргылоу ахыбра иагу-иабзоу, уи аҵаҩцәа аднакылартә иҟалоит ҳәа ианазгәаҭоу атәы.
Гәынԥҳа Гагратәи актәи ашкол азы: агәыӷра ҳамоуп цәыббрамзазы иаартхап ҳәа

"Гагра ақалақь аҟны аԥсуа школ шьаҭанкыла аргылара иалагеит, иахьазы 90 процент инеиҳаны апроект иарбаз аусурақәа нагӡоуп. Ашкол аргылара ианалага инаркны иахьанӡа хылаԥшра аман еснагь араион анапхгара, аҵараҟәша ахадара рҟынтәи. Ашкол аусура аларгаразы зда ԥсыхәа амам ҳәа иаҳԥхьаӡоз азҵаарақәа анапхгара рҟынӡа инаҳгеит. Уи ашьҭахь аекономика аминистр ашкол даҭааит, лыблала илбеит иагыз-иабзаз. Урҭ азҵаарақәа ракәын иқәгылаз араион анапхгара раԥшьгарала имҩаԥгаз аизараҟны. Зыда ԥсыхәа амам ҳәа ҳазҿу, азҵаара ҳазцәырзго акәны иҟоуп аенергетика, ашкол иаҭахуп атрансформатор, аизараҿы ӡбашьас иаҭатәу хырхарҭақәак аарԥшын. Иаҳҭаху ашколтә маҭәахәқәа рызҵаара шьҭаҳхит, ақалақь анхамҩа-бзазаратә ҟәша аҿаԥхьа азҵаарақәа ықәгылан аӡымҩангагақәа реиԥшьра иазкны", - лҳәеит Гәынԥҳа.

Лара иазгәалҭеит ашкол аргыларазы ахарџьнҵа апроект ашьақәыргылараан, уи аусуразы зда ԥсыхәа амам иагжьыз ыҟан ҳәа.

"Уигьы ахҟьеит иахьа аргыларатә ус знапы иану дзықәшәо ауадаҩрақәа, аха егьа ус акәзаргьы, иаҳбоит уи ада ашкол аусура шалыршамхо. Аизараҟны агәрагара ҳауит араион анапхгара гәыкала иазҿлымҳаны ари азҵаара ишазнеиуа. Ишьақәыргылан инхарҭәаау ахарџьнҵа, аԥара ԥшааны иагу-иабзоу ҟаҵаны, цәыббрамзазы ашкол аусура иалагартә еиԥш", - лҳәеит Гәынԥҳа.

Лара убасгьы иазгәалҭеит шаҟа аҵакы ӷәӷәаз Гагра ақалақь аҟны аԥсуа школ аргылара аҭоурых.

Гагратәи ашкол №1 дыргылеит урыстәылатәи афинанстә цхыраара аҳәаақәа ирҭагӡаны. Аусурақәа ирзоурыжьуан аханатә иаҟз адыррақәа рыла 357 миллион мааҭ. Ахыбра ҿыц пшь-корпуск рыла ишьақәгылоуп, урҭ ргылоуп уаанӡа ашкол ахьыҟаз аҭыԥан, ашкол ҿыц 700–ҩык рҟынӡа ахәыҷқәа акуеит. Аргылара иалагеит 2017 шықәса рзы.

Шәазыӡырҩы аудио. Инеиҵыху анҵамҭа шәаҳар шәылшоит арадио Sputnik Аԥсны аефир.

Иара убас шәаԥхьар ҟалоит:

10

Џьынџьалԥҳа: ахәыҷқәа рымш азы ныҳәада иаҳзааныжьуам

7
(ирҿыцуп 16:33 01.06.2020)
Ахәыҷқәа Жәларбжьаратәи рыхьчара амш азы сынтәа ҳамҭақәас иаздырхиаз атәы арадио Sputnik аефир аҟны еиҭалҳәеит агәыҳалалратә фонд "Ашана" аиҳабы Мактина Џьынџьалԥҳа.
Џьынџьалԥҳа: ахәыҷқәа рымш азы ныҳәада иаҳзааныжьуам

Рашәарамза акы – Ахәыҷқәа рыхьчара жәларбжьаратәи амш ауп.

"Ари амшныҳәазы есышықәса еиуеиԥшым агәыҳаларатә акциақәа мҩаԥаагон. Сынтәа акоронавирус апандемиа иахҟьаны уи ҳалымшеит, аха ахәыҷқәа ныҳәада иаҳзаанмыжьит дара рымш азы. Еиду амилаҭқәа реиҿкаара иаҵанакуа ахәыҷтәы фонд Аҟәатәи аҟәша ацхыраарала иахьа 41-ҩык аҳамҭақәа рзаҳшоит. Аҟазара, арҿиаратә гәазыҳәара ахәыҷқәа ирылазааӡо хәмаргақәоуп ирыҭахо, урҭ аиндивиуалтә знеишьа ала иалхын. Ишыжәдыруа еиԥш, ҳара ацхыраара заҳҭо згәабзиара уашәшәыроу ахәыҷқәа роуп, убри аҟынтә иубалак ахәмарга руҭар алшаӡом. Ҳара иҳаӡбеит ахәыҷқәа ахәмарга мацара рыҭара акәымкәа, иҳаӡбеит аҭаацәа агуманитартә цхыраара рзыҟаҳҵарц афонд ахьӡала. Иҳархиеит ҩба-ҩба кәалаԥ еиуеиԥшым афатә хкқәа злухша аалыҵқәа рыла. Сгәаанагарала, ари ицхыраагӡа бзиахоит", - ҳәа азгәалҭеит Џьынџьалԥҳа.

Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

7

Бжьаниа ахада Иусбарҭа анапхгаҩи Аԥсны АШәМ ахантәаҩи рхаҭыԥуаа аиҭеит

5
(ирҿыцуп 18:56 01.06.2020)
Аԥсны ахада рашәара 1 азы инапы аҵаиҩит Аԥсны ахада Иусбарҭа анапхгаҩы ихаҭыԥуаҩи Аԥсны Аҳәынҭқарратә шәарҭадаратә маҵзура ахантәаҩы ихаҭыԥуаҩи рзы аусԥҟа.

АҞӘА, рашәара 1 - Sputnik. Аслан Бжьаниа Зураб Қаџьаиа Аԥсны ахада Иусбарҭа анапхгаҩы ихаҭыԥуаҩыс иҟаҵаразы аусԥҟа инапы аҵаиҩит ҳәа аанацҳауеит ахада ипресс-маҵзура.

Аԥсны АШәМ ахантәаҩы ихаҭыԥуаҩыс Борис Лакәатаа иҟаҵаразы даҽа усдҵак инапы аҵаиҩит атәыла ахада.

Мшаԥы 24 рзы Аслан Бжьаниа иусԥҟала ахада Иусбарҭа дахаргылоуп Алхас Кәыҵниа.

Саида Быҭәԥҳа ахада Иусбарҭа анапхгаҩы ихаҭыԥуаҩыс дҟаҵоуп>>

Лаҵара 12 рзы Аԥсны ахада Аслан Бжьаниа инапынҵақәа рҟынтәи ихы дақәиҭитәит 2014 шықәса раахыс хантәаҩра зуаз Аԥсны Ашәарҭадаратә маҵзура ахантәаҩы Зураб Марганиа. Аԥсны ахада Аслан Бжьаниа иусԥҟала аамҭала Аԥсны Ашәарҭадаратә маҵзура ахантәаҩы инапынҵақәа наигӡалоит Роберт Киут.

Иара убас шәаԥхьар ҟалоит:

5