Ашәҟәы ианылеит Гәдоуҭа ақалақь Гәдоу аӡнырцә инхоз ахԥатәи ажәыларатә баталион еиднакылоз, иҭахаз аибашьцәа 52-ҩык рҭоурыхқәа.
Џьыкырԥҳа еиҭалҳәеит лышәҟә ҿыц зызку
"Марттәи ажәылараан ирацәаҩны иҭахеит Гәдоу аӡнырцә инхоз арԥарцәа. Аибашьра анеилга ашьҭахь иҭахаз ранацәа ианысҵаз рацәаҩуп, аха рыцҳарас иҟалаз, иахьанӡа зыԥсы ҭаны иаанхаз маҷуп. 52-ҩык аԥсадгьыл ахьчаҩцәа рҟынтәи иҟоуп ҩыџьа-ҩыџьа ахьҭахаз аҭаацәарақәа. Урҭ рхыԥхьаӡараҟны иҟоуп Агәмаақәа, Ниазбеи Барцыц, Маџьыҭ Гьерзмаа, Владимир Дасаниа рԥацәа. 2005 шықәсазы абри ашәҟәы аҭыҵразы ишьҭан, аха еиуеиԥшм аҭагылазаашьақәа ирыхҟьаны ус иаанханы иҟан", - лҳәеит Џьыкырԥҳа.
Шәазыӡырҩы аудио. Инеиҵыху анҵамҭа шәазыӡырҩыр шәылшоит арадио Sputnik Аԥсны аефир аҟны.
