Бадраҟ Аҩӡба

Аҩӡба: Аҟәатәи аҩбатәи ашкол аҵаҩцәа рхыбрахь иахьыхынҳәыз иеигәырӷьоит

21
Абылра ашьҭахь Аҟәа аҩбатәи абжьаратә школ аҟны аҵара хацыркуп. Ашкол аҟны дыҟан Sputnik акорреспондент Бадраҟ Аҩӡба. Иара арадио аефир аҟны еиҭеиҳәеит уа аҭагылазаашьа зеиԥшроу иахьазы.

Лаҵарамза ҩба, 2019 шықәсазы Пушкин ихьӡ зху Аҟәатәи аҩбатәи абжьаратә ашкол амца акит, ахыб зегьы блит. Амцарцәараан аԥхасҭа роуит  акабинетқәеи арҵаратә классқәеи.

Аҩӡба: Аҟәатәи аҩбатәи ашкол аҵаҩцәа рхыбрахь иахьыхынҳәыз иеигәырӷьоит

"Аҵара иалагеит, аха аиҭашьақәыргыларатә усурақәа хыркәшаӡам, ашкол агәҭантәи ахәҭа макьана еиҭашьақәыргылаӡам. Ашкол ҩ-корпуск рышәқәа аадыртит, 41 класс  рҟны ахәыҷқәа аҵара рҵоит. Аиҭашьақәыргыларатә усурақәа ахьхыркәшам азы аурокқәа шьыжьы инаркны хәылбыҽханӡа имҩаԥыслоит, аамҭа-аамҭала рҽеихшаны. Аргылаҩцәа иақәдыргәыӷуеит аусурақәа зегьы ҳазҭоу ашықәс нҵәаанӡа ихыркәшахап ҳәа. Ашәарҭадара азҵаара атәы ҳҳәозар, аҵара ахьымҩаԥысуеи аргылаҩцәа аус ахьыруеи аиҭанеиааира ыҟаӡам, ашәқәа аркуп", - иҳәеит Аҩӡба.

Шәазыӡырҩы аудио. Инеиҵыху анҵамҭа шәаҳар шәылшоит арадио Sputnik Аԥсны аефир аҟны.

21

Шьониа Речхә ақыҭан аҭыԥхьыӡқәа рзы: аԥсышәала ицәажәоит, рыҭҵаара аҭахуп

1
Гал араион агроном хада Лери Шьониа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны еиҭеиҳәеит араион атопонимика иадҳәаланы дзыниаз хҭыск атәы.
Раионк аԥсҭазаараҟынтә: Шьониа Речхә ақыҭан аҭыԥхьыӡқәа ирызкны

"Иарбан мшу сгәалашәом, аха ҵыԥх акәын, машьынала амҩа ҳақәын Ҭенгьиз Иналиԥа иахь. Иара Речхә ақыҭа дынхоит. Уа ҳнаӡаанӡа кәара хәыҷык ыҟоуп, сиазҵааит иахьӡи ҳәа. Ҵыскәара ахьӡуп ҳәа сеиҳәеит. Иара даԥсыуоуп, аха абызшәа издыруам. Иаанаго закәу удыруама ҳәа саниазҵаа, исыздыруам ҳәа сеиҳәеит. Еиҭаганы иаанагоз иасҳәеит гыршәала. Даара иџьасшьеит иахьа уажәраанӡагьы ахьӡ злеиқәхаз. Ус амҩан хәадак ыҟоуп, уахьыҩхало, дәҳәыԥш бзиак улаԥш иҵашәоит, уи ахьӡ Аџьажә ду ахьӡуп, аџь иадҳәалан. Уи иаанагозгьы издыруамызт, еиҭаганы иасҳәеит. Амҩан ҳахьықәыз аҭыԥ хьыӡқәа ииҳәоз аԥсышәала ицәажәоз маҷӡам. Иахьа уажәраанӡа еиқәхеит, рыҭҵаара аҭахуп", - ҳәа азгәеиҭеит Шьониа.

Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

1

Гәынԥҳа Гагратәи актәи аԥсуа школ азы: агәыӷра ҳамоуп цәыббрамзазы иаартхап ҳәа

13
(ирҿыцуп 17:44 01.06.2020)
Гагратәи актәи абжьаратә аԥсуа школ адиректор Хана Гәынԥҳа арадио Sputnik аефир аҟны еиҭалҳәеит ҿыц еиҭашьақәыргылоу ахыбра иагу-иабзоу, уи аҵаҩцәа аднакылартә иҟалоит ҳәа ианазгәаҭоу атәы.
Гәынԥҳа Гагратәи актәи ашкол азы: агәыӷра ҳамоуп цәыббрамзазы иаартхап ҳәа

"Гагра ақалақь аҟны аԥсуа школ шьаҭанкыла аргылара иалагеит, иахьазы 90 процент инеиҳаны апроект иарбаз аусурақәа нагӡоуп. Ашкол аргылара ианалага инаркны иахьанӡа хылаԥшра аман еснагь араион анапхгара, аҵараҟәша ахадара рҟынтәи. Ашкол аусура аларгаразы зда ԥсыхәа амам ҳәа иаҳԥхьаӡоз азҵаарақәа анапхгара рҟынӡа инаҳгеит. Уи ашьҭахь аекономика аминистр ашкол даҭааит, лыблала илбеит иагыз-иабзаз. Урҭ азҵаарақәа ракәын иқәгылаз араион анапхгара раԥшьгарала имҩаԥгаз аизараҟны. Зыда ԥсыхәа амам ҳәа ҳазҿу, азҵаара ҳазцәырзго акәны иҟоуп аенергетика, ашкол иаҭахуп атрансформатор, аизараҿы ӡбашьас иаҭатәу хырхарҭақәак аарԥшын. Иаҳҭаху ашколтә маҭәахәқәа рызҵаара шьҭаҳхит, ақалақь анхамҩа-бзазаратә ҟәша аҿаԥхьа азҵаарақәа ықәгылан аӡымҩангагақәа реиԥшьра иазкны", - лҳәеит Гәынԥҳа.

Лара иазгәалҭеит ашкол аргыларазы ахарџьнҵа апроект ашьақәыргылараан, уи аусуразы зда ԥсыхәа амам иагжьыз ыҟан ҳәа.

"Уигьы ахҟьеит иахьа аргыларатә ус знапы иану дзықәшәо ауадаҩрақәа, аха егьа ус акәзаргьы, иаҳбоит уи ада ашкол аусура шалыршамхо. Аизараҟны агәрагара ҳауит араион анапхгара гәыкала иазҿлымҳаны ари азҵаара ишазнеиуа. Ишьақәыргылан инхарҭәаау ахарџьнҵа, аԥара ԥшааны иагу-иабзоу ҟаҵаны, цәыббрамзазы ашкол аусура иалагартә еиԥш", - лҳәеит Гәынԥҳа.

Лара убасгьы иазгәалҭеит шаҟа аҵакы ӷәӷәаз Гагра ақалақь аҟны аԥсуа школ аргылара аҭоурых.

Гагратәи ашкол №1 дыргылеит урыстәылатәи афинанстә цхыраара аҳәаақәа ирҭагӡаны. Аусурақәа ирзоурыжьуан аханатә иаҟз адыррақәа рыла 357 миллион мааҭ. Ахыбра ҿыц пшь-корпуск рыла ишьақәгылоуп, урҭ ргылоуп уаанӡа ашкол ахьыҟаз аҭыԥан, ашкол ҿыц 700–ҩык рҟынӡа ахәыҷқәа акуеит. Аргылара иалагеит 2017 шықәса рзы.

Шәазыӡырҩы аудио. Инеиҵыху анҵамҭа шәаҳар шәылшоит арадио Sputnik Аԥсны аефир.

Иара убас шәаԥхьар ҟалоит:

13