Кан Кәарҷиа: ауаа зегь рыҩны аԥхьа ҳнеины иаҳзыԥссаӡом

47
(ирҿыцуп 17:20 06.11.2019)
Аҟәа ақалақь ахада инапынҵақәа назыгӡо Кан Кәарҷиа мчыбжьыктәи аинспекциа аҳәаақәа ирҭагӡаны иахьа игәеиҭеит аҳҭнықалақь аҟны иҟоу аҩнеихагылақәа рышҭақәак, амҩадуқәа, даҭааит Аџьармыкьа хада. Уи аԥхьа аилацәажәара мҩаԥигеит аҳҭнықалақь ахԥатәи аҩнусбарҭаҟны.
Кан Кәарҷиа: ауаа зегьы рыҩны аԥхьа ҳнеины иаҳзыԥссаӡом

"Азҵаарақәа рацәоуп, зегьы зныкала иҳаӡбоит ҳәа ауаа ржьара ҳалагар иашаӡам. Хымԥада, иҟоуп иаҳа иуадаҩу азҵаарақәа. Ирацәоуп аҩнусбарҭа иаҵанакуа - аԥшаҳәа, аҩнеихагыла дуқәа, ауаа рхатәы ҩнқәа. Дарбанзаалак иҩны аԥхьа ҳнеины зехьынџьара иаҳзыԥссаӡом. Хәыҷык иҳацхраароуп, досу ихы дацхраароуп. Уи аганахьала ауаа рацәажәара аҭахуп. Иҟаҵатәу аусқәа рацәоуп, азҵаарақәа ҳаидтәаланы иҳаӡбалап, иахьынӡалшо ҳаицхыраап", - иҳәеит Кәарҷиа.

Инеиҵыху анҵамҭа шәаҳар шәылшоит арадио Sputnik Аԥсны аефир аҟны.

47

Ажьиԥҳа еиҭалҳәеит Гагра араион азы аҵарашықәс зеиԥшраз, уи ахарҭәаашьа шылбо

8
(ирҿыцуп 19:21 04.06.2020)
Гагара араион аҵара аҟәша аиҳабы Мадина Ажьиԥҳа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны еиҭалҳәеит сынтәа шаҟаҩы аушьҭымҭацәа рымоу, онлаин аҵара дшазыҟоу, актәи акласс аҵаҩцәа зхысуаз апрограмма инагӡаны рызнагаразы мҩас илбо атәы.
Раионк аԥсҭазаараҟынтә: Ажьиԥҳа апандемиа аан аҵаратә процесс иазкны

Гагра араион аҟны сынтәа ашколқәа роушьҭымҭацәа 256-ҩык ыҟоуп, урҭ рахьынтә ҩыџьа хьтәы медалла рҵара хдыркәшоит ҳәа изықәгәыӷуа роуп.

Шәазыӡырҩы аудио.

Иара убас шәаԥхьар ҟалоит:

 

8

Кәыбраа: ари ашықәс даара иуадаҩу шықәсуп аекономиказы, уи еилыркаауазароуп зегьы

11
(ирҿыцуп 15:36 04.06.2020)
ААУ амилаҭтә економика акафедра аиҳабы, адоцент Беслан Кәыбраа арадио Sputnik Аԥсны аефир аҿы еиҭеиҳәеит аекономикатә кризис иаҳа иамарины алҵразы иҟаҵатәу.
Хра злоу ахҭысқәа: Кәыбраа аекономикатә кризис иазкны

"Аҭагылазаашьа зынӡаск имариаӡам, уи ажәларгьы еилыркаар ҳҭахуп. Иаҭахуп ахеиҷаҳареи аҟәышреи. Актәи, зегь реиҳа ихадоу азҵаара - аҭагылазаашьа зеиԥшразаалакгьы, аус зуа ауаа ауалафахәы роуа иҟаҵалатәуп. Уи аҳәынҭқарра ахахьы иагароуп, уи иалнаршароуп. Ари ашықәс даара иуадаҩу шықәсуп, ҳӷыҵысны ҳанцалак ауп, ҳаԥхьаҟатәи аплан ахь ҳаниасша. Ара цәыӡда хысшьа ыҟаӡам, убри аҟнытә ихадароу ауалафахәоуп. Иахәҭам ахарџьқәа рныхра аанкылатәуп, иркьаҿтәуп. Абуиџьеҭ аганахьала асеквестирование ҳәа изышьҭоу ҟаҵатәыс ирықәшәоит ҳәа агәаанагара сымоуп. Зда ԥсыхәа ыҟам ахарџьқәа зегьы закәанла ихьчоуп, урҭ ирныԥшӡом уи, аха иҟоуп закәанла ихьчамгьы, иаҳҳәап, аконференциақәа, аконцертқәа рымҩаԥгара, ачынуаа Аԥсны анҭыҵ рныҟәарақәа уҳәа, урҭ зегьы ркьаҿтәхоит", - ҳәа иҳәеит Кәыбраа.

ААУ амилаҭтә економика акафедра аиҳабы иажәақәа рыла, Аԥсны аекономика иацхраатәуп, аԥхьа иргыланы ашәахтәқәа рганахьала ирԥсыҽтәуп ақәыӷәӷәара

"Аизгақәа маҷхоит хымԥада, усҟан, аха абиуџьеҭгьы зламаҷхо ала урҭ хеибарҭәаауеит. Ашәахәтәқәа реизгараҿы ақәыӷәӷәара ҳарԥсыҽуазар, аҭакԥхықәра еиҳа иҳарӷәӷәароуп. Анаплакҩы ианаамҭоу имшәар ашәахтә, усҟан ахараԥса идҵазароуп. Акризис ашьҭахь иаҳа-иаҳа ирацәахароуп ашәахтәқәа зшәо. Ҭоурыхла уи ус иҟоуп. Ажәлар кны иҟоуп, уажәы аԥкра аамҭа иҭагылоуп, аха азин анроулак аусура еиҳаны ицоит", - ҳәа азгәеиҭеит Кәыбраа.

Иаҳа инеицыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

11