Ева Тания

Ҭаниаԥҳа "Табуловтәи аԥхьарақәа 2019" азы: иааҟәымҵӡакәа ирҳәон "ишәымоу ҳаҭыр ақәышәҵа!"

318
(ирҿыцуп 10:31 07.11.2019)
Абазеи ачеркесс жәлар рышәҟәыҩҩы, абаза литература ашьаҭаркҩы Табулов Татлусҭан ихьӡ зху ааԥхьарақәа мҩаԥысит иқыҭа гәакьа Ельбурган.

Абазеи ачеркесс жәлар рышәҟәыҩҩы, абаза литература ашьаҭаркҩы Табулов Татлусҭан ихьӡ зху ааԥхьарақәа мҩаԥысит иқыҭа гәакьа Ельбурган. Афилологиатә ҭҵаарадыррақәа ркандидат, ААУ аԥсуа бызшәа акафедра адоцент Ева Ҭаниаԥҳа арадио Sputnik аефир аҿы еиҭалҳәеит аконференциаҿы ишьҭыхыз азҵаарақәа ртәы.

Ҭаниаԥҳа "Табуловтәи аԥхьарақәа 2019" азы: иааҟәымҵӡакәа ирҳәон - "ишәымоу ҳаҭыр ақәышәҵа!"

"Егьырҭ ашықәсқәа рзы имҩаԥысуаз конференциақәа раасҭа ҷыдарак аман, иара мҩаԥысит ҳхатә бызшәала: абазаа цәажәон абаза бызшәала, ҳара ҳцәажәон аԥсышәала. Иазҳархиаз аҭҵаарадырратә усумҭақәа аизга ҭыҵуеит, уахь акьыԥхь азы урыс бызшәала аматериалақәа раҳҭеит, аха ҳаицәажәара зегьы ҳхатәы бызшәала ишьақәгылан. Еиҭагаҩык дҳабжьамкәа, даҽа тәым бызшәак аламгалакәа даргьы ҳаргьы ҳаилибакаан ҳбызшәала ҳахьеицәажәоз угәы иаахәон", - ҳәа азгәалҭеит Ҭаниаԥҳа.   

Афилологиатә ҭҵаарадыррақәа ркандидат лажәақәа рыла аконференциаҿы ишьҭыхын абызшәа аиқәырхара азҵаарагьы.

"Иааҟәымҵӡакәа иҳарҳәоз "Ишәымоу ҳаҭыр ақәышәҵа! Шәара шәаҟара ишьақәгылан иҟоу ҳажәларқәа рахьынтә дыҟаӡам, зхатә ҳәынҭқарра змоу, зхатә ҵараиурҭақәа аарту, зхатәы хьӡы змоу. Збызшәала аҷҷаҳәа ицәажәо аӡәы имазҵаа, имыршәа. Абри еиқәшәырхаратәы шәыхгьы шәыԥсгьы ахнышәҵа " ҳәа ҳарҳәон дара, избанзар, дара тәым ҳәынҭқарроуп излоу, имҵаакәа акгьы рзышьақәыргылаӡом", - ҳәа еиҭалҳәеит Ҭаниаԥҳа.    

Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.

318

Ажьиԥҳа еиҭалҳәеит Гагра араион азы аҵарашықәс зеиԥшраз, уи ахарҭәаашьа шылбо

9
(ирҿыцуп 19:21 04.06.2020)
Гагара араион аҵара аҟәша аиҳабы Мадина Ажьиԥҳа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны еиҭалҳәеит сынтәа шаҟаҩы аушьҭымҭацәа рымоу, онлаин аҵара дшазыҟоу, актәи акласс аҵаҩцәа зхысуаз апрограмма инагӡаны рызнагаразы мҩас илбо атәы.
Раионк аԥсҭазаараҟынтә: Ажьиԥҳа апандемиа аан аҵаратә процесс иазкны

Гагра араион аҟны сынтәа ашколқәа роушьҭымҭацәа 256-ҩык ыҟоуп, урҭ рахьынтә ҩыџьа хьтәы медалла рҵара хдыркәшоит ҳәа изықәгәыӷуа роуп.

Шәазыӡырҩы аудио.

Иара убас шәаԥхьар ҟалоит:

 

9

Кәыбраа: ари ашықәс даара иуадаҩу шықәсуп аекономиказы, уи еилыркаауазароуп зегьы

12
(ирҿыцуп 15:36 04.06.2020)
ААУ амилаҭтә економика акафедра аиҳабы, адоцент Беслан Кәыбраа арадио Sputnik Аԥсны аефир аҿы еиҭеиҳәеит аекономикатә кризис иаҳа иамарины алҵразы иҟаҵатәу.
Хра злоу ахҭысқәа: Кәыбраа аекономикатә кризис иазкны

"Аҭагылазаашьа зынӡаск имариаӡам, уи ажәларгьы еилыркаар ҳҭахуп. Иаҭахуп ахеиҷаҳареи аҟәышреи. Актәи, зегь реиҳа ихадоу азҵаара - аҭагылазаашьа зеиԥшразаалакгьы, аус зуа ауаа ауалафахәы роуа иҟаҵалатәуп. Уи аҳәынҭқарра ахахьы иагароуп, уи иалнаршароуп. Ари ашықәс даара иуадаҩу шықәсуп, ҳӷыҵысны ҳанцалак ауп, ҳаԥхьаҟатәи аплан ахь ҳаниасша. Ара цәыӡда хысшьа ыҟаӡам, убри аҟнытә ихадароу ауалафахәоуп. Иахәҭам ахарџьқәа рныхра аанкылатәуп, иркьаҿтәуп. Абуиџьеҭ аганахьала асеквестирование ҳәа изышьҭоу ҟаҵатәыс ирықәшәоит ҳәа агәаанагара сымоуп. Зда ԥсыхәа ыҟам ахарџьқәа зегьы закәанла ихьчоуп, урҭ ирныԥшӡом уи, аха иҟоуп закәанла ихьчамгьы, иаҳҳәап, аконференциақәа, аконцертқәа рымҩаԥгара, ачынуаа Аԥсны анҭыҵ рныҟәарақәа уҳәа, урҭ зегьы ркьаҿтәхоит", - ҳәа иҳәеит Кәыбраа.

ААУ амилаҭтә економика акафедра аиҳабы иажәақәа рыла, Аԥсны аекономика иацхраатәуп, аԥхьа иргыланы ашәахтәқәа рганахьала ирԥсыҽтәуп ақәыӷәӷәара

"Аизгақәа маҷхоит хымԥада, усҟан, аха абиуџьеҭгьы зламаҷхо ала урҭ хеибарҭәаауеит. Ашәахәтәқәа реизгараҿы ақәыӷәӷәара ҳарԥсыҽуазар, аҭакԥхықәра еиҳа иҳарӷәӷәароуп. Анаплакҩы ианаамҭоу имшәар ашәахтә, усҟан ахараԥса идҵазароуп. Акризис ашьҭахь иаҳа-иаҳа ирацәахароуп ашәахтәқәа зшәо. Ҭоурыхла уи ус иҟоуп. Ажәлар кны иҟоуп, уажәы аԥкра аамҭа иҭагылоуп, аха азин анроулак аусура еиҳаны ицоит", - ҳәа азгәеиҭеит Кәыбраа.

Иаҳа инеицыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

12