Барганџьиа ажурналист Дбар изы: сазхәыцлоит иԥсы ҭазҭгьы шаҟа "Аӡыхь" ҭыигоз ҳәа

26
Адырраҭара "Аӡыхь" автор, Аԥсны зҽаԥсазтәыз ажурналист Гарри Дбар арадио Sputnik аефир аҟны дигәалаиршәеит иара иаԥиҵаз адырраҭара иахьа имҩаԥызго Ахра Барганџьиа, еиҭеиҳәеит уи анапынҵа шииҭаз.
Еицырдыруа ахьыӡқәа: Барганџьиа ажурналист Гарри Дбар изкны

Аԥсны зҽаԥсазтәыз ажурналист, Аԥсныи Урыстәылеи ажурналистцәа реидгылақәа рлахәыла, Ахьӡ-аԥша аорден акавалер Гарри Дбар диижьҭеи иахьа 60 шықәса ҵит.

Гарри Дбар 2005 шықәса раахыс напхгара аиҭон Аԥсуа радио. Раԥхьа арадио аҟны аусура далагеит редактор еиҳабыс 1980 шықәсазы. Иара қәҿиарала еилеигӡон арадиои ателехәаԥшреи рҟны аусура. Ахәаԥшцәа рыбзиабара иаԥсахеит авторс дызмаз аԥсуа қыҭа аԥсҭазаашьа аазырԥшуаз адырраҭара "Аӡыхь". Гарри Дбар убасгьы давторуп х-сааҭктәи Аԥсуа радио адырраҭара "Ашьыжь". Ари апроект алыршаразы иазирхиеит арубрикақәа: "Аԥсуара", "Ажәак сызҳәа", "Аԥсуа етиудқәа", уҳәа егьырҭгьы. Гарри Дбар 54 шықәса дырҭагылан иԥсҭазаара даналҵуаз.

"…Дорофеи- иԥа сара ажурналистика иаҵоу акәамаҵамарақәа ртәы сыздырӡом, исзеиҿымкаар ҳәа сшәоит сҳәеит. "Акы уацәымшәан, акалами аблокноти уманы сара сҟны уааи" иҳәеит. Иԥсҭазаара аҵыхәтәантәи хәымз аҩны сизцон, исеиҳәон сахьцаша, зҵаарас ауаа ирысҭаша, сымҩақәҵаны аҭыхрақәа рахь сишьҭуан", -  иҳәеит Барганџьиа.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

26
Заур Кишмария

Қьышьмариа Тҟәарчалтәи атеатр иазкны: аџьа иалҵыз ауп

7
(ирҿыцуп 19:59 15.07.2020)
Шәарах Ԥачалиа ихьӡ зху Тҟәарчалтәи аҳәынҭқарратә акомедиатә театр аиҳабы Заур Қьышьмариа арадио Sputnik аефир аҿы атәыла акультура аминистри атеатр аусзуҩцәа реиԥылара ахҳәаа азыҟаиҵеит.
Раионк аԥсҭазаараҟынтә: Кьышьмариа Тҟәарчалтәи атеатр иазкны

"Атеатр иахьа еиҭашьақәнаргыло аспекталькқәа ртәы еиҭаҳҳәеит, еиҭа ус еиԥш алшара ҳауа-иаҳмауа ҳәа сымҵааӡеит, избанзар аҳәынҭқарра зҭагылоу аҭагылазаашьа атәы аадыруеит. Иҳамоу алшарақәа еицырхырааны иҭҳажьуеит ҳәа ахҳәаа ҟасҵеит. Аиԥылара аибадырратә ҟазшьа аман, аха аминистр аус шутәу инықәшьны иаҳирдырит, аҳәынҭқарра рԥара аус муӡакәа аӡәгьы иоур шыҟамло атәы, уи уажәраанӡагьы ҳара иаадыруан", - ҳәа иҳәеит Қьышьмариа.

Тҟәарчалтәи атеатр аус ауан, аринахысгьы аус аулоит, избанзар иара аџьа иалҵыз театруп, аусзуҩцәа ирылҵыз театруп ҳәа азгәеиҭеит Қьышьмариа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

7

Амедиаҳәшьа: ачымазара уаналагылоу еилукаауеит аҳәаа аартра азҵаара ахәаԥшра шахәҭам

12
Гәдоуҭатәи ахәышәтәырҭа амедиаҳәшьа еиҳабы Ииа Гәымԥҳа-Барзаниа арадио Sputnik Аԥсны аефир аҿы еиҭалҳәеит акоронавирус зцәа иалаз аҵыхәтәантәи ачымазаҩцәа ахәышәтәырҭаҟынтәи ианылырҩаа ашьҭахь ахәышәтәырҭа аусура шеиҿкаау, насгьы аҳәаа аартра азҵааразы лгәаанагара.

Гәдоуҭатәи ахәышәтәырҭаҟны иаанханы иҟаз, акоронавирус зцәа иалаз акурсантцәа ҩыџьа ргәы бзиаханы рыҩныҟа иоушьҭуп. Иахьазы Аԥсны иахьаҵанакуа акоронавирус зцәа иалоу ҳәа уаҩ дшьақәыргылам.

Гәдоуҭатәи ахәышәтәырҭа амедиаҳәшьа еиҳабы лажәақәа рыла, ахәышәтәырҭа аусура иацнаҵоит. Ачымазаҩцәа аус рыдызулоз акарантин ахь ишьҭуп, егьырҭ доусы раамҭа иақәшәаны иҭыҵуеит, арыцқьаратә усурақәа мҩаԥыргоит ҳәа азгәалҭеит Ииа Гәымԥҳа-Барзаниа.

Амедицинатә усзуҩ иара убасгьы аҳәаа аартра азҵааразы лгәаанагара лҳәеит.

 

Амедиаҳәшьа: ачымазара уаналагылоу еилукаауеит аҳәаа аартра азҵаара ахәаԥшра шахәҭам

"Аҳәаа аартра ацәшәара амоуп, Шәача иҟоу баны аҳәаа артра ахәҭаӡам ҳәа исыԥхьаӡоит. Зегьы иаҳбоит амассатә информациатә хархәагақәа иркьыԥхьуа. Иахеи-уахеи ажәлар арахь идәықәлар, аҭагылазаашьа шәарҭахоит. Иахьа Аԥсны цқьоуп, ажәлар зхысхьоу рацәоуп, абыржә еиҭа ак ҳаласыр, ҳзеиҿкаахаӡом ҳәа сгәы иаанагоит. Избази ҳазҭагылази, ҳазҿызи саназхәыцлак уи шиашам збоит. Уара уаналагылоу еилукаауеит аҳәаа аартра азҵаара ахәаԥшра шахәҭам, аха уи сара сгәаанагароуп. Ҳара, Гәдоуҭатәи ахәышәтәырҭа аусзуҩцәа, ари аус ишахәҭаз ҳазнеит, ашәарҭадаратә уснагӡатәқәа зегьы наҳагӡон, уи ауп аҳақьымцәа рыбжьара аӡәгьы ачымазара изимыхьыз", - ҳәа еиҭалҳәеит амедиаҳәшьа.

 

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

12