"Иҟоуп аҳәса ахацәа раҵкьыс еиӷьны аус зуа, аха сгәаанагарала Аԥсны мацара акәым, иара анҭыҵгьы аԥҳәыс арҵаҩра, аҳақьымра уҳәа реиԥш иҟоу азанааҭқәа дрықәнагоуп ҳәа ирыԥхьаӡоит, ачынуаҩра аганахьала ахьысҳарақәа ыҟоуп. Ари аҭагылазаашьа аҽанаԥсахуагьы сыздыруам. Сгәанала, аҳәса ыҟазароуп (анапхгараҭаратә ҭыԥқәа рҟны - аред.). Араҟа аквотақәа рыдагьы даҽа мҩакы збаӡом, аха уи аҟаҵара уадаҩхоит, избанзар апарламент аҟны ахацәа роуп еиҳарак иҟоу. Иахьа, изеицәааӡарызеи, ахацәа уиаҟара ирҭахым аҳәса рааигәа аусураҟны иҟазарц. Сара уи сзеилкааӡом. Аибашьраҟны аҳәса рывагылазҭгьы, ара шәзыҟоуи рымҳәазар, уи ашьҭахь Ԥсоу аусура рыжәҩахыр иқәырҵазар, исзеилкааӡом аполитикаҟны, амчраҟны лыҟазаара зырҭахым", - лҳәеит Чачхалиаԥҳа.
Шәазыӡырҩы аудио. Иаҳа инеиҵыху аиҿцәажәара шәаҳар шәылшоит арадио Sputniк Аԥсны аефир ала адырраҭара "Коӷониаԥҳа лымҩаду" аҟны.
