Џьамбул Жорданиа

Жорданиа РУСДРАМ агастрольқәа рзы: иҳалшоз зегьы дырбаны, ҳгәы рҭынчны ҳхынҳәит

86
(ирҿыцуп 11:24 11.11.2019)
Агастрольқәа ирыцу аџьабааи агәыхыҭхыҭреи ртәы арадио Sputnik аефир аҟны еиҭеиҳәеит Искандер ихьӡ зху Аҳәынҭқарратә аурыс драматә театр актиор, арежиссиор Џьамбул Жорданиа.
Жорданиа РУСДРАМ агастрольқәа рзы: иҳалшоз зегьы дырбаны, ҳгәы рҭынчны ҳхынҳәит

"Ҳара еснагь ҩнуҵҟала иаҳгәамԥхо ыҟазар, уи аус шадаҳулаша ҳәа ҳаицәажәоит, ҳус даара критикала ҳазнеиуеит. Бзиарас иҳамоугьы, атеатр аҿы аус зуа зегьы ҳнапы еибаркны, ҳаицхырааны аӡәи-аӡәи ҳаихаҵгылоит. Ҳгәы иалоу акгьы ыҟамкәа аҩныҟа ҳхынҳәит, ҳгәы рҭынчны. Амҩа ҳаркареит, жәамш рыла быжь-спектакльк дҳарбеит, даара уаркароит ақәыргыламҭа аргылара, арбгара. Ҳәарада, ҳгәы иаахәеит ҳахә ҳаракны иахьыршьаз, уи Аԥсны ахьӡ азоуп", - ҳәа иҳәеит Жорданиа.

Искандер ихьӡ зху Аурыс драматә театр аспектакльқәа хԥа "Ҳаџьы-Мураҭ", "Визит старой дамы", "Сказка о том, как волк Абга стал рыбаком" ақалақьқәа Сыктывкар, Киров, Москва ахәаԥшцәа иддырбеит. Атеатр арҭ ақәыргыламҭақәа ддырбоит "Агастроль дуқәа" рҳәаақәа ирҭагӡаны, Урыстәыла Акультура аминистрра ацхыраарала.

Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.

86

Латипов Егры аҳәаа аамҭала аартразы: ҳтәылауаа ринтересқәа рыхьчара иазырхоуп

15
(ирҿыцуп 18:52 13.07.2020)
Аԥсны ашәарҭадаратә маҵзура ахантәаҩы ихаҭыԥуаҩ, аҳәаахьчаратә маҵзура аиҳабы Рустам Латипов арадио Sputnik аефир аҿы еиҭеиҳәеит Аԥсни Қырҭҭәылеи рҳәааҿы аамҭалатәи акоридор аус шауа атәы.
Раионк аԥсҭазаараҟынтә: Латипов Аԥсныи-Қырҭтәылеи рҳәаа аамҭала аартра иазкны

"300-ҩык инареиҳаны иахьа еиуеиԥшыма амзызқәа ирыхҟьаны Қырҭтәыла иҟоуп. Асааҭ 9 инаркны асааҭ 15:00 рҟынӡа иахьатәи аамҭа иалагӡаны аҳәаа иахысхьеит 70-ҩык инареиҳаны. Урҭ рахьынтә иҟоуп згәамбзиара иахҟьаны ицазгьы, аха ус еиԥш иҟаз хәҩык роуп, аиҳараҩык уахьынтә иаауа Гал иқәынхо, еиуеиԥшым азҵааракәа рыла Қырҭтәыла инанагаз роуп. Уа дыҟан аҵара зҵо, аԥсра иақәшәаз, зҭаацәа збоит ҳәа ицаз уҳәа. Хынтә иаартыз акоридор иабзоураны 1500-ҩык инареиҳаны рыҩнқәа рахь ихынҳәит. Ари аҭагылазаашьа ауааԥсыра гәахәарыла ирыдыркылоит, ҳтәылауаа ринтересқәа рыхьчаразы Аԥсны атәыла анапхгара ари аус анагӡара хымԥадатәны иахәаԥшуеит", – ҳәа азгәеиҭеит Латипов.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

 

15
Валерий Кварчия

Кәарҷиа еиҭеиҳәеит Аҟәатәи иаарту аинститут абитуриентцәа занааҭқәас иалырхуа

13
(ирҿыцуп 15:22 13.07.2020)
Аҟәатәи иаарту аинститут аректор Валери Кәарҷиа арадио Sputnik Аԥсны аефир аҿы еиҭеиҳәеит аҵараиурҭахь абитуриентцәа рҟынтә ашәҟәқәа рыдкылара аус шцо атәы, насгьы ирабан занааҭқәоу иахьа азҿлымҳара змоу.

Кәарҷиа еиҭеиҳәеит иарбан занааҭқәоу Аҟәатәи иаарту аинститут абитуриентцәа иалырхуа

"Ԥхынгәы акы инаркны ҳалагеит арзаҳалқәа рыдкылара. Ашәҟәқәа ҳадаҳкылоит азанааҭқәа фба рыла. Иахьазы арзаҳалқәа зегь реиҳа иахьырацәоу аҳазалхратә ус аҿоуп. Абитуриентцәа зегьы ҳрыҿцәажәоит, аус рыдааулоит, нас ауп ашәҟәқәа анҳадаҳкыло дара рҟынтә. Ақыҭанхамҩа азанааҭ ала имаҷхар ҳәа ҳшәоит. ААУ аҿы иазыҟарҵоит агрономцәа, ҳара иазыҟаҳҵоит ақыҭанхамҩа аекономика ахырхарҭала, ҳаицәажәан ауп ишыҟаҳҵо. Даргьы иаурышьҭуеит 10-ҩык рҟынӡа, ҳаргьы - убасҵәҟьа. Аха иахьазы 4-ҩык роуп ҳаинститут ахь ақыҭанхамҩа аганахьала ашәҟәқәа алазҵахьоу", - ҳәа азгәеиҭеит Кәарҷиа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

13