Зураб Џьапуа

Џьапуа еиҭеиҳәеит Нарҭаа репос иазкыз аконференциа атәы

60
Аԥсны Аҭҵаарадыррақәа ракадемиа ахада Зураб Џьапуа арадио Sputnik Аԥсны аефир аҿы еиҭеиҳәеит Владикавказ имҩаԥысуаз аконференциа атәы.

Владикавказ Аԥсуаҭҵааратә институт иашьашәалоу Агуманитартә-социалтә ҭҵаарақәа ринститут 100 шықәса ахыҵит. Убри ианамаданы уаҟа имҩаԥган Нарҭаа репос иазкыз аконференциа.

"Сара сажәахә аԥсуа Нарҭтә епос азҵаарақәа ирызкын, иара аҵарауаа азҿлымҳан ирыдыркылеит. Уи иахьӡын "Акультуратә фырхаҵа Нарҭаа репос аҿы рольс имоу". Аԥсуаа репос ажәытәӡатәи ахәҭа акыр иҵаулоуп, убраҟа ицәырҵуеит акультуратә фырхаҵа ихаҿсахьагьы. Ҳара ҳверсиа, Нарҭаа репос, иаҳа изышьашәалоу адыгатә версиа ауп, аха ауааԥсаи ҳареи еицаҳзеиԥшу асиужетқәа ҳамоуп акымкәа-ҩбамкәа. Уигьы шьаҭас иамоу ҭоурыхтә ҭҵаамҭоуп. Ауааԥсааи аԥсуааи абжьаратә шәықәсақәа рзы хаҭала еиҭанеиааиуан, уаҩ дрыбжьамгылакәа. Убри азоуп ҳара ҳахьыӡқәагьы зеиқәҿырҭуа. Ауаԥсаа аԥсуаа акыр иҳаиԥшуп, рыҭҵаарадырратә ҩаӡарагьы акырӡа ибзиоуп", - ҳәа азгәеиҭеит Џьапуа.

Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.

60