Аҳәба Аԥсны адгьылтә кадастр азы: атәыла -кадастрда, ауаҩы- тәылауаҩшәҟәыда

35
Адгьыл ахархәареи акадастри рзы аҳәынҭқарратә усбарҭа аиҳбы Адамыр Аҳәба арадио Sputnik Аԥсны аефир аҿы еиҭеиҳәеит ҳтәылаҿы адгьылтә кадастр аԥҵаразы ицо аусурақәа ртәы.
Атәылауаҩи аиҳабыреи: Аҳәба Аԥсны адгьылтә кадастр иазкны

"Акадастр аҟамзаара ҳныԥшуеит избанзар, акадастр ахьыҟам аҳәынҭқарраҿы акгьы ыҟаӡам. Адгьыл ахархәараҿы иҟоу, ажәлар иртәума аҳәынҭқарра иатәума, убырҭ зегьы иҭагалатәуп, ианҵатәуп. Ауаҩы апаспорт имамзар, аҳәаа дзахысуам, џьаргьы дызцом, убри иаҩызоуп адгьыл ахархәараҿы иҟоу, зегьы рхатә паспортқәа роуеит. Ашәҟәы ианылоит адгьыл аҭоурых зегьы, иазгәаҭоуп координатла реиқәыршәара, рҭыԥқәа ахьыҟоу, избанзар уажәы ирацәоуп адгьыл еимазкуа ауаа. Уаанӡа акоординатқәа ыҟәыргылан аҳәаақәа азгәаҭаны иҟарҵаӡомызт, ахсаалаҿы напыла иҭыхны, ибжьоу гәаҭаны иадырбон. Уажәы иҟоуп амаругақәа уи арҽеира алзыршо", - ҳәа азгәеиҭеит Аҳәба. 

Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.

35

Ҳазлацәажәаша ҳамоуп: Ҳараниа ашьхааӡара иазкны

4
Аусӡбарҭаҿы 30 шықәса инареиҳаны аус зухьоу, иахьа хықәкыла ашьхааӡара знапы алаку Владимир Ҳараниа арадио Sputnik Аԥсны аефир аҿы еиҭеиҳәеит избан аԥсуа шьхақәа иҟарҵо ацха жәытә-натә аахыс ахә ҳаракны изыршьоз.
Ҳазлацәажәаша ҳамоуп: Ҳараниа ашьхааӡара иазкны

"28 шықәса инасхыҵуаз инаркны ашьхақәа рааӡара салагеит, уи рнапы алакын сара сабшьҭра зегьы. Убри аҟнытә ашьхақәеи сареи ҳаибадырит санмаҷӡаз инаркны. Раԥхьа ҩ-шьхымзыҭрак ҳамҭас исырҭеит, анаҩс аибашьра ҟалаанӡа 80 рҟынӡа иназгахьан", - ҳәа иҳәеит Ҳараниа.

Ашьхааӡаҩ иажәақәа рыл, ацха аҽаҩра бзиа еиҳарак ааԥын ауп ианыҟало, уи ахаҭабзиара аҵиаақәа рышәҭра иахьыԥшуп.

"Мшаԥымза инаркны Аԥсны аҵиаақәа ашәҭра иалагоит, зегь раԥхьа убри аҟнытә ауп иахьынтәирго амати, ирго зеиԥшроу еиԥш ацха ахаҭабзиарагьы убас иҟалоит. Еиҳарак ацха рацәаны иаазго ҳәа иԥхьаӡоуп алакациа, уи анаҩс ацитрустә ҵиаақәа. Абарҭ рыҩбагьы еицышәҭуеит, уаанӡа ашьхақәа маҷк-саҷк ааргозар, арҭ анышәҭлак ихадоу ацха зылҵуагьы дара роуп, ари зегьы лаҵарамзазы, уи ауп ари аамҭазы иҟало ацхагьы маитәи ҳәа изашьҭоу. Уи амзазы ашьхақәа ҩ-уск ирҿуп: акы – ацхеизгара, аҩбатәи – аҿа ахыхны аизырҳара, убасҟан ауп ашьха гылеит анырҳәо", - ҳәа еиҭеиҳәеит Ҳараниа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

4

Инаԥшьба: Аԥсны аԥсыӡкра акультура шьҭыхтәуп, иҳамоу амал еиҷаҳатәуп

11
(ирҿыцуп 11:50 12.07.2020)
Ԥхынгәы 12 рзы адунеи аҿы иазгәарҭоит аԥсыӡкҩы имш. Ҵәгәырла аԥсыӡкра бзиа избо Аԥсны Аџьынџьтәылатә еибашьра аветеран Руслан Инаԥшьба арадио Sputnik Аԥсны аефир аҿы еиҭеиҳәеит ҳтәылаҿы иҟоу аԥсыӡхшьаара апроблема атәы, насгьы аԥсыӡқәа рыхьӡ аԥсышәала ахархәара замам.
Инаԥшьба: Аԥсны аԥсыӡкра акультура шҭыхтәуп, иҳамоу амал еиҷаҳатәуп

"Аԥсыӡкыҩцәа аԥсышәала аԥсыӡқәа рыхьӡ ҳҳәаӡом, иҳаздырӡом. Ҳхы иаҳархәо аурыс бызшәоуп. Арахь аԥсуаа жәытә-натә аахыс амшын, аӡы ҳадҳәалан, аӡы иҭоу зыԥсы ҭоу зегь рыхьӡ ҳамоуп иара аҟазшьеи аԥшреи иадҳәаланы. Иҟоуп ашәҟәы урҭ зегьы ахьарбоу. Саныхәыҷыз абиблиотекаҟнытә иганы саԥхьахьан, џьара иҟамкәа иҟаларым, ибзиан, ажәлар рҟынӡа лассы-лассы иаҳԥыло аԥсыӡқәа рыхьыӡқәа инагазар", - ҳәа иҳәеит Инаԥшьба.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

11

Аԥсны АКХ: алхратә ҭыԥ хадақәа хԥа рҟны алхрақәа шьақәгылеит

6
(ирҿыцуп 17:34 12.07.2020)
Аԥсны Апарламент ахь алхрақәа рзы абжьыҭара алхратә ҭыԥ хадақәа ԥшьба рҟны ихыркәшахоит ԥхынгәы 12, асааҭ 20:00 рзы. Раԥхьатәи алҵшәақәа еилкаахоит алхратә ҭыԥқәа ркомиссиақәа АКХ ахь аԥкаанҵақәа аннаргалак ашьҭахь.

АҞӘА, ԥхынгәы 12 - Sputnik, Сариа Кәарцхьиаԥҳа. Асааҭ 14:30 рызтәи адыррақәа рыла, Апарламент ахь алхрақәа ахьымҩаԥысуаз алхратә ҭыԥ хадақәа хԥа рҟны ауаа рааишьа иаҿырԥшны ишьақәгылеит ҳәа иԥхьаӡатәуп, абри атәы Sputnik акорреспондент илзеиҭеиҳәеит Алхратә комиссиа хада ахантәаҩы Ҭамаз Гогьиа.

"Абри аамҭазы алхратә ҭыԥ хадақәа хԥа рҟны абжьыҭара шьақәгылеит ҳәа уҳәар ҟалоит ауаа рааишьа инақәыршәаны", - ҳәа азгәеиҭеит Гогьиа.

  • Бзыԥтәи алхратә ҭыԥ хадаҟны ауаа рааишьа иартәоит 26,39%;
  • Оҭҳаратәи алхратә ҭыԥ хадаҟны - 21,28%;
  • Гәдоуҭатәи алхратә ҭыԥ хадаҟны - 27,98 %;
  • Кындыӷтәи алхратә ҭыԥ хадаҟны - 33,51% %.

Абжьыҭара хыркәшахоит асааҭ 20:00 рзы. Раԥхьатәи алҵшәақәа еилкаахоит алхратә ҭыԥқәа ркомиссиақәа АКХ ахь аԥкаанҵақәа аннаргалак ашьҭахь. Гогьиа иҳәеит заанаҵтәи алҵшәақәа иахьагьы рыӡбахә рҳәар шалшо.

"Асааҭ 20:00 рышьҭахь абжьыҭара аанаҳкылоит. Алхратә ҭыԥ хадақәа адыркуеит. Алхратә ҭыԥқәа ркомиссиақәа алҵшәақәа еихыршьалалоит. Убри ашьҭахь алхратә ҭыԥқәа ркомиссиақәа аиааира згаз данеилыркаалак ашьҭахь ҳаргьы заанаҵтәи алҵшәақәа рылаҳҳәоит. Урҭ анрылаҳҳәо анакәхаҵәҟьо сызшәаҳәом, ҵхыбжьон асааҭ аказы акәхаргьы ҟалоит", - иҳәеит Гогьиа.

Азакәан ишаҳәо ала, алхратә ҭыԥқәа ркомиссиақәа алҵшәақәа ҩымш ирҭагӡаны реихшьаларазы азин рымоуп. Заанаҵтәи алҵшәақәа анрыларҳәалак ашьҭахь, абжьыҭара шымҩаԥысыз азы ашшыԥхьыӡқәа ҟалар, АКХ ҽнак ахи аҵыхәеи рыла урҭ рыднакылоит.

"Аӡәгьы дмашшыр, аҵыхәтәантәи алҵшәақәа рылаҳәара аамҭа ҳцәагаӡом", - ҳәа иажәа иациҵеит АКХ ахантәаҩы.

Бзыԥтәи алхратә ҭыԥ хада № 10 ала Жәлар Реизара адепутатрахь кандидатцәас иқәгылоуп Ҭамаз Леибеи Ҭемыр Беиеи; Оҭҳаратәи алхратә ҭыԥ хада №14 ала Жәлар Реизара адепутатрахь кандидатцәас иқәгылоуп Робесҭан Габлиеи Алмасхан Барцыци; Гәдоуҭатәи алхратә ҭыԥ хада №18 ала - Асҭамыр Ахбеи Алхас Ҳагбеи; Кындыӷтәи алхратә ҭыԥ хада №31 ала - Аидар Кәыҵниа, Гарри Кокаиа, Џьансыхә Адлеиба.

Аԥсны Жәлар Реизарахь алхрақәа мҩаԥысуеит ԥхынгәы 12 рзы иҭацәыз амандатқәа ԥшьба рахь - атәыла ахадас иалырхыз Аслан Бжьаниа, аԥыза-министрс иҟарҵаз Александр Анқәаб, Аҩнуҵҟатәи аусқәа рминистрс иҟарҵаз Дмитри Дбар, Гагра араион ахадас иҟарҵаз Иури Хагәышь рҭыԥқәа рахь.

Иара убас шәаԥхьар ҟалоит:

6