Кәарҷиа: уаанӡа акоммуналтә усбарҭақәа русура усҟак иазхьамԥшуазшәа збоит

36
(ирҿыцуп 19:09 12.11.2019)
Аҟәа ақалақь ахада инапынҵақәа назыгӡо Кан Кәарҷиа имҩаԥигаз апресс-конференциаҿы иазгәеиҭеит ақалақь ихадоу апроблемақәа азгәаҭаны рыӡбара ишашьҭоу.
Кәарҷиа: уаанӡа еиԥш акоммуналтә усбарҭақәа русура усҟак иазхьамԥшуазшәа збоит

"Раԥхьа инаргыланы ҳҿаԥхьа зҵаара хаданы иқәҳаргыло, ҳнапаҟны иҟоу акоммуналтә усбарҭақәа ишақәнаго русуроуп. Уаанӡа уи аҭакзыԥхықәраз русура усҟак иазхьамԥшуазшәа збоит. Доусы инапы иану ишахәҭоу еиԥш дазнеироуп. Аҟәа ақалақь аҩныҵҟа ицқьазарц, уи аԥара аҟамзаара усҟак ианыԥшуам. Алашаразы ауал ҳақәым, аха ақалақь аҩныҵҟа џьаргьы иаркӡам, ус еиԥш иҟоу аҭыԥқәа ырлашатәуп. Абаҳчақәа ракәзар, знапу иану ҳәа хаҭала аӡәгьы дыҟаӡам, уи ауп даргьы гәыгәҭажьны изыҟоу. Иҵару зҵаараны иҟоуп агәам-самгьы, ицәгьоуп Галынӡа иара агара, иԥырҟо ашәаԥыџьаԥ гарҭа ҳамаӡам. Атәыла ахада иҿы имҩаԥаҳгаз аиҿцәажәарақәа ирыбзоураны ақалақь азы иаахахәоит иҷыдоу амашьына, урҭ зырхәашо", - ҳәа еиҭеиҳәеит Кәарҷиа.       

Аҟәа ақалақь ахада инапынҵақәа назыгӡо иажәақәа рыла иӡбатәу рацәоуп, аха знык ала иаҳзыӡбом, ҳақалақь ихадоу апроблемақәа азгәаҭаны рыӡбара ҳашьҭоуп, ҳәа азгәеиҭеит иара.

Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

36
Микрофон

Раионк аԥсҭазаараҟынтә: Барцыцԥҳа Гәдоуҭа ашколқәа рҿы аҿкы чымазаразы аҭагылазаашьазы

7
(ирҿыцуп 20:00 25.09.2020)
Гәдоуҭа араион аҵара аҟәша аспециалист хада Диана Барцыцԥҳа арадио Sputnik аефир аҿы еиҭалҳәеит иахьатәи аамҭаз ашколқәа рҿы аҵара апроцесс амҩасшьа атәы, насгьы ачымазара зманы иалкаау рхыԥхьаӡара атәы.
Раионк аԥсҭазаараҟынтә: Барцыцԥҳа Гәдоуҭа ашколқәа рҿы аҿкы чымазаразы аҭагылазаашьазы

"Аҵара апроцесс цоит араион 29 школ рҿы, иара убас ахәыҷбаҳчақәа фба рҿы. Акласстә уадақәа ҳарзҩыдоит, ашәқәа, аԥенџьырқәа аартны аԥша ҩнадырсуеит, арҵаҩцәа асабрадақәа ныҟәыргоит. Ашоурашәагақәа ҳамоуп, зегьы ршоура гәаҭаны аклассқәа рахь иҩнаҳҵоит. Иахьатәи амш азы 450-ҩык ахәыҷқәа ныҟәаӡом ашколқәа рахь еиуеиԥшым амзызқәа ирхырҟьаны. Иара убас иҳамоуп ичмазаҩцәоу арҵаҩцәа. Уи Гәдоуҭатәи актәи абжьаратә школ аҟнытә рҵаҩык, аҩбатәи ашкол аҿы хҩык арҵаҩцәа, Приморсктәи абжьаратә школ аҿы - аӡәы. Класск аужьны иҳаман актәи ашкол аҿы аҿкы чымазара иахҟьаны, аха урҭгьы шьҭа иҭыҵуеит. Аҵаҩцәа рыбжьара макьана аӡәгьы дычмазаҩымхацт. Арҵаҩцәа рыԥсахуеит егьырҭ арҵаҩцәа, аҵара процесс аҿы аиԥҟьара ҳәа акгьы ыҟаӡам", - еиҭалҳәеит Барцыцԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

7

Табаӷәуа "Абџьар азы" азакәан азы: изабалак инеины иныҟәыргаразы азин роуа иҟамлароуп

9
(ирҿыцуп 18:29 25.09.2020)
Аԥсны Апарламент аҿы аҩбатәи аԥхьарала "Абџьар азы" азакәан апроект рыдыркылеит. Уи азы арадио Sputnik аефир аҿы игәаангара иҳәеит Аԥсны Жәлар Реизара адепутат Баҭал Табаӷәуа.
Табаӷәуа "Абџьар азы" азакәан азы: изабалак инеины иныҟәгаразы азин роуа иҟамлароуп

"Азакәан уҳәар ауеит ицәгьамкәа иазыҟаҵоуп ҳәа, аха иҟоуп еиҭа азҵаарақәа азакәан аҿы иуриашаша, убарҭ ҟалар, ари ҩынтәны ауп ишҳадаҳкылаз, макьана алагаларақәа ҟауҵар ауеит, уи сақәшаҳаҭуп. Сара акызаҵәык сзықәшаҳаҭым, убра иануп абџьар аныҟәгара, иахьатәи аамҭаз, сара сгәаанаарала, абџьар аныҟәгара азин рымазароуп изыхәҭоу. Уи амилициа далоума азинхьчартә усбарҭақәа рҿы аус иуама, егьырахь дазусҭазаалакгьы, ашәарыцара дцозар - уи ҽакуп акәымзар, аныҟәгара изабалак инеины азин роуа иҟамлароуп. Уажәы аԥшаҳәаҿы иубоит аҿар иршәу амаҭәа иалыҳәҳәо абџьар шрымоу, иурбо ақалақь алалара сгәы иаанагоит иахәҭам азин рыҭара. Убри аганахьала азакәан саҿагылоит, сыбжьы засҭазгьы уи ахәҭаҷ дыриашоит азоуп, мап анакәха, сыбжьы сҭиӡом", -  еиҭеиҳәеит Табаӷәуа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

9
Кабинет министров республики Абхазия

Аминистрцәа Реилазаара ашколқәа акарантин азы иадыркуеит ҳәа ирҳәаз аԥнарҟәҟәааит

5
(ирҿыцуп 22:08 25.09.2020)
Акоронавирус азы атәылаҿы ишьақәгылаз аҭагылазаашьа иахҟьаны Аԥсны ашколқәа зегьы рҟны акарантин алагалоуп ҳәа аинформациа АИХқәа рҿы ирыладырҵәеит ахәаша, цәыббра 25 рзы СЕС аиҳабы Лиудмила Скорик иҟалҵаз аҳәамҭа ҵаҵӷәыс иҟаҵаны.

АҞӘА, цәыббра 25 – Sputnik. Аԥсны Аминистрцәа Реилазаара апресс-маҵзураҿы ииашам ҳәа ахырҳәааит Аԥсны ашколқәа зегьы рҟны цәыббра 25 инаркны жьҭаара 16 рҟынӡа акарантин аларгалоит ҳәа уаанӡа АИХқәа рҟны ицәырҵыз аинформациа.

"Аминистрцәа Реилазаара акәым, Ауааԥсыра акоронавирус рацәыхьчаразы акоординациатә штаб акәым ашколқәа рҟны аҵаратә процесс аанкыларазы азҵаара иалацәажәомызт, аӡбамҭа ҳәагьы акгьы рыдрымкылацт", - ҳәа аанацҳауеит Аминистрцәа Реилазаара асаит.

Акоординациатәи аоперативтәи штабқәа иааиԥмырҟьаӡакәа ичмазаҩхази згәы бзиахази ауаа ирыцклаԥшуеит, иара убасгьы аҵара аусҳәарҭақәа рҟны ачымазара зыхьыз рхыԥхьаӡара гәарҭоит ҳәа аарыцҳаит Аминистрцәа Реилазаара апресс-маҵзураҿы.

"Аиҳабыреи акоординациатә штаби ирыдыркыло аофициалтә ӡбамҭақәа зегьы Аминистрцәа Реилазаара аофициалтә саит аҟны иҟалоит", - ҳәа азгәарҭеит апресс-маҵзураҿы.

Уаанӡа цәыббра 25 ахәылбыҽха Агәабзиарахьчара аминистрра апресс-маҵзура Аԥсны асанитартә ҳақьым хада Лиудмила Скорик адырра ҟалҵеит атәыла ашколқәа зегьы рҟны жьҭаара 16 рҟынӡа акарантин алагалахоит ҳәа.

Скорик ишылҳәаз ала, ари аҩыза аӡбамҭа атәыла аиҳабыра иаднакылеит Агәабзиарахьчара аминистрреи Асанитартә епидемиологиатә маҵзуреи иҟарҵаз абжьгарақәа инрықәыршәаны.

5