Сослан Салакая

Салаҟаиа жәларбжьаратәи афорум азы: Аԥсны иазҿлымҳауп ахәаанырцәтәи аҵарауаа

17
(ирҿыцуп 11:51 19.11.2019)
Аҭоурыхтә ҭҵаарадыррақәа ркандидат, ААУ адоцент Сослан Салаҟаиа арадио Sputnik аефир аҟны Ростов- на- Дону имҩаԥысуаз аҭоурхыҭҵааҩцәа-кавказҭҵааҩцәа рфорум еихыишьаалеит.
Салаҟаиа жәларбжьаратәи афорум азы: Аԥсны иазҿлымҳауп аҳәаанырцәтәи аҵарауаа

Аҭоурыхҭҵааҩцәа -кавказҭҵааҩцәа афбатәи Жәларбжьаратәи рфорум Ростов –на- Дону ақалақь аҟны имҩаԥысуан абҵара 13 инаркны 15-нӡа. Аԥснынтәи уи иалахәын аҭоурыхҭҵааҩцәа Сослан Салаҟаиа, Николаи Медвенски, Мальвина Аргәынԥҳа.

"Азҵаарақәа саргьы егьырҭ Аԥснынтә иалахәқәаз иҳарҭеит. Ҳҵарауаҩ Ростовтәи архив аиҳабы Николаи Ҭраԥшь Аԥсны азеижәтәи ашәышықәса аҭоурых  далацәажәеит. Афорум аҟны 80 инареиҳаны ажәахәқәа ҟарҵеит. Аимак-аиҿак зцыз ажәахәқәагьы ыҟан, аха иқәгылақәаз Аԥсны азы ицәгьоу рымҳәеит, абзиа ауп ирҳәоз. Аимак-аиҿак ҟамлеит Аԥсны азы, ақырҭцәа мнеит афорум ахь", - иҳәеит Салаҟаиа.

Аҭоурыхҭҵааҩцәа -кавказҭҵааҩцәа афбатәи Жәларбжьаратәи рфорум иалахәын Урыстәыла, Аԥсны, Польша, Германиа, Ермантәыла, Азербаџьан.

Аҵарауаҩ Сослан Салаҟаиа иазгәеиҭеит ас еиԥш Жәларбжьаратәи афорумқәа рҟны Аԥсны аганахьала азҿлымҳара маҷымкәа ишаадырԥшуа, уи зхы алазырхәо аҳәаанырцәтәи аҵарауаа ҳҭоурых атәы анраҳауа иџьаршьо, изырхәыцуа шыҟоу.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

17
Микрофон

Раионк аԥсҭазаараҟынтә: Барцыцԥҳа Гәдоуҭа ашколқәа рҿы аҿкы чымазаразы аҭагылазаашьазы

4
(ирҿыцуп 20:00 25.09.2020)
Гәдоуҭа араион аҵара аҟәша аспециалист хада Диана Барцыцԥҳа арадио Sputnik аефир аҿы еиҭалҳәеит иахьатәи аамҭаз ашколқәа рҿы аҵара апроцесс амҩасшьа атәы, насгьы ачымазара зманы иалкаау рхыԥхьаӡара атәы.
Раионк аԥсҭазаараҟынтә: Барцыцԥҳа Гәдоуҭа ашколқәа рҿы аҿкы чымазаразы аҭагылазаашьазы

"Аҵара апроцесс цоит араион 29 школ рҿы, иара убас ахәыҷбаҳчақәа фба рҿы. Акласстә уадақәа ҳарзҩыдоит, ашәқәа, аԥенџьырқәа аартны аԥша ҩнадырсуеит, арҵаҩцәа асабрадақәа ныҟәыргоит. Ашоурашәагақәа ҳамоуп, зегьы ршоура гәаҭаны аклассқәа рахь иҩнаҳҵоит. Иахьатәи амш азы 450-ҩык ахәыҷқәа ныҟәаӡом ашколқәа рахь еиуеиԥшым амзызқәа ирхырҟьаны. Иара убас иҳамоуп ичмазаҩцәоу арҵаҩцәа. Уи Гәдоуҭатәи актәи абжьаратә школ аҟнытә рҵаҩык, аҩбатәи ашкол аҿы хҩык арҵаҩцәа, Приморсктәи абжьаратә школ аҿы - аӡәы. Класск аужьны иҳаман актәи ашкол аҿы аҿкы чымазара иахҟьаны, аха урҭгьы шьҭа иҭыҵуеит. Аҵаҩцәа рыбжьара макьана аӡәгьы дычмазаҩымхацт. Арҵаҩцәа рыԥсахуеит егьырҭ арҵаҩцәа, аҵара процесс аҿы аиԥҟьара ҳәа акгьы ыҟаӡам", - еиҭалҳәеит Барцыцԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

4

Табаӷәуа "Абџьар азы" азакәан азы: изабалак инеины иныҟәыргаразы азин роуа иҟамлароуп

9
(ирҿыцуп 18:29 25.09.2020)
Аԥсны Апарламент аҿы аҩбатәи аԥхьарала "Абџьар азы" азакәан апроект рыдыркылеит. Уи азы арадио Sputnik аефир аҿы игәаангара иҳәеит Аԥсны Жәлар Реизара адепутат Баҭал Табаӷәуа.
Табаӷәуа "Абџьар азы" азакәан азы: изабалак инеины иныҟәгаразы азин роуа иҟамлароуп

"Азакәан уҳәар ауеит ицәгьамкәа иазыҟаҵоуп ҳәа, аха иҟоуп еиҭа азҵаарақәа азакәан аҿы иуриашаша, убарҭ ҟалар, ари ҩынтәны ауп ишҳадаҳкылаз, макьана алагаларақәа ҟауҵар ауеит, уи сақәшаҳаҭуп. Сара акызаҵәык сзықәшаҳаҭым, убра иануп абџьар аныҟәгара, иахьатәи аамҭаз, сара сгәаанаарала, абџьар аныҟәгара азин рымазароуп изыхәҭоу. Уи амилициа далоума азинхьчартә усбарҭақәа рҿы аус иуама, егьырахь дазусҭазаалакгьы, ашәарыцара дцозар - уи ҽакуп акәымзар, аныҟәгара изабалак инеины азин роуа иҟамлароуп. Уажәы аԥшаҳәаҿы иубоит аҿар иршәу амаҭәа иалыҳәҳәо абџьар шрымоу, иурбо ақалақь алалара сгәы иаанагоит иахәҭам азин рыҭара. Убри аганахьала азакәан саҿагылоит, сыбжьы засҭазгьы уи ахәҭаҷ дыриашоит азоуп, мап анакәха, сыбжьы сҭиӡом", -  еиҭеиҳәеит Табаӷәуа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

9