Валентин Когония

Коӷониа Римма Ҳашԥҳа лзы: аҭҵаарадырра инамаданы аҟыбаҩ ҷыда злаз хәыҷтәы поетын

59
(ирҿыцуп 17:03 19.11.2019)
Афольклорист, апоет, алитературатә критик Валентин Коӷониа арадио Sputnik аефир аҟны аҵарауаҩ Римма Ҳашԥҳа дигәаларшәо, уи ахәыҷтәы поезиаҟны ллагала алыикааит.
Коӷониа Римма Ҳашԥҳа лзы:аҭҵаарадырра инамаданы аҟыбаҩ ҷыда злаз хәыҷтәы поетын

"Аԥсуа хәыҷтәы фольклор" ашәҟәы автор, уи раԥхьатәи аҭҵааҩы, афилологиатә ҭҵаарадыррақәа ркандидат, ахәыҷҭәы поетесса Римма Ҳашԥҳа диижьҭеи 85 шықәса аҵра иазкны Аԥсуаҭҵааратә институт аҟны иахьа аконференциа мҩаԥган.

"Римма Арсени-иԥҳа Аҳашба лнапы иҵылхит акымкәа-ҩбамкәа аҭҵаарадырратә усумҭақәа. Урҭ зегьы ирхадоуп 1980 шықәсазы урысшәала иҭыҵыз лмонографиа "Аԥсуа хәыҷтәы фольклор". Анаука аҟны лааԥсаразы мацара акәӡам диижьҭеи 85 аҵразы лыхьӡи лыжәлеи еидкыланы изаҳҳәо. Римма Арсени-иԥҳа аҭҵаарадырра инамаданы аҟыбаҩ ҷыда злаз хәыҷтәы поетын. Уи дыршаҳаҭуеит лара лпоезиатә аизгақәа: "Ҵиҵи- кәакәа", "Даӷьаа рчара". Лара ахәыҷтәы поезиаҟны лааԥсара ахәшьара ҳаракы заҳҭо, аԥсуа поезиаҟны имаҷуп ашколқәранӡатәи ахәыҷқәа ирызку ажәеинраалақәа. Лҩымҭақәа ҟазшьа ҷыдас ирымоу-ритмикала уамакала еилыххоуп, афольклор, асахьаркыратә марҭхәқәа рыла еиҿырцаауп", - иҳәеит Коӷониа.

Иаҳа инеиҵыху анҵамҭа шәаҳар шәылшоит арадио Sputnik Аԥсны аҟны.

Иара убас шәаԥхьар ҟалоит:

 

59

Какоба: иахьагьы сыбла ихгылоуп, Ацҳа ҟаԥшь аҟны алабақәеи аигәышәқәеи зкыз ахацәа

5
Леон иорден занашьоу Адгәыр Какоба арадио Sputnik Аԥсны аефир аҿы еиҭеиҳәеит аибашьра раԥхьатәи амш игәалашәараҿы ишаанхази, уи ажәабжь шиаҳази ртәы.
Какоба: Ацҳа ҟаԥшь алабақәеи аигәышәқәеи зкыз ахацәа иахьагьы сыбла ихгылоуп

"Нанҳәамза 14 ААУ имҩаԥысуан аҭаларатә ԥышәарақәа. Сҩыза гәакьа Валери Делба, анаҩс иара дҭахоит аибашьраан, аԥышәарақәа аиҭар акәын, уи ҳшизыԥшыз абџьар кны ар маҭәа ишәҵаны дааит. Анаҩс, иаргьы саргьы ҳаиманы Ачадара аԥсуа аполк еиҿкааны иахьыҟаз ҳааны абџьар ҳгеит. Уи ашьҭахь ҳамҩа хан Ацҳа ҟаԥшь ахь, еиҭа гәыԥҩык арԥарцәагьы ҳацын. Сара уаанӡа иҟаз аиҿагыларақәа реиԥш ак ҟалеит ҳәа сахәаԥшуан. Раԥхьатәи иҭахаз аҷкәынцәа анаҳба еилаҳкааит, иҳажәлаз рхықәкы шҵаулаз. Ацҳа ҟаԥшь аҿы ҳаннеи алабақәеи аигәышәқәеи зкыз ахацәа рлакҭа, иахьагьы сыбла ихгылоуп. Раԥхьатәи аҿагалыраҿы аԥсуа гвардиа ҳәа еиҿкааны иҟаз, хатәгәаԥхараала иалалазгьы, егьыс арра зхызгозгьы аҿар ргәымшәара хадараны иҟалеит ҳәа сгәы иаанагоит анаҩстәи аибашьра амшқәа зегьы, иара аиааира ахыркәшарахь инаӡаанӡагьы", - еиҭеиҳәеит Какоба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

5

Аҩӡба Аҟәатәи аҩы зауад иҭнажьуа аалыҵ армаҷразы: уамак ԥырхага ҳауам

3
Аилахәыра "Аԥсны аҩқәеи аӡқәеи" аҩыҟаҵаҩ хада Валери Аҩӡба арадио Sputnik аефир аҟны еиҭеиҳәеит азауад иҭнажьуа аалыҵ ахыԥхьаӡра ари аԥхын ҵыԥхтәи иаҿырԥшны иахьынӡагхаз атәы.
Аҩӡба Аҟәатәи аҩы зауад иҭнажьуа аалыҵ армаҷразы: уамак ԥырхага ҳауам

"Мызкы аҟара аус ҳуамызт, анаҩс азин анҳарҭа ҳалагеит. Уажәы ԥаса еиԥш аус ҳуам, избанзар Урыстәылагьы ҳара ҳаҩқәа рымацара ракәӡам иҟоу, уаагьы аҭирақәа иаҳа имаҷхеит, убри аҟынтә хәыҷык иҳармаҷит иҭхажьуа аҩқәа. Дара иҟарҵо аҿаҵатәы инақәыршәаны аҩқәа ҳашьҭуеит урыстәылаҟа. Егьыс азауад аҟны зегьы аус шыруц ируоит, ауалафахәы шроуц ироуоит. Ҳаҩқәа шцац Урыстәылаҟа ицоит, амала ҵыԥх аасҭа еиҵахоит, иҟалап хԥаҟа миллион ԥаҭлыка рҟынӡа", - иҳәеит Аҩӡба.

Убри аан иара иазгәеиҭеит ари ахыԥхьаӡара шмаҷымгьы азауад аусура ԥырхага уамак ианаҭуам ҳәа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

3

COVID-19 рзықәыргылоуп даҽа 26-ҩык Аԥсны ауааԥсыра

11
(ирҿыцуп 19:06 14.08.2020)
Апандемиа ҟалеижьҭеи Аԥсны акоронавирус здырбалахьоу рхыԥхьаӡара 182-ҩык ыҟоуп. Урҭ рахьтә 66-ҩык ргәы бзиахеит, хҩык рыԥсҭазаара иалҵит.

АҞӘА, нанҳәа 14 - Sputnik. Ииасыз уахыки-ҽнаки рыла акоронавирустә чымазара амазааразы агәаҭара иахысит 235-ҩык ауааԥсыра. Урҭ рахьтә адиагноз COVID-19 рзықәыргылоуп 26-ҩык, ҳәа аанацҳауеит Ауааԥсыра акоронавирустә ҿкы рацәыхьчаразы аоперативтә штаб.

Апандемиа ҟалеижьҭеи Аԥсны акоронавирус здырбалахьоу рхыԥхьаӡара 182-ҩык ыҟоуп. Урҭ рахьтә 66-ҩык ргәы бзиахеит, хҩык рыԥсҭазаара иалҵит.

Абри аамҭазы Гәдоуҭатәи ахәышәтәырҭаҿы ишьҭоуп акоронавирус зцәа иалоу 24-ҩык апациентцәа. Уахыки-ҽнаки рыла ахәышәтәырҭаҟнытә илыҩҩауп згәабзиара ҭышәынтәалахаз ааҩык атәылауааи, урыстәылатәи ахаҿи, ԥсшьаҩык Шәачаҟа диагоуп идиагноз хада ала иҷыдоу амедицинатә цхыраара иҭаразы.

Ауааԥсыра акоронавирустә ҿкы рацәыхьчаразы аоперативтә штаб ажәлар рахь ааԥхьара ҟанаҵоит ачымазара рымкырц азы ахыхьчаратә ԥҟарақәа ирықәныҟәаларц, асоциалтә дистанциа ркызарц.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

 

11
Атемақәа:
Ачымазара ҿкы – акоронавирус Аԥсни адунеи аҿи: иалкаау