Аԥсны аԥсабара ахьчаразы Аҳәынҭқарратә еилакы ахантәаҩы Савели Ҷыҭанаа

Ҷыҭанаа: акамшьиа бзиан иҟалар, ззин ыҟоу еиҳаны иаҳкыр ҳалшоит

19
Аԥсны аԥсабара ахьчаразы Аҳәынҭқарратә еилакы ахантәаҩы Савели Ҷыҭанаа арадио Sputnik Аԥсны аефир аҿы еиҭеиҳәеит 2019-2010 шықәса рзы акамшьиа акразы ззин иҟоу аԥҟара атәы.
Ҷытанаа: акамшьиа бзиан иҟалар, ззин ыҟоу аиҳагьы еиҳаны иаҳкыр ҳалшоит

"120 нызықь тонн акамшьиа амшын иамоуп, акразы азин иҟоуп 40 нызықь тонн, аха акразы абжьгара ыҟоуп 35 нызықь тонн, уи ахыԥхьаӡара ақыҭанхамҩатә еилакы Аԥсны аԥсыӡкратә зауадқәа рыгәҭа иршоит. Аԥсыӡ ибзианы ианыҟала 35 аҟнытә 40 рҟынӡа ихаҳгалартә еиԥш азин ыҟоуп, уи ҳнапы иануп, амшын аҿы аԥсыӡ зеиԥшроу еилкааны", - ҳәа азгәеиҭеит Ҷыҭанаа.            

Аԥсны аԥсабара ахьчаразы Аҳәынҭқарратә еилакы ахантәаҩы еиҭеиҳәеит ҳтәыла амшынҳәааҿы ику аԥсыӡ ахыԥхьаӡара шеилкаахо атәы.   

"Иахәҭоу аԥсыӡ шаҳкыз еилаҳкаауеит аӷбақәа рҿы ирымоу ажурналқәа рыла. Уа ианырҵоит есҽны сааҭк заҟа ркыз, аҵыхәтәаны аԥсыӡкра аамҭа анеилгалак ажурнал иаҳнаҭаз арбагақәа рыла анализ ҟаҳҵоит", - ҳәа еиҭеиҳәеит Ҷыҭанаа. 

Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

19

Берулааԥҳа адистанциатә ҵаразы: раԥхьатәи арҵаҩы, раԥхьатәи апарта - абри ауп сыззыразу

19
(ирҿыцуп 16:28 25.05.2020)
Барӷьаԥтәи абжьаратә школ адиректор Елеонора Берулааԥҳа арадио Sputnik Аԥсны аефир аҿы илҳәеит аушьҭымҭацәа рзы аҵыхәтәантәи аҵәҵәабжьы ахьымгаз хьаа дууны ишрымоу атәы.
Раионк аԥсҭазаараҟынтә: Берулааԥҳа аҵарашықәс ахыркәшаразы

"Ахәыҷқәа рзы ныҳәа дууп ашкол ианалго. Сынтәа ҳашкол иалгоит 13-ҩык аҵаҩцәа. Угәы унархьыртә иҟоуп дара рзы аҵыхәтәантәи аҵәҵәабжьы ахьымгаз, ашкол ахыркәшара иацу агәырӷьаратә усмҩаԥгатәқәа ахьаанкылахаз, аха аттестатқәа рыҭара аус иаҳа игәцаракны амҩаԥгара ҳгәы иҭоуп", - ҳәа азгәалҭеит ашкол адиректор.

Берулааԥҳа иара убас илҳәеит адистанциатә ҵара ҳтәылаҿы алагаларазы лгәаанагара атәы.

"Дистанциала аҵара зынӡаск иманшәалаӡам. Аӡәык-ҩыџьак аҵара зҭаху, хықәкыс ишьҭыхны измоу убарҭ ирыхәар ауеит, аха зегьы рзы иара маншәалахом. Арҭ ҩымз ашкол ашәқәа ахьынӡаркыз, адистанциатә ҵара ҳәа иаԥшьган иҳамаз ала хықәкыс иҳамамызт ахәыҷқәа рдырра аиӷьтәра, ирдыруа ахәыҷы рхамышҭырц, ашкол ахь ирымоу агәыбылра рцәымӡырц, убри акәын хықәкыс иҳамаз. Раԥхьатәи арҵаҩы, раԥхьатәи апарта, раԥхьатәи ашәыра – сара сыззыразу абри ауп", - ҳәа еиҭалҳәеит Берулааԥҳа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

19
Вадим Харазия

Ҳаразиа арепатриациа азҵаара иазкны: жәлар рдипломатиагьы аус арутәуп

55
(ирҿыцуп 11:29 25.05.2020)
Аԥсадгьыл ахь архынҳәразы аҳәынҭқарратә еилакы ахантәаҩы Вадим Ҳаразиа арадио Sputnik аефир аҟны иҳәеит аилак ахықәки, уи инанагӡо аус ԥхьаҟа агаразы аиҳабыреи жәлар рдипломатиеи русура шибо атәы.
Атәылауаҩи аиҳабыреи: Ҳаразиа арепатриациа аус иазкны

Аԥсны ахада иусԥҟала лаҵара 21 рзы Аԥсадгьыл ахь архынҳәразы аҳәынҭқарратә еилакы ахантәаҩыс дҟаҵан Вадим Ҳаразиа. Аԥсадгьыл ахь архынҳәразы аҳәынҭқарратә еилакы мшаԥы 28 рзы еиҿкаан Адемографиеи арепатриациеи рминистрра аиҭакрала. Ари аусбарҭа иадыз афункциақәа рыхәҭак адҵан ҿыц иаԥҵаз Асоциалтә еиқәыршәареи адемографиатә политикеи рминистрра.

Вадим Ҳаразиа уажәаԥхьагьы (2015 ш. мшаԥы инаркны 2017 ш. ԥхынгәынӡа) арепатриациазы аҳәынҭқарратә еилакы напхгара аиҭон. Ааигәанӡа Аԥсны Аҳәынҭқарра ахьӡала Ҭырқәтәылатәи Ареспубликаҿы ахаҭарнакс дыҟан.

"… Хышықәса инарзынаԥшуа Ҭырқәтәыла иҟоу Аԥсуа хеилакқәа рфедерациеи Нхыҵ-Кавказ егьырҭ ахаҭарнакрақәеи, убасгьы Адәныҟатәи аусқәа рминистрреи ҳареи ҳажәҩахыр еидкыланы аус еицаҳуан. Хықәкыс иҳамоу, хымԥада, ҳбызшәа, ҳҵас, ҳапсуара, ҳқьабз реиқәырхара, ҳџьынџьуаа ахьыҟазаалакгьы аԥсуа ҳәынҭқарра аргылара ралархәра, ари аус аҟны еицаҳзеиԥшу аҳәынҭқарратә политика амҩаԥыгара ауп.
Ихадоу - ари аус удыруеит ҳәа акәӡам, аҳәынҭқарра аганахьала ахаҵгылара, адгылара ауп. Аԥсадгьыл ахь архынҳәразы аилак ахан, ари ахәышҭаара адунеи иқәынхо аԥсуаа зегьы иртәуп. Ари ахырхарҭаҟны аусура еиҳау аидеа ыҟаӡам иахьазы. Аминистррақәа зегьы ҳаидгыланы аус еицаҳуроуп. Асоциалтә политика, ашәарҭадара азҵаарақәа даара иазҿлымҳауп аҳәаанырцә инхо хџьынџьуаа. Ҳаҩныҵаҟа ҳҳәоу еиқәшәаны ҳаҽҳарҽеироуп, хәыҷык агәыбылра ааҳарԥшыроуп, жәла-жәлала ҳхәыҷқәа ҳрышьҭалароуп, иаҳбароуп, ҳиҳабацәа ақыҭақәа рҟынтәи аимадара рыбжьаҵаны араантәи уахь ицо, уаантәи арахь иаауа иахьсзыҟамҵаз сгәы иалоуп, абри аҭахуп ауаажәларратә дипломатиа. Еиҳарак ауаажәларратә дипломатиа аус амур, ас ҳшаҿу ала аамҭа цоит, аимадара ҳацәцоит", - иҳәеит Ҳаразиа.

Шәазыӡырҩы аудио.

Иара убас шәаԥхьар ҟалоит:

55
Гудаутская больница.

Гәдоуҭатәи ахәышәтәырҭа COVID-19 змаз даҽа пациентк дҭырҩааит

11
(ирҿыцуп 22:53 25.05.2020)
Иахьатәи аамҭазы Гәдоуҭатәи ахәышәтәырҭа иҭоуп 11-ҩык апациентцәа, урҭ зегьы акоронавирус шрыхьыз шьақәырӷәӷәоуп.

АҞӘА, лаҵара 25 - Sputnik. Даҽа курсантк Гәдоуҭатәи ахәышәтәырҭа дыҭҩаауп акоронавирус аҟынтәи ахәышәтәра данахыс ашьҭахь, абри атәы аанацҳауеит Аԥсны ауааԥсыра акоронавирус рацәыхьчаразы аоперативтә штаб.

Иҳаҩсыз уахыки-ҽнаки рзы акоронавирустә инфекциа рылоу ирыламу агәаҭаразы ҩынҩажәижәаҩык ауааԥсыра атестқәа ирхыжьын, урҭ рахьтә аӡәгьы акоронавирус илам.

Иазгәаҭоуп Аҟәатәи асасааирҭа "Аиҭар" аҟны хымԥадатәи ахыԥхьакра иқәныҟәоз 14-ҩык акурсантцәа аҩныҟа ишьоушьҭыз: хәҩык акурсантцәа Атәылахьчара аминистрра аганахьала, жәҩык - Аҩнуҵҟатәи аусқәа рминистрра аганахьала.

Апандемиа ааҟалеижьҭеи Аԥсны иахьаҵанакуа акоронавирустә инфекциа рыхьхьеит 28-ҩык ауааԥсыра, урҭ рахьтә жәохәҩык ргәабзиара шьақәгылахьеит, аӡәы лыԥсҭазаара далҵит.

Акоронавирус иазку ажәабжьқәа зегьы шәрыԥхьар ҟалоит абра>>

11
Атемақәа:
Ачымазара ҿкы – акоронавирус Аԥсни адунеи аҿи: иалкаау