Абессалом Кварчия

Кәарҷиа иҳәеит "Ахәцҵаз ашәахтә" азакәан ариашарақәа хәарҭас ирылоу

37
(ирҿыцуп 17:23 23.11.2019)
"Ахәцҵаз ашәахтә" азы аҳәынҭқарратә закәан иалагалоу ариашарақәа хәарҭас ирылоу азы игәанагара иҳәеит адырраҭара "Коӷониаԥҳа лымҩаду" аҟны анаплакҩы Абессалом Кәарҷиа.
Коӷониаԥҳа лымҩаду: Кәарҷиа "ахәцҵаз ашәахтә" азакәан ариашарақәа алагалара иазкны

"Иназыҵцҵоу ахәԥса ашәахтә иагхеит ҳәа аџьырмыкьаҿы ахәқәа лаҟәӡом. Аџьырмыкьатә економикаҿы мчыла ахә узыларҟәӡом, уи аџьырмыкьа ахаҭа иаӡбоит. Сара иахьа хәыҷык стауар ахә иҳаракны аҭира салагар, сҩыза дахәаԥшны ахә лаирҟәуеит. Аџьырмыкьа иара ахатә закәанқәа амоуп. Анаплакҩцәа зыргәамҵуа уи ауп, ауаҩы аидара хьанҭа иаҵо аарлаҳәа дышныҟәо еиԥш, анаплакыҩцәагьы иназыҵҵоу ахәԥса аныҳараку уи ашәарагьы рцәыуадаҩуп. Уажәы, азакәан ариашарақәа аналаргалалак ашьҭах, анаплакҩцәа уаанӡа азарал ирымаз ахарҭәаара иалагоит, ари хәыҷы-хәыҷла рыԥсы ҭанаҵароуп. Аҳәынҭқар еилыргаҩык иаҳасабала зегьы рҭагылазаашьа еиҟараны иҟаиҵароуп. Ашәахәҭәқәа зегьы рзы акны иҟазароуп", - ҳәа азгзәеиҭеит Кәарҷиа.   

Иаҳа инеиҵыхны адырраҭара "Коӷониаԥҳа лымҩаду" шәазыӡырҩы арадио Sputnik Аԥсны аефир аҟны асааҭ 18:00 рзы.

Иара убас шәаԥхьар ҟалоит:

37
Микрофон

Раионк аԥсҭазаараҟынтә: Барцыцԥҳа Гәдоуҭа ашколқәа рҿы аҿкы чымазаразы аҭагылазаашьазы

6
(ирҿыцуп 20:00 25.09.2020)
Гәдоуҭа араион аҵара аҟәша аспециалист хада Диана Барцыцԥҳа арадио Sputnik аефир аҿы еиҭалҳәеит иахьатәи аамҭаз ашколқәа рҿы аҵара апроцесс амҩасшьа атәы, насгьы ачымазара зманы иалкаау рхыԥхьаӡара атәы.
Раионк аԥсҭазаараҟынтә: Барцыцԥҳа Гәдоуҭа ашколқәа рҿы аҿкы чымазаразы аҭагылазаашьазы

"Аҵара апроцесс цоит араион 29 школ рҿы, иара убас ахәыҷбаҳчақәа фба рҿы. Акласстә уадақәа ҳарзҩыдоит, ашәқәа, аԥенџьырқәа аартны аԥша ҩнадырсуеит, арҵаҩцәа асабрадақәа ныҟәыргоит. Ашоурашәагақәа ҳамоуп, зегьы ршоура гәаҭаны аклассқәа рахь иҩнаҳҵоит. Иахьатәи амш азы 450-ҩык ахәыҷқәа ныҟәаӡом ашколқәа рахь еиуеиԥшым амзызқәа ирхырҟьаны. Иара убас иҳамоуп ичмазаҩцәоу арҵаҩцәа. Уи Гәдоуҭатәи актәи абжьаратә школ аҟнытә рҵаҩык, аҩбатәи ашкол аҿы хҩык арҵаҩцәа, Приморсктәи абжьаратә школ аҿы - аӡәы. Класск аужьны иҳаман актәи ашкол аҿы аҿкы чымазара иахҟьаны, аха урҭгьы шьҭа иҭыҵуеит. Аҵаҩцәа рыбжьара макьана аӡәгьы дычмазаҩымхацт. Арҵаҩцәа рыԥсахуеит егьырҭ арҵаҩцәа, аҵара процесс аҿы аиԥҟьара ҳәа акгьы ыҟаӡам", - еиҭалҳәеит Барцыцԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

6

Табаӷәуа "Абџьар азы" азакәан азы: изабалак инеины иныҟәыргаразы азин роуа иҟамлароуп

9
(ирҿыцуп 18:29 25.09.2020)
Аԥсны Апарламент аҿы аҩбатәи аԥхьарала "Абџьар азы" азакәан апроект рыдыркылеит. Уи азы арадио Sputnik аефир аҿы игәаангара иҳәеит Аԥсны Жәлар Реизара адепутат Баҭал Табаӷәуа.
Табаӷәуа "Абџьар азы" азакәан азы: изабалак инеины иныҟәгаразы азин роуа иҟамлароуп

"Азакәан уҳәар ауеит ицәгьамкәа иазыҟаҵоуп ҳәа, аха иҟоуп еиҭа азҵаарақәа азакәан аҿы иуриашаша, убарҭ ҟалар, ари ҩынтәны ауп ишҳадаҳкылаз, макьана алагаларақәа ҟауҵар ауеит, уи сақәшаҳаҭуп. Сара акызаҵәык сзықәшаҳаҭым, убра иануп абџьар аныҟәгара, иахьатәи аамҭаз, сара сгәаанаарала, абџьар аныҟәгара азин рымазароуп изыхәҭоу. Уи амилициа далоума азинхьчартә усбарҭақәа рҿы аус иуама, егьырахь дазусҭазаалакгьы, ашәарыцара дцозар - уи ҽакуп акәымзар, аныҟәгара изабалак инеины азин роуа иҟамлароуп. Уажәы аԥшаҳәаҿы иубоит аҿар иршәу амаҭәа иалыҳәҳәо абџьар шрымоу, иурбо ақалақь алалара сгәы иаанагоит иахәҭам азин рыҭара. Убри аганахьала азакәан саҿагылоит, сыбжьы засҭазгьы уи ахәҭаҷ дыриашоит азоуп, мап анакәха, сыбжьы сҭиӡом", -  еиҭеиҳәеит Табаӷәуа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

9