Азиндырыҩ Смыр игәаанагара иҳәеит "еиҿкааралатәи ацәгьоуразы" азакәан апроект азы

175
(ирҿыцуп 17:01 29.11.2019)
Аиуристтә ҭҵаарадыррақәа ркандидадт, ААУ аиуристтә факультет адекан Сергеи Смыр арадио Sputnik Аԥсны аефир аҿы игәаанагара иҳәеит "еиҿкааралатәи ацәгьоуразы" азакәан апроект азы.
Азиндырыҩ Смыр: азакәан удыкылаанӡа уи аус ауртә еиԥш уҽазыҟауҵароуп

"Иахьа ашьауӷатә закәан ҳахәаԥшуазар, ҳзакәанқәа рҿы иаҳәаӡом "еиҿкаарала иҟоу ацәгьоура" ҳәа. Иҟоуп хазы еиҿызкаауа, иҟазҵаз ацәгьоура, иалахәыз ҳәа, аха еиҿкаарала ацәгьоура ҳәа азакәан ыҟаӡам. Хаз-хазы ирыхәаԥшуазар, ирықәырҵо ашықәсқәа џьара-џьара иаҳҳәар ҟалоит имаҷуп ҳәа, еиҭа иацҵәатәуп ҳәа уҳәар ҟалоит, аха уи ала иахьатәи ҳҭагылазаашьа ҳаԥсадгьыл аҿы иҟоу ариашара цәгьоуп. Ҳакәша- мыкәша иҟоу аҳәынҭқаррақәа рҿы абри аҩыза азакәанқәа рыдыркылеит. Аӷьыч ҳәа иҟоу уахь зхы адызкыло ацәгьоурагьы ҟаимҵазаргьы ашьауӷа дақәшәоит, ашықәсқәа иқәырҵар ҟалоит. Акымзаракгьы ҟаимҵазаргьы. Ҳара ҳахь аара иалагеит ас еиԥш азакәан зыдызкылаз ахәынҭқаррақәа рҟынтә, ара аиҿкаарақәа аԥырҵо иалагеит, уи иахылҿиаауеит ацәгьоурагьы. Сгәы иаанагоит хара имгакәа иаҭахуп Жәлар реизараҿы ари азакәан актәи ааԥхьарала адкылара, нас аҩбатәи ахԥатәи аан ариашарақәа алагаланы, аспециалистцәа, азындырыҩцәа адгаланы ҳара иаҳнаалаша абри аҩыза азакәан ҳадаҳкылароуп ҳәа. Хыԥхьаӡарала ҳмаҷуп, ҳазхәыцроуп ҳԥеиԥш", - ҳәа азгәеиҭеит Смыр.       

Азындырҩы иажәақәа рыла ас еиԥш азакәан удукылаанӡа иаҭахуп уи аус ауратәы уҽазыҟауҵарц.

"Адкыларазы иҳадыҳкыларагьы ҳазыхиоума ҳара иара анагӡара? Уа ухы- угәы иҭазароуп, уи уаҵәтәи ҳԥеиԥш ишаԥырхагоу, ауаҩы дазыҟауҵароуп азакәан дадгыланы аус иуратәы. Зегь раԥхьа инаргыланы ауалафахәы шьҭыхтәуп, техникала деиқәыршәатәуп. Абарҭ зегьы азгәаҭамқәа иахьа азакәан удукылоит, уаҵәы уи аус ауӡом ҳәа аҳәара имариоу усуп. Уҽазыҟауҵароуп азакәан аус ауратәы", - ҳәа азгәеиҭеит Смыр.  

Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

175
Алхас Аргун

Аҭоурых иагәылаҵәаху: Аргәын Аԥсны аҳра амузеи аекспонат ҿыцқәа ирызкны

4
(ирҿыцуп 18:19 12.07.2020)
Афонҿыцтәи аҭоурых-культуратә ҳәырԥсарра "Анаҟәаԥиа" аиҳабы Алхас Аргәын арадио Sputnik Аԥсны аефир аҿы аҳәырԥсарра иаҵанакуа Аԥсны аҳра амузеи аекспонат ҿыцқәа ртәы еиҭеиҳәеит.
Аҭоурых иагәылаҵәаху: Аргәын Аԥсны аҳра амузеи аекспонат ҿыцқәа ирызкны

Шәазыӡырҩла арубрика "Аҭоурых иагәылаҵәаху" арадио Sputnik Аԥсны аефир аҿы есмҽыша.

Иара убас шәаԥхьар ҟалоит:

4

Ҳазлацәажәаша ҳамоуп: Ҳараниа ашьхааӡара иазкны

4
Аусӡбарҭаҿы 30 шықәса инареиҳаны аус зухьоу, иахьа хықәкыла ашьхааӡара знапы алаку Владимир Ҳараниа арадио Sputnik Аԥсны аефир аҿы еиҭеиҳәеит избан аԥсуа шьхақәа иҟарҵо ацха жәытә-натә аахыс ахә ҳаракны изыршьоз.
Ҳазлацәажәаша ҳамоуп: Ҳараниа ашьхааӡара иазкны

"28 шықәса инасхыҵуаз инаркны ашьхақәа рааӡара салагеит, уи рнапы алакын сара сабшьҭра зегьы. Убри аҟнытә ашьхақәеи сареи ҳаибадырит санмаҷӡаз инаркны. Раԥхьа ҩ-шьхымзыҭрак ҳамҭас исырҭеит, анаҩс аибашьра ҟалаанӡа 80 рҟынӡа иназгахьан", - ҳәа иҳәеит Ҳараниа.

Ашьхааӡаҩ иажәақәа рыл, ацха аҽаҩра бзиа еиҳарак ааԥын ауп ианыҟало, уи ахаҭабзиара аҵиаақәа рышәҭра иахьыԥшуп.

"Мшаԥымза инаркны Аԥсны аҵиаақәа ашәҭра иалагоит, зегь раԥхьа убри аҟнытә ауп иахьынтәирго амати, ирго зеиԥшроу еиԥш ацха ахаҭабзиарагьы убас иҟалоит. Еиҳарак ацха рацәаны иаазго ҳәа иԥхьаӡоуп алакациа, уи анаҩс ацитрустә ҵиаақәа. Абарҭ рыҩбагьы еицышәҭуеит, уаанӡа ашьхақәа маҷк-саҷк ааргозар, арҭ анышәҭлак ихадоу ацха зылҵуагьы дара роуп, ари зегьы лаҵарамзазы, уи ауп ари аамҭазы иҟало ацхагьы маитәи ҳәа изашьҭоу. Уи амзазы ашьхақәа ҩ-уск ирҿуп: акы – ацхеизгара, аҩбатәи – аҿа ахыхны аизырҳара, убасҟан ауп ашьха гылеит анырҳәо", - ҳәа еиҭеиҳәеит Ҳараниа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

4

Аԥсны Апарламент ахь алхрақәа шьақәгылеит ауаа рааишьала уахәаԥшуазар

2
(ирҿыцуп 19:00 12.07.2020)
Аԥсны Жәлар Реизара - Апарламент ахь алхрақәа шьақәгылеит ҳәа иԥхьаӡоуп зыбжьы азҭо атәылауаа рахьтә 25% инареиҳаны абжьыҭара рхы аладырхәызар.

АҞӘА, ԥхынгәы 12 - Sputnik, Сариа Кәарцхьиаԥҳа. Асааҭ 18:00 рызтәи Аԥсны АКХ адыррақәа рыла, Апарламент ахь алхрақәа ахьымҩаԥысуаз алхратә ҭыԥ хадақәа рыԥшьбагьы рҟны ауаа рааишьа иаҿырԥшны ишьақәгылеит ҳәа иԥхьаӡатәуп.

  • Бзыԥтәи алхратә ҭыԥ хадаҟны ауаа рааишьа иартәоит 36,25%;
  • Оҭҳаратәи алхратә ҭыԥ хадаҟны - 32,67%;
  • Гәдоуҭатәи алхратә ҭыԥ хадаҟны - 37,33%;
  • Кындыӷтәи алхратә ҭыԥ хадаҟны - 47,14%.

Абжьыҭара хыркәшахоит асааҭ 20:00 рзы. Раԥхьатәи алҵшәақәа еилкаахоит алхратә ҭыԥқәа ркомиссиақәа Алхратә комиссиа хадахьы аԥкаанҵақәа аннаргалак ашьҭахь.

Азакәан ишаҳәо ала, алхратә ҭыԥқәа ркомиссиақәа алҵшәақәа ҩымш ирҭагӡаны реихшьаларазы азин рымоуп. Заанаҵтәи алҵшәақәа анрыларҳәалак ашьҭахь, абжьыҭара шымҩаԥысыз азы ашшыԥхьыӡқәа ҟалар, АКХ ҽнак ахи аҵыхәеи рыла урҭ рыднакылоит.

Бзыԥтәи алхратә ҭыԥ хада № 10 ала Жәлар Реизара адепутатрахь кандидатцәас иқәгылоуп Ҭамаз Леибеи Ҭемыр Беиеи; Оҭҳаратәи алхратә ҭыԥ хада №14 ала Жәлар Реизара адепутатрахь кандидатцәас иқәгылоуп Робесҭан Габлиеи Алмасхан Барцыци; Гәдоуҭатәи алхратә ҭыԥ хада №18 ала - Асҭамыр Ахбеи Алхас Ҳагбеи; Кындыӷтәи алхратә ҭыԥ хада №31 ала - Аидар Кәыҵниа, Гарри Кокаиа, Џьансыхә Адлеиба.

Аԥсны Жәлар Реизарахь алхрақәа мҩаԥысуеит ԥхынгәы 12 рзы иҭацәыз амандатқәа ԥшьба рахь - атәыла ахадас иалырхыз Аслан Бжьаниа, аԥыза-министрс иҟарҵаз Александр Анқәаб, Аҩнуҵҟатәи аусқәа рминистрс иҟарҵаз Дмитри Дбар, Гагра араион ахадас иҟарҵаз Иури Хагәышь рҭыԥқәа рахь.

2