Џьынџьал: ашьоура аанкылатәуп амч ала, закәанла, хшыҩла

18
(ирҿыцуп 18:29 30.11.2019)
Аԥсны ашьауӷатә кодекс аныҟоу аамҭазы, ашьоуреи ахалахьырхәреи реиҭаҿиара ҵаҵӷәыс иамоу ҳәа игәаанагара иҳәеит адырраҭара "Коӷониаԥҳа лымҩаду" аҟны Аԥсны Жәлар реизара адепутат Омар Џьынџьал.
Коӷониаԥҳа лымҩаду: Џьынџьал ашьоуреи аԥсуа закәанқәеи ирызкны

"Ахалахьырхәра абзиарахь ҳкылнагаӡом, аха убри зыҟоугьы ахатә мзызқәа ыҟазар акәхап. Аусбарҭақәа рахь унеины иуыхьыз уҳәеит, аха иудымгылеит. усҟан ауп ауаҩы дазхәыцуа даналаго, сус сара исыӡбап ҳәа.  Ари аӡә иус акәым, ари жәларык рус ауп. Ажәытә ашьоура хаҵаран, доусы изуӡомызт уи. Ашьа аргама иутәын. Уажәы ҵлак дкылатәан дхысит, ишьа иузшәа иԥхьаӡоит. Азакәан ахала ус ауӡом, уи ауаа аус адырулароуп. Раԥхьагьы дара иқәныҟәароуп, иара убри ала ишьҭыҵуеит азакәангьы, уи ада шьақәыргылашьа амам, ауаҩы иҟынӡагьы иузнагом. Ҳара ҳаҟара азакәан иақәныҟәо дыҟаӡам, аха ишацныҟәо ҳбар, еилых ҟамҵакәа, азакәан зегьы рзы изакәанзароуп. Ауаҩы даанкылатәуп амч ала, закәанла, ма хшыҩла. Акгьы аныҟамла, иҟалоит иахьа иҳамоу", - ҳәа азгәеиҭеит Џьынџьал.

Иаҳа инеиҵыхны адырраҭара "Коӷониаԥҳа лымҩаду" шәазыӡырҩы арадио Sputnik Аԥсны аефир аҟны асааҭ 18:00 рзы.

Иара убас шәаԥхьар ҟалоит:

18
Алхас Аргун

Аҭоурых иагәылаҵәаху: Аргәын Аԥсны аҳра амузеи аекспонат ҿыцқәа ирызкны

5
(ирҿыцуп 18:19 12.07.2020)
Афонҿыцтәи аҭоурых-культуратә ҳәырԥсарра "Анаҟәаԥиа" аиҳабы Алхас Аргәын арадио Sputnik Аԥсны аефир аҿы аҳәырԥсарра иаҵанакуа Аԥсны аҳра амузеи аекспонат ҿыцқәа ртәы еиҭеиҳәеит.
Аҭоурых иагәылаҵәаху: Аргәын Аԥсны аҳра амузеи аекспонат ҿыцқәа ирызкны

Шәазыӡырҩла арубрика "Аҭоурых иагәылаҵәаху" арадио Sputnik Аԥсны аефир аҿы есмҽыша.

Иара убас шәаԥхьар ҟалоит:

5

Ҳазлацәажәаша ҳамоуп: Ҳараниа ашьхааӡара иазкны

4
Аусӡбарҭаҿы 30 шықәса инареиҳаны аус зухьоу, иахьа хықәкыла ашьхааӡара знапы алаку Владимир Ҳараниа арадио Sputnik Аԥсны аефир аҿы еиҭеиҳәеит избан аԥсуа шьхақәа иҟарҵо ацха жәытә-натә аахыс ахә ҳаракны изыршьоз.
Ҳазлацәажәаша ҳамоуп: Ҳараниа ашьхааӡара иазкны

"28 шықәса инасхыҵуаз инаркны ашьхақәа рааӡара салагеит, уи рнапы алакын сара сабшьҭра зегьы. Убри аҟнытә ашьхақәеи сареи ҳаибадырит санмаҷӡаз инаркны. Раԥхьа ҩ-шьхымзыҭрак ҳамҭас исырҭеит, анаҩс аибашьра ҟалаанӡа 80 рҟынӡа иназгахьан", - ҳәа иҳәеит Ҳараниа.

Ашьхааӡаҩ иажәақәа рыл, ацха аҽаҩра бзиа еиҳарак ааԥын ауп ианыҟало, уи ахаҭабзиара аҵиаақәа рышәҭра иахьыԥшуп.

"Мшаԥымза инаркны Аԥсны аҵиаақәа ашәҭра иалагоит, зегь раԥхьа убри аҟнытә ауп иахьынтәирго амати, ирго зеиԥшроу еиԥш ацха ахаҭабзиарагьы убас иҟалоит. Еиҳарак ацха рацәаны иаазго ҳәа иԥхьаӡоуп алакациа, уи анаҩс ацитрустә ҵиаақәа. Абарҭ рыҩбагьы еицышәҭуеит, уаанӡа ашьхақәа маҷк-саҷк ааргозар, арҭ анышәҭлак ихадоу ацха зылҵуагьы дара роуп, ари зегьы лаҵарамзазы, уи ауп ари аамҭазы иҟало ацхагьы маитәи ҳәа изашьҭоу. Уи амзазы ашьхақәа ҩ-уск ирҿуп: акы – ацхеизгара, аҩбатәи – аҿа ахыхны аизырҳара, убасҟан ауп ашьха гылеит анырҳәо", - ҳәа еиҭеиҳәеит Ҳараниа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

4
Аԥсны Апарламент ахь аиҭалхрақәа рҿы абжьыҭара хыркәшоуп

Аԥсны Апарламент ахь аиҭалхрақәа рҿы абжьыҭара хыркәшоуп

0
Амҽыша, ԥхынгәы 12 рзы Аԥсны имҩаԥысит атәыла Апарламент аҟны иҭацәыз амандатқәа ԥшьба рахь аиҭалхрақәа.

АҞӘА, ԥхынгәы 12 - Sputnik. Аԥсны Апарламент ахь аиҭалхрақәа раан алхратә ҭыԥ хадақәа ԥшьба аркын асааҭ 20:00 рзы амҽыша, ԥхынгәы 12 рзы. Урҭ аусура иалагеит ашьыжь, асааҭ 8:00 рзы.

АКХ асааҭ 18:00 рызтәи адыррақәа рыла, алхратә ҭыԥқәа зегь рыҟны ауаа рааишьала алхрақәа шьақәгылеит.

Ибжьы аиҭеит Аԥсны ахада Аслан Бжьаниагьы, уи Тамшь ақыҭаҟны дахьҭаҩу аҭыӡҭыԥ ала иҟоу алхратә ҭыԥ даҭааит.

Азакәан ишаҳәо ала, алхратә ҭыԥқәа ркомиссиақәа алҵшәақәа ҩымш ирҭагӡаны реихшьаларазы азин рымоуп. Заанаҵтәи алҵшәақәа анрыларҳәалак ашьҭахь, абжьыҭара шымҩаԥысыз азы ашшыԥхьыӡқәа ҟалар, АКХ ҽнак ахи аҵыхәеи рыла урҭ рыднакылоит.

Бзыԥтәи алхратә ҭыԥ хада № 10 ала Жәлар Реизара адепутатрахь кандидатцәас иқәгылоуп Ҭамаз Леибеи Ҭемыр Беиеи; Оҭҳаратәи алхратә ҭыԥ хада №14 ала Жәлар Реизара адепутатрахь кандидатцәас иқәгылоуп Робесҭан Габлиеи Алмасхан Барцыци; Гәдоуҭатәи алхратә ҭыԥ хада №18 ала - Асҭамыр Ахбеи Алхас Ҳагбеи; Кындыӷтәи алхратә ҭыԥ хада №31 ала - Аидар Кәыҵниа, Гарри Кокаиа, Џьансыхә Адлеиба.

Аԥсны Жәлар Реизарахь алхрақәа мҩаԥысуеит ԥхынгәы 12 рзы иҭацәыз амандатқәа ԥшьба рахь - атәыла ахадас иалырхыз Аслан Бжьаниа, аԥыза-министрс иҟарҵаз Александр Анқәаб, Аҩнуҵҟатәи аусқәа рминистрс иҟарҵаз Дмитри Дбар, Гагра араион ахадас иҟарҵаз Иури Хагәышь рҭыԥқәа рахь.

0