Смыр иҳәеит азинтә ҳәынҭқарра аргылара шаҭаху, аха уи ауадаҩрақәа шацу

35
Аиуристтә ҭҵаарадыррақәа ркандидадт, ААУ аиуристтә факультет адекан Сергеи Смыр арадио Sputnik Аԥсны аефир аҿы иҳәеит азинтә ҳәынҭқарра аргылара шаҭаху, аха уи ауадаҩрақәа шацу.
Смыр: аҳәынҭқарраҿы инхо ауаҩԥсы аҳәынҭқарраҿы иҟоу аусҳәарҭақәа азакәан ала аус иуроуп

"Ҳҿар уамакала ибзиоуп, аха убра ирылоуп ихәыцуа убас: "иаласхыи сара азакәан, дыҟоуп сгәыла, сҭынхак, иара азҵаарақәа иӡбоит, саргьы убас сҟаландаз" ҳәа, имаҷзаргьы, зегьы акоуп иҟоуп ус зҳәо. Урҭ иаҳа ҳаҭыр рықәуп ҳәа ргәы иаанагоит. Цәгьарак ҟаларгьы азинхьчаратә усбараҭа иадҵаалом, излауа ала рхала рызҵаарақәа рыӡбоит. Аԥсны зинтә ҳәынҭқарроуп ҳәа ҳҳәозар, ҳконституциаҿы ус иарбазар, аргылара ҳалагароуп азинтә ҳәынҭқарра. Аҳәынҭқарраҿы инхо ауаҩы иҳәынҭқарраҿы иҟоу аусҳәарҭақәа азакәан ала аус иуроуп", - ҳәа азгәеиҭеит Смыр.       

Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.

35
Юрий Кварацхелия.

Кәарцхьиа еиҭеиҳәеит Гәдоуҭа араион аҟны аҵиаақәа рыхәшәтәра иахьынӡазхиоу атәы

4
(ирҿыцуп 16:08 05.06.2020)
Гәдоуҭа араион ақыҭанхамҩатә усбарҭа аиҳабы Иура Кәарцхьиа арадио Sputnik аефир аҟны арубрика "Раионк аԥсҭазаараҟынтә" аҿы еиҭеиҳәеит амармалташьтә пты аҟынтәи ахәшәтәрақәа рылагара иахьынӡазхиоу атәы.
Кәарцхьиа еиҭеиҳәеит Гәдоуҭа араион аҟны аҵиаақәа рыхәшәтәра иахьынӡазхиоу атәы

"Амармалташьтә пты зшьуа ахәшәқәа 650 литра ҳауит Гәдоуҭа араион. Уи аԥхьа иҟаҳҵаз аҳәара ала, нас иҵегьы ҳҭаххар иҳарҭоит. Иахьа иналак-аалакны ақыҭақәа рҟны иахьырбо аҭаацәарақәа ахәшә ақәҭәара иаҿуп. Апальматә бжы зшьо ахәшә 60 литра ҳауит 1000 шьапы ирызхаша Гәдоуҭеи Афони. Аҩашазы ҳаицәажәаны ҳаҟоуп, маҭәахәыла еиқәҳаршәоит, ахәшә ақәаҳҭәоит. Гәдоуҭа ауаажәларратә ҳәа иԥхьаӡоу аҭыԥ аҟны игылоу 23 пальма ҵла роуп, даҽа 363 шьапы ауаа рыҩны аԥхьа, ргәарԥ аҿы игылоуп. Ҳара иаҳуалу - ус аҵлақәа змоу ҳдыруеит, рҭел ҳасны ираҳҳәоит, иааины иргоит, иақәырҭәоит. Ауаажәларратә ҭыԥқәа рҟны ауп ҳусзуҩцәа иахьақәырҭәо. Гәдоуҭа араион аҟны макьаназы ус еиԥш ачымазара ыҟам, апрофилактикатә хәшәтәрақәа мҩаԥаагоит", - иҳәеит Кәарцхьиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

4

Барганџьиа аԥхасҭа узҭо амаҵақәа рҿагылара иазкны: ахәшәқәа рзы уадаҩра ҟалом

15
(ирҿыцуп 12:16 05.06.2020)
Ақыҭанхамҩа аминистрра агрономиа аҟәша аиҳабы Едуард Барганџьиа арадио Sputnik Аԥсны аефир аҟны еиҭеиҳәеит ахәаҷамаҷқәа рҿагыларазы аԥхьатәи ахәшәтәра зламҩаԥыргаша араионқәа рқыҭанхамҩатә ҟәшақәа ирызшоуп ҳәа.
Барганџьиа ахәаҷамаҷакәа рҿагылара иазкны: ахәшәқәа рзы уадаҩра ҟалом

"Ақыҭанхамҩа аминистрраҟынтәи ахәшәқәа араионқәа зегьы ираҳҭеит. Уажәааны амармалташьтә пты ацәырҵра иалагоит. Иаагозар, араионқәа абас ирзеихаҳшеит: Гагра - 100 литрак, Гәдоуҭа - 700, Аҟәа - 160, Гәылрыԥшь - 1200, Очамчыра - 140, Тҟәарчал - 900, Гал - 1600 литра. Апальмақәа рыхәшәтәразы ақыҭанхамҩатә институт 100 литрак раҳҭеит, аекологиазы аҳәынҭқарратә еилакы - 500 литра уҳәа. Иааизакны иуԥхьаӡозар еихаҳшаз ахәшәқәа 6 нызқьи 400 литра рҟынӡа инаӡоит. Ари уажәы аԥхьатәи аҿагыларазы ирызхоит. Иҵегьы ҳара ҳазыԥшуп Урыстәыла ақыҭанхамҩа аминистрраҟынтәи ацхыраара, иҳауроуп ахәшәқәа. Урҭ ақыҭақәа еихшаны ирырҭароуп араионқәа рыҟны иҟоу ақыҭанхамҩатә ҟәшақәа. Аҭыԥ аҟны иазҿлымҳаны ианаамҭоу анхацәа ирзыршароуп. Аминистрраҟынтәи убӷа икыдуҵо ахәшә ақәҭәагақәа сынтәа араионқәа ираҳҭеит 106 цыра. Ахәшәқәа ршараан иара (аԥхасҭа ҟазҵо амаҵа - аред.) иаҳа иахьҿио ҳәа ҳасаб азун. Ҵыԥх акәзар, араионқәа рҟынтәи иҳадаҳкылаз амармалташьтә пты 5 тоннаки 400 кьыла рҟынӡа ыҟан", - ҳәа азгәеиҭеит Барганџьиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

15