Ахсалԥҳа еиҭалҳәеит сынтәатәи аӡын зеиԥшрахо

94
Аӡын раԥхьатәи амш ҳҭалеит. Изеиԥшрахозеи сынтәа аӡын, иазыԥштәума амшын иаԥну аҭыԥқәа рҿы асы, абри атәы арадио Sputnik Аԥсны аефир аҿы еиталҳәеит афизика-математикатә ҭҵаарадыррақәа ркандидат, Аԥсны аекологиатә институт аусзуҩ Асида Ахсалԥҳа.

"Аӡын сынтәа ҵыԥх аасҭа иаҳа ихьшәашәахоит, уи иаҳнарбоит аԥсабаратә циклқәа. Сынтәа аҩбатәи ацикл ҳҭалоит – уи иаанаго - 2020-2021 ашықәсқәа рзы аӡын иаҳа ихьшәашәахоит. Ԥхынҷкәынмза ақәоура аԥыжәара амазаауеит, ажьырныҳәамзазы иаҳа ахьшәашәара ҟалоит, аха жәабран еиҳагьы ихьшәашәахоит. Аԥсны ҳара игәаҳҭахьеит, есхәышәықәса рышьҭахь аарҩара ҟалоит. Нас хәышәықәса ақәаԥсақәа иаҳа ирацәахоит. Асы акәзар, есаҩбатәи ацикл, абыжьбатәи ацикл, ажәеизатәи ацикл илеиуеит. Уи иаанаго есжәеиза шықәса, есҩышықәса, есбыжьшықәса иауеит асы. Аԥсны амшынӡы аԥхарроуп аҳауа анырра азҭо, ҵыԥх аҳауа акырӡа иԥхан - ҵыԥх инҵәон ахәбатәи ашықәс. Шьҭа иҿыцу ацикл ҳҭалеит, убри азы сынтәа иаҳа ихьшәашәарахоит аӡын, жәабранмзазгьы маҷк асы ҳазыԥшуп", - ҳәа еиҭалҳәеит Ахсалԥҳа.

Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.

94