Шьынқәырԥҳа ахәаҷа-маҷақәа ралаҵәаразы: ахәшәтәрақәа аамҭа мгакәа имҩаԥгалатәуп

24
Аҵиаақәа рзы акарантинтә хылаԥшра асанитартә лабораториа аиҳабы Маиа Шьынқәырԥҳа арадио Sputnik Аԥсны аефир аҿы еиҭалҳәеит Аԥсны иқәнагалаз ахәаҷа-маҷақәа рныҵәаразы ианаамҭоу аусурақәа нап шыддыркымыз.
Шьынқәырԥҳа ахәаҷа-маҷақәа ралаҵәаразы: ахәшәтәрақәа аамҭа мгакәа имҩаԥгалатәуп

"Аԥсны ицәырҵыз ахәаҷа-маҷақәа зегьы аларҵәара роуаанӡа ҳинспекторцәа иалыркаахьан, аха ианаамҭаз дара рнырҵәаразы аусурақәа ианымҩаԥымгаха, иаразнак рымҽхак дырҭбаауеит… Иахьа ирацәоуп хылаԥшрада иҟоу адгьылқәа, аҩнаҭақәа, агәараҭақәа. Анкьа аԥсуа ибаҳча дааҵалан зегьы ирыцқьон, иаҭахыз ихәшәтәуан, дахылаԥшуан. Иахьагьы зшәырҭрақәа ирхылаԥшуа дыҟоуп, аха иааигәа инхо игәыла ус аныҟаимҵа, инахарамкәа еиҭа аӡәгьы дахьнымхо адгьыл ыҟазар, уа аӡәгьы акгьы мҩаԥимгозар, ахәаҷа-маҷақәа еиҳагьы иҿиоит. Усҟан иара аҭыԥ рацәаны иаиуеит иахьцаша, иафаша", - ҳәа еиҭалҳәеит Шьынқәырԥҳа.

Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.

 

24

Кәыркәнааԥҳа Белоруссиа иҟоу аидысларақәа рзы: ҳдәылҵӡом, ҳшәаны аҩны ҳтәоуп

1
Белоруссиа алхрақәа рышьҭахь ишьақәгылаз аҭагылазаашьа атәы арадио Sputnik Аԥсны иазеиҭалҳәеит Барановичи инхо ҳџьынџьуаҩ Мзиа Кәыркәнааԥҳа.
Кәыркәнааԥҳа Белоруссиа иҟоу аидысларақәа рзы: ҳдәылҵӡом, ҳшәаны аҩны ҳтәоуп

Нанҳәа 9 рзы Белоруссиа имҩаԥысит атәыла ахада иалхрақәа. Алхырҭатә ҭыԥқәа анадыркы ашьҭахь аҿагыларатә акциақәа ирылагеит. Абарҭ акциақәа раан иаанкылан урыстәылатәи ажурналистцәагьы.

"Хәылбыҽхала аҿар адәахьы ицәырҵны алхрақәа рлыҵшәа аҿагылара арҭоит, иқәԥоит. Ашьыжь зегьы бзиоуп, аусурақәа рахь ицоит, анаплакқәа русура аанкылам, зегьы аус ауеит. Ауаажәларратә транспорт зегьы аус ауеит. Аиҿагыларақәа мҩаԥысуеит Барановичи, Брест, Минск, Гомель уҳәа белоруссиатәи ақалақьқәа рҿы. Сгәыла ахәылбыҽха дахьдәылҵыз дҭаркит, уажәгьы лыхабар ыҟам, ҳара ҳшәаны аҩны ҳтәоуп, ҳдәылҵӡом, аӡәгьы дахәаԥшзом, аҿагылара иалаху иалахәыму ҳәа, зегьы кны иргоит", - еиҭалҳәеит Кәыркәнааԥҳа.

Белоруссиа аҳҭнықалақь аҟны ҩымш ҵуеит зиншьаҭада аҿагыларатә акциақәа ирылагеижьҭеи, акциақәа ирылахә ахада иалхрақәа рылҵшәақәа иазыразым. Александр Лукашенко 80% алхыҩцәа рыбжьы ирҭеит. Аҿагылара ҟазҵози азинхьчаратә органқәа русзуҩцәеи еиҿанагалеит. Минск агәҭа абаррикадақәа ргылан. Амилициа рхы иадырхәеит аӡыршәгақәа, агаз. Иҟоуп ааха зауны ахәышәтәырҭахь инанагаз. Минск агәҭа еизаз иаанкылоу ауаа амилициаа ирыцрырҟьарц рҽазыршәеит. Азинхьчаҩцәа ражәақәа рыла аӡәы дҭахеит.

Иара убас шәаԥхьар ҟалоит:

1

Гәарамиа Драндатәи акалмаҳааӡарҭа аԥсшьаҩцәа рҭааразы: рхы ҳнықәыԥшуа ҳалагеит

16
(ирҿыцуп 16:05 11.08.2020)
Дранда аҳаблаҿ иҟоу акалмаҳааӡарҭа аԥшәма Беслан Гәарамиа арадио Sputnik Аԥсны аефир аҿы еиҭеиҳәеит аҳәаа аартра русура ишаныԥшыз атәы.
Раионк аԥсҭазаараҟынтә: Гәарамиа акалмаҳааӡарҭа аусуразы

"Ҩымш-хымш раахыс аԥсшьаҩцәа рхы ҳнықәыԥшуа ҳалагеит. Ҳгәыӷуеит иаанхаз аамҭа иалагӡаны ҳуалқәеи ҳареи ҳаиҩысып ҳәа. Гагра, Пицунда аԥсшьарҭатә ҭыԥқәа анҭҭәлак, нас ҳара ҳахь еиҳа иаауа иалагоит. Арахь иаауа Отаԥ, Елыр иҟаз роуп, иааҭгылоит, инахәаԥшны ианцо ыҟоуп, иҟоуп акы инацҳауагьы. Атурфирмақәеи ҳареи аиқәшаҳаҭра ҳәа акгьы ҳабжьам, арахь иақәшәо зхатә машьынала Аԥсныҟа иаауа аԥсшьаҩы иоуп. Иџьаушьашьа, аԥсацәа усҟак ирыздырӡом ари аҭыԥ атәылахь ԥсшьараҳәа иаауа ишырдыруа еиԥш. Ҽнак уажәазы 7-10-ҩык роуп иаҳҭаауа, ҵыԥх акәзар, 40 рҟынӡа, 100-ҩык аныҟаз убарын. Аха егьа ауаа ҟаларгьы ҩымз рыла иуааӡо зегьы узыҭиӡом, нас уи аӡын иӷыҵугароуп, ирфо рацәоуп, нас акык-ҩбак ушахасуа уа иаанҵәоит. Аԥхын аамҭа быжьба ааба тонна ҳҭииртә иҟазҭгьы, ҳаргьы акы ҳахашәалон, аусгьы ибзиан ицарын", - еиҭеиҳәеит Гәарамиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

16
Первые пассажиры высоко оценили преимущества ж/д рейса Адлер–Гагра.

Аекспертцәа: Аԥсныҟа абилеҭқәа рыхә иацлеит

0
(ирҿыцуп 21:16 11.08.2020)
Аԥсны-Урыстәыла рҳәаа аатит нанҳәа 1 азы. Нанҳәа 10 рзы аҳәаа иахысхьан 230 нызқьҩык ауаа.

АҞӘА, нанҳәа 11 - Sputnik. Ашықәс аҩныҵҟа Аԥсныҟа абилеҭқәа рыхәԥса иубартә ишьҭыҵит ҳәа азгәарҭоит онлаин-сервис Туту.ру аекспертцәа.

Абилеҭ Москва-Аҟәа ахәԥса ашықәс аҩныҵҟа 16% ихалеит – хәнызқьмааҭ рҟынӡа иаԥсахеит, Ростов-на-Дону - 35% ихалеит, 2,5 нызқьмааҭ иаԥсахеит.

Адлерынтәи Аҟәанӡа аара 18% рыла ишьҭыҵны 840 мааҭ артәеит. Акурорт Гагранӡа ааразы Санкт-Петербургтәи абилеҭ - 29% ацлеит, Воронежтәи - 79%, Шәачантә - 62%. Ареис Шәача-Аҟәа ахә 12% ацлан иартәеит 886 мааҭ.

Аԥсни Урыстәылеи рыбжьара пандемиа иахырҟьаны адәыӷбатә еимадара еиԥҟьан. Иара еиҭахацыркхеит нанҳәа 7 рзы.

Иара убас шәаԥхьар ҟалоит:

0