Анатоли Алҭеиба

Алҭеиба "Князь Владимир" ааиразы: аибашьра ҟалаанӡа ас еиԥш аӷбақәа рыла абаӷәаза ҭәын

26
Аԥсны зҽаԥсазтәыз артист, апоет, ашәаԥҵаҩ Анатоли Алҭеиба арадио Sputnik аефир аҿы игәалаиршәеит Аҟәатәи аҳаирбаӷәазахь аӷба дуқәа анадгылозтәи аамҭақәа.

Акруизтә лаинер "Князь Владимир" Аҟәатәи амшынтә баӷәаза иадгылеит ԥхынҷкәын 2 асааҭ 9:40 рзы.

Алҭеиба "Князь Владимир" ааиразы: аибашьра ҟалаанӡа ас еиԥш аӷбақәа рыла абаӷәаза ҭәын

"Асахьаҭыхратә ҵараиурҭа санҭалаз, уи 80-тәи ашықәсқәа роуп, усҟан аӷба дуқәа аауан арахь. Ҳаибарыҩны ҳцон аҿарацәа абри аҩыза аӷба амшын излакуеи ҳәа иџьашьо. Дара аҳәаанырцәтәи ҳәа иҳаԥхьаӡон, избанзар иҭаз зегьы атәым ҳәынҭқаррақәа рҟынтәи ракәын. Дара ҩ-сааҭк, х-сааҭк ара иаанҿасуан. Убасҟан аӷба рнапқәа амаҭәақәа аахшьны иҭыҵуан, урҭ ишабалак иуҭиир ҟалаӡомызт. Ҳнеины ҳрыдыххылон, нас маӡала ҳавагалан иҳашәҵаны игәаҳҭон. Зны аӷбахь ҳрыманы иҭалеит, усҟан иара зынӡа шьха дук иаҟараны иаабеит. Ҳанҭала ҳрыман џьара ицеит, нас амаҭәа анааҳхәа, ҳандәықәла ҳҟьалеит. Сааҭк аҟара аҭыҵырҭа ҳашьҭан, ҳаимдон, арахь узызҵаауа иаҳҳәо рзеилкааӡомызт. Абас аӷба аҩнуҵҟагьы ҳҟьалахьан. Усҟан еиҳарак иаҳшәаҳҵоз асоветтә маҭәақәа ракәын, аҳәаанырцәынтәи иааргоз имарианы иуоуӡомызт. "Саламандра" ҳәа усҟан аимаа бзиақәа ҳрышьҭан, аџьынсқәа, аспорттә маҭәақәа. Урҭ даара иԥшӡан, сара иахьеиԥш исгәалашәоит саламандраки спортивкаки иаасхәаз. Уи ныҟәызгон ԥшьбаҟа шықәса", - ҳәа еиҭеиҳәеит Алҭеиба.              

Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.

26

Кәыркәнааԥҳа Белоруссиа иҟоу аидысларақәа рзы: ҳдәылҵӡом, ҳшәаны аҩны ҳтәоуп

10
Белоруссиа алхрақәа рышьҭахь ишьақәгылаз аҭагылазаашьа атәы арадио Sputnik Аԥсны иазеиҭалҳәеит Барановичи инхо ҳџьынџьуаҩ Мзиа Кәыркәнааԥҳа.
Кәыркәнааԥҳа Белоруссиа иҟоу аидысларақәа рзы: ҳдәылҵӡом, ҳшәаны аҩны ҳтәоуп

Нанҳәа 9 рзы Белоруссиа имҩаԥысит атәыла ахада иалхрақәа. Алхырҭатә ҭыԥқәа анадыркы ашьҭахь аҿагыларатә акциақәа ирылагеит. Абарҭ акциақәа раан иаанкылан урыстәылатәи ажурналистцәагьы.

"Хәылбыҽхала аҿар адәахьы ицәырҵны алхрақәа рлыҵшәа аҿагылара арҭоит, иқәԥоит. Ашьыжь зегьы бзиоуп, аусурақәа рахь ицоит, анаплакқәа русура аанкылам, зегьы аус ауеит. Ауаажәларратә транспорт зегьы аус ауеит. Аиҿагыларақәа мҩаԥысуеит Барановичи, Брест, Минск, Гомель уҳәа белоруссиатәи ақалақьқәа рҿы. Сгәыла ахәылбыҽха дахьдәылҵыз дҭаркит, уажәгьы лыхабар ыҟам, ҳара ҳшәаны аҩны ҳтәоуп, ҳдәылҵӡом, аӡәгьы дахәаԥшзом, аҿагылара иалаху иалахәыму ҳәа, зегьы кны иргоит", - еиҭалҳәеит Кәыркәнааԥҳа.

Белоруссиа аҳҭнықалақь аҟны ҩымш ҵуеит зиншьаҭада аҿагыларатә акциақәа ирылагеижьҭеи, акциақәа ирылахә ахада иалхрақәа рылҵшәақәа иазыразым. Александр Лукашенко 80% алхыҩцәа рыбжьы ирҭеит. Аҿагылара ҟазҵози азинхьчаратә органқәа русзуҩцәеи еиҿанагалеит. Минск агәҭа абаррикадақәа ргылан. Амилициа рхы иадырхәеит аӡыршәгақәа, агаз. Иҟоуп ааха зауны ахәышәтәырҭахь инанагаз. Минск агәҭа еизаз иаанкылоу ауаа амилициаа ирыцрырҟьарц рҽазыршәеит. Азинхьчаҩцәа ражәақәа рыла аӡәы дҭахеит.

Иара убас шәаԥхьар ҟалоит:

10

Гәарамиа Драндатәи акалмаҳааӡарҭа аԥсшьаҩцәа рҭааразы: рхы ҳнықәыԥшуа ҳалагеит

17
(ирҿыцуп 16:05 11.08.2020)
Дранда аҳаблаҿ иҟоу акалмаҳааӡарҭа аԥшәма Беслан Гәарамиа арадио Sputnik Аԥсны аефир аҿы еиҭеиҳәеит аҳәаа аартра русура ишаныԥшыз атәы.
Раионк аԥсҭазаараҟынтә: Гәарамиа акалмаҳааӡарҭа аусуразы

"Ҩымш-хымш раахыс аԥсшьаҩцәа рхы ҳнықәыԥшуа ҳалагеит. Ҳгәыӷуеит иаанхаз аамҭа иалагӡаны ҳуалқәеи ҳареи ҳаиҩысып ҳәа. Гагра, Пицунда аԥсшьарҭатә ҭыԥқәа анҭҭәлак, нас ҳара ҳахь еиҳа иаауа иалагоит. Арахь иаауа Отаԥ, Елыр иҟаз роуп, иааҭгылоит, инахәаԥшны ианцо ыҟоуп, иҟоуп акы инацҳауагьы. Атурфирмақәеи ҳареи аиқәшаҳаҭра ҳәа акгьы ҳабжьам, арахь иақәшәо зхатә машьынала Аԥсныҟа иаауа аԥсшьаҩы иоуп. Иџьаушьашьа, аԥсацәа усҟак ирыздырӡом ари аҭыԥ атәылахь ԥсшьараҳәа иаауа ишырдыруа еиԥш. Ҽнак уажәазы 7-10-ҩык роуп иаҳҭаауа, ҵыԥх акәзар, 40 рҟынӡа, 100-ҩык аныҟаз убарын. Аха егьа ауаа ҟаларгьы ҩымз рыла иуааӡо зегьы узыҭиӡом, нас уи аӡын иӷыҵугароуп, ирфо рацәоуп, нас акык-ҩбак ушахасуа уа иаанҵәоит. Аԥхын аамҭа быжьба ааба тонна ҳҭииртә иҟазҭгьы, ҳаргьы акы ҳахашәалон, аусгьы ибзиан ицарын", - еиҭеиҳәеит Гәарамиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

17
Кран

Нанҳәа 12 аҽны Аҟәа ахәҭак ӡыда иаанхоит

3
(ирҿыцуп 20:24 11.08.2020)
АУН "Аӡыканал" аремонттә усурақәа мҩаԥнагараны иҟоуп Аҟәа, Арӡынбеи Ажәанбеи рымҩақәа рҟны, нанҳәа 12 аҽны.

АҞӘА, нанҳәа 11 - Sputnik. Нанҳәа 12, ахашаҽны асааҭ 00:00 инаркны 22:00 сааҭ рҟынӡа Аҟәа ахәҭак  ӡыда иаанхоит, ҳәа аанацҳауеит АУН "Аӡыканал".

Аӡы ҟалаӡом:

  • Ажәытә ҳабла
  • Колос
  • авокзал
  • ақалақь агәы
  • ВИЕМ
  • Адыгеиаа рымҩа

Уаанӡа АУН "Аӡыканал" аҟны Sputnik ишазеиҭарҳәахьоу ала, аӡы лассы-лассы аанкылара азҵаара аӡбаразы комплексла аӡымҩангагақәа ԥсахтәуп. Арахь иаҵанакуеит аӡыҭгагақәа, аӡеизакырҭақәа, аӡеихшарҭақәа.

Иара убас шәаԥхьар ҟалоит:

3