Адлеиԥҳа: угәы унархьуеит аекологиеи аестекеи аганахьала амшын аҟәара аҭагылазаашьа

16
Урыстәыла иԥсабаратәиу аҭҵаарадыррақәа ракадемиа жәларбжьаратәи аекологиатә конкурс иалахәыз Аҟәатәи латәара-латәарадатәи ашкол аиҳабы Ирма Адлеиԥҳа арадио Sputnik аефир аҿы еиҭалҳәеит Амшын еиқәа аҭагылазаашьазы иҭылхыз асоциалтә видеоролик азы адиплом шланаршьаз.
Ҳазлацәажәаша ҳамоуп: Адлеиԥҳа Аԥсны аекологиа иазкны

"Аролик аҿы иарбоуп амшын аҟәара шаҳрыцқьо. Даара угәы унархьыртә еиԥш агәам еизаны иҟан, амшын иалало аӡиас зымцо аҟынӡа. Жәаҩык раҟара аҵаҩцәеи сареи аҟәараҿы ҳцеит иаҳрыцқьарцаз, аҭыхрақәа мҩаԥаагеит. Анаҩс аҭҵаарадыррагьы ҳналалан, аԥсабараҿы зегьы шеицраԥшьу  рзеиҭаҳҳәеит. Даргьы даара ргәахьы анҵамҭа ааргеит. Амшын аҟәара зҟьашьуа, хымԥада, ауаа роуп, иалало аӡиасқәагьы агәам рацәаны инаргоит. Имхәашо апластик рацәаны иаланагалоит. Даара угәы унархьыртә иҟоуп ҳҭагылазаашьа иара аекологиа аганахьалагьы, аестека аганахьалагьы", - ҳәа еиҭалҳәеит Адлеиԥҳа.

Аҟәатәи латәара-латәарадатәи абжьаратә школ аиҳабы лажәақәа рыла, аусумҭа алкаан аекологиа азҵаара аҿар радԥхьаларазы. 

"Академиа ахада ихаҭыԥуаҩ санлыҿцәажәоз ус лҳәеит икьаҿны иаашәышьҭыз аинформациа даара иҳалсит ҳәа. Аусумҭа дуқәа инарываргылан ҳалкаан изызҳауа аҿар ирылаҳааӡо аус азы", - ҳәа азгәалҭеит Адлеиԥҳа. 

Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.

16

Кәыркәнааԥҳа Белоруссиа иҟоу аидысларақәа рзы: ҳдәылҵӡом, ҳшәаны аҩны ҳтәоуп

1
Белоруссиа алхрақәа рышьҭахь ишьақәгылаз аҭагылазаашьа атәы арадио Sputnik Аԥсны иазеиҭалҳәеит Барановичи инхо ҳџьынџьуаҩ Мзиа Кәыркәнааԥҳа.
Кәыркәнааԥҳа Белоруссиа иҟоу аидысларақәа рзы: ҳдәылҵӡом, ҳшәаны аҩны ҳтәоуп

Нанҳәа 9 рзы Белоруссиа имҩаԥысит атәыла ахада иалхрақәа. Алхырҭатә ҭыԥқәа анадыркы ашьҭахь аҿагыларатә акциақәа ирылагеит. Абарҭ акциақәа раан иаанкылан урыстәылатәи ажурналистцәагьы.

"Хәылбыҽхала аҿар адәахьы ицәырҵны алхрақәа рлыҵшәа аҿагылара арҭоит, иқәԥоит. Ашьыжь зегьы бзиоуп, аусурақәа рахь ицоит, анаплакқәа русура аанкылам, зегьы аус ауеит. Ауаажәларратә транспорт зегьы аус ауеит. Аиҿагыларақәа мҩаԥысуеит Барановичи, Брест, Минск, Гомель уҳәа белоруссиатәи ақалақьқәа рҿы. Сгәыла ахәылбыҽха дахьдәылҵыз дҭаркит, уажәгьы лыхабар ыҟам, ҳара ҳшәаны аҩны ҳтәоуп, ҳдәылҵӡом, аӡәгьы дахәаԥшзом, аҿагылара иалаху иалахәыму ҳәа, зегьы кны иргоит", - еиҭалҳәеит Кәыркәнааԥҳа.

Белоруссиа аҳҭнықалақь аҟны ҩымш ҵуеит зиншьаҭада аҿагыларатә акциақәа ирылагеижьҭеи, акциақәа ирылахә ахада иалхрақәа рылҵшәақәа иазыразым. Александр Лукашенко 80% алхыҩцәа рыбжьы ирҭеит. Аҿагылара ҟазҵози азинхьчаратә органқәа русзуҩцәеи еиҿанагалеит. Минск агәҭа абаррикадақәа ргылан. Амилициа рхы иадырхәеит аӡыршәгақәа, агаз. Иҟоуп ааха зауны ахәышәтәырҭахь инанагаз. Минск агәҭа еизаз иаанкылоу ауаа амилициаа ирыцрырҟьарц рҽазыршәеит. Азинхьчаҩцәа ражәақәа рыла аӡәы дҭахеит.

Иара убас шәаԥхьар ҟалоит:

1

Гәарамиа Драндатәи акалмаҳааӡарҭа аԥсшьаҩцәа рҭааразы: рхы ҳнықәыԥшуа ҳалагеит

16
(ирҿыцуп 16:05 11.08.2020)
Дранда аҳаблаҿ иҟоу акалмаҳааӡарҭа аԥшәма Беслан Гәарамиа арадио Sputnik Аԥсны аефир аҿы еиҭеиҳәеит аҳәаа аартра русура ишаныԥшыз атәы.
Раионк аԥсҭазаараҟынтә: Гәарамиа акалмаҳааӡарҭа аусуразы

"Ҩымш-хымш раахыс аԥсшьаҩцәа рхы ҳнықәыԥшуа ҳалагеит. Ҳгәыӷуеит иаанхаз аамҭа иалагӡаны ҳуалқәеи ҳареи ҳаиҩысып ҳәа. Гагра, Пицунда аԥсшьарҭатә ҭыԥқәа анҭҭәлак, нас ҳара ҳахь еиҳа иаауа иалагоит. Арахь иаауа Отаԥ, Елыр иҟаз роуп, иааҭгылоит, инахәаԥшны ианцо ыҟоуп, иҟоуп акы инацҳауагьы. Атурфирмақәеи ҳареи аиқәшаҳаҭра ҳәа акгьы ҳабжьам, арахь иақәшәо зхатә машьынала Аԥсныҟа иаауа аԥсшьаҩы иоуп. Иџьаушьашьа, аԥсацәа усҟак ирыздырӡом ари аҭыԥ атәылахь ԥсшьараҳәа иаауа ишырдыруа еиԥш. Ҽнак уажәазы 7-10-ҩык роуп иаҳҭаауа, ҵыԥх акәзар, 40 рҟынӡа, 100-ҩык аныҟаз убарын. Аха егьа ауаа ҟаларгьы ҩымз рыла иуааӡо зегьы узыҭиӡом, нас уи аӡын иӷыҵугароуп, ирфо рацәоуп, нас акык-ҩбак ушахасуа уа иаанҵәоит. Аԥхын аамҭа быжьба ааба тонна ҳҭииртә иҟазҭгьы, ҳаргьы акы ҳахашәалон, аусгьы ибзиан ицарын", - еиҭеиҳәеит Гәарамиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

16
Первые пассажиры высоко оценили преимущества ж/д рейса Адлер–Гагра.

Аекспертцәа: Аԥсныҟа абилеҭқәа рыхә иацлеит

0
(ирҿыцуп 21:16 11.08.2020)
Аԥсны-Урыстәыла рҳәаа аатит нанҳәа 1 азы. Нанҳәа 10 рзы аҳәаа иахысхьан 230 нызқьҩык ауаа.

АҞӘА, нанҳәа 11 - Sputnik. Ашықәс аҩныҵҟа Аԥсныҟа абилеҭқәа рыхәԥса иубартә ишьҭыҵит ҳәа азгәарҭоит онлаин-сервис Туту.ру аекспертцәа.

Абилеҭ Москва-Аҟәа ахәԥса ашықәс аҩныҵҟа 16% ихалеит – хәнызқьмааҭ рҟынӡа иаԥсахеит, Ростов-на-Дону - 35% ихалеит, 2,5 нызқьмааҭ иаԥсахеит.

Адлерынтәи Аҟәанӡа аара 18% рыла ишьҭыҵны 840 мааҭ артәеит. Акурорт Гагранӡа ааразы Санкт-Петербургтәи абилеҭ - 29% ацлеит, Воронежтәи - 79%, Шәачантә - 62%. Ареис Шәача-Аҟәа ахә 12% ацлан иартәеит 886 мааҭ.

Аԥсни Урыстәылеи рыбжьара пандемиа иахырҟьаны адәыӷбатә еимадара еиԥҟьан. Иара еиҭахацыркхеит нанҳәа 7 рзы.

Иара убас шәаԥхьар ҟалоит:

0