Лиудмила Малиаԥҳа

Малиа Сариа Лакоба лзы: леиԥш аҭоурых аҿы дыҟам

25
Нестор Лакоба имузеи аиҳабы Лиудмила Малиаԥҳа арадио Sputnik Аԥсны аефир аҿы илҳәеит Сариа Лакоба лхаҿсахьа аҭоурых аҿы Нестор Лакоба иеиԥш ишазаанхо.

Нестор Лакоба иԥшәма Сариа лгәалашәара иазку ахәылԥаз мҩаԥысуеит ԥхынҷкәын 5 Аурыс драматә театр аҿы.

Малиа Сариа Лакоба лзы: леиԥш аҭоурых аҿы дыҟам

"Нестори Сарии рыпату еиқәҵашьа, лара шаҟа иара изы лхы лымшаҭоз уаршанхартә иҟоуп. Асовет мчра аамҭаз ирацәаҩуп Сталини Бериеи ранапала гәаҟрыла зыԥсҭазаарақәа ҿахҵәаз, иахьабалак аҭагылазаашьа цәгьан, аха Сариа леиԥш агәымшәара злаз дузыԥшаарым. Лхәыҷы лҿаԥхьа дыршьуан, лашьцәа… аха Нестор ипату џьара иаахылымҵәеит. Иара иԥсадгьыл дшазықәԥоз еиԥш ларгьы дықәԥон, лыԥсы ҭыҵаанӡа убри акәын дзызхәыцуазгьы. Лыԥсы анҭыҵуазгьы, Нестор ажәлар дышраӷоу азы ашәҟәы лнапы аҵалҩыртә инаргеит, аха акгьы ҟалымҵеит. Нестор иеиԥш ацқьареи, зыԥсадгьыл азы зхы зымшаҭоз лакәын ларгьы. Аҭоурых аҿы дыҟам лара илеиԥшу аԥҳәыс, зхы-зыԥсы иамеигӡоз, зхаҵа ихьыӡ ҭызгоз - уи имариаӡам аԥсҭазараҿы", - ҳәа еиҭалҳәеит Малиаԥҳа.

Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.

25

Кәыҵниа ашәарыцаратә сезон ахацыркразы: ашәарыцаҩцәа рыламыс ҳақәгәыӷуеит

1
(ирҿыцуп 19:24 15.08.2020)
Нанҳәа 15 рзы Аԥсны иаатуеит ашәарыцаратә сезон. Уи злалаго, насгьы ашәарыцара аԥҟарақәа ртәы арадио Sputnik аефир аҿы еиҭеиҳәеит ашәарыцаҩцәеи аԥсыӡкыҩцәеи реидгыла ахантәаҩы Ҳаџьараҭ Кәыҵниа.
Кәыҵниа ашәарыцаратә сезон ахацыркразы: ашәарыцаҩцәа рыламыс ҳақәгәыӷуеит

"Асезон аатуеит ачала, уи адагьы акгьы уазышәарыцар ҟалаӡом. Ашәарах жьҭаара 1 инаркны иалагоит. Зныктәи ашәарыцараан ача ҩажәа еиҳаны иушьыр ҟалаӡом. Раԥхьа ача цәырцуеит Цандрыԥшь, Маҳадыр ҳәа иахьашьҭоу аҭыԥ аҿы, уаҟа ирацәаны иубар улшоит, нас цәыббрамзазы Очамчыра араион ахь иаауеит. Ашәарыцаҩ данҭыҵуа имазароуп хышәҟәык: ашәарыцаратә билеҭ, ашәақь аныҟәгаразы аршаҳаҭга, иара убас алицензиа. Ашәарыцара аԥҟарақәа рықәныҟәаразы ахылаԥшра зду аекологиа аусзуҩцәа роуп. Аха еиҳарак ҳара ҳақәгәыӷуеит ашәарыцаҩцәа рыламыс. Ашәарацыҩ аԥсабара даԥырхагахар иҭахызар уи азы еснагь имоуп алшара, аха ҳара ҳзықәгәыӷуа еиҳарак иламысоуп, мамзар, акы икәа иҭаиҵап егьы - иӡап, еснагь уи узишьҭалом. Иҟоуп есышықәса аԥҟарақәа еилазго, урҭ иаҳа-иаҳа шьҭахьҟа ицоит, аха сынтәа ҳақәгәыӷуеит, аекологцәа рус иаҳа идырџьбарап ҳәа избанзар, хаала измаҳауа ыҟоуп", - еиҭеиҳәеит Кәыҵниа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

1

Адлеиба Отаԥтәи аҳаԥы сынтәа иаҭаауа рхыԥхьаӡаразы: еиӷьхап ҳәа ҳақәгәыӷуеит

4
Аԥсныҟа ԥсшьара иаауа атуристцәа сынтәатәи аԥхынразы шаҟаҩы рыдыркылахьоу атәы арадио Sputnik арубрика "Раионк аԥсҭазаараҟынтә" аҿы дазааҭгылеит Очамчыра араион Отаԥ ақыҭа иҟоу Абрыскьыл иҳаԥы аиҳабы Асҭамыр Адлеиба.
Раионк аԥсҭазаараҟынтә: Адлеиба Абрыскьыл иҳаԥы сынтәа аԥхын аусура иазкны

Нанҳәа 1 азы Аԥсни Урыстәылеи рҳәынҭқарратә ҳәаа аадыртит. Уи аԥхьа аҩ-тәылак руааԥсыра аҳәаа рахысразы аԥкрақәа алагалан акоронавирус ҿкы иахҟьаны.

"Аҳәаа аартра абарҭ аҵыхәтәантәи ахымш иаҳныԥшуа иалагеит, уаанӡа аӡәгьы дҳамамазыт. Амза 11 инаркны 55 ҩык ҳҭаахьеит (атуристцәа-аред.), еиҿкааны агәыԥқәа ракәӡам, ахатәы машьына хәыҷқәа рыла иаауа роуп. Уи уажәы Аԥсныҟа иҭалаз атуристцәа ҳара ҳахь иаразнак иаауам, Аԥсны егьырҭ аҭыԥқәа анддырбалак ашьҭахьшәа ауп ҳара ҳахь ианаарго. Ҳаиӷьхап ҳәа ҳақәгәыӷуеит", - иҳәеит Адлеиба.

Шәазыӡырҩла арадио Sputnik Аԥсны.

Иара убас шәаԥхьар ҟалоит:

4

Хә-сааҭк рыла: атуристтә ретро-дәыӷба Гагра ишаԥылаз

0
(ирҿыцуп 20:30 15.08.2020)
Тҟәаԥси Гагреи атуристтә ретро-дәыӷба рыбжьалеит нанҳәа 15 инаркны. Раԥхьатәи амш азы Аԥсныҟа иааит ҩышәҩык инарзынаԥшуа аԥсшьаҩцәа.

Аретро-дәыӷба 11 вагон рыла еибыҭоуп. Заанаҵтәи аныҟәараамҭа абас ишьақәгылоуп: Тҟәаԥс иқәҵлоит ашьыжь асааҭ 05:20 рзы, Гагра иҟалоит асааҭ 10:10 рзы. Гагрантәи Тҟәаԥсҟа ихынҳәуеит асааҭ 19:55 рзы.

Адәыӷбаҿ аплацкарттә вагонқәа хԥа ыҟоуп, азеиԥш вагонқәа хԥа, авагон-ресторанқәа ҩба, акупеитәқәа ҩба, аштабтә вагонқәа акы.

0