Сақаниа еиҭеиҳәеит Бедиатәи ауахәама аргылара зыбзоурахаз

70
(ирҿыцуп 15:41 05.12.2019)
Аҟазараҭҵааҩ Сурам Сақаниа арадио Sputnik Аԥсны аефир аҿы еиҭеиҳәеит Бедиатәи ауахәама шыргылахаз, насгьы иара иамоу ашықәснҵыразы иҟоу агәаанагарақәа ртәы.
Сақаниа еиҭеиҳәеит Бедиатәи ауахәама аргылара зыбзоурахаз

"Бедиатәи ауахәама аргылараҿы даара иџьабаа дууп Аԥсны аҳ Баграт II. Уи иани иареи еицырҟарҵеит, ма дара рзы иҟарҵеит рыхьӡ агәаанагара ыҟоуп. Убри инадкыланы ирҳәоит 999 шықәса рзыҳәан ҳәа, аха убраҟагьы убри ашықәс арбаӡам. Аҭоурыхтә даҟьақәа руак аҿы иаҳәоит: "Баграт II аԥсуа ҳәынҭқар димоҭоуп ҳәа, аԥсуа ҳәынҭқар иԥҳа дылԥоуп ҳәа. Тао-Кларджети ҳәа иахьашьҭаз аҭыԥ аҿы дрыман лара, убра длыхшеит аҷкәын Баграт, Аԥсны аҳәынҭқарра аҳҭнықалақь аҿы ирааӡоз", - ҳәа. Аԥсны аҳ Георги иԥацәа Леони Дмитрии рыхшареи рҟынтәи иацызҵо аныҟамла, Баграт II ҳәа Аԥсныҟа уи дааганы ҳәынҭқарс дахадыргылеит иқәра шмаҷыз. 16-17 шықәса ракәын ихыҵуаз иара. Аԥсныҟа данаарга, аҭыԥан аилаҩынтра ҟалеит, уа инхо аҳцәа, аҭауадцәа аԥсуа ҳәынҭқар иԥҳа Гурандыхәт захьӡыз аԥыжәара лнапы ианырҵеит, иара убри алагьы аибашьра ҵысит. Баграт II иқәра маҷын азы, ар драԥгылар ҟалаӡомызт, аха раԥхьаӡа акәны аибашьра ҳәа Аԥсны аҳәаа дахьҭыҵыз, иан дзеиҳабыз, иҿагылоз, Қыртәылатәи ахәҭақәак ирыҵаркуа адгьыл аҿы иҿагылақәоз иаарықәлан, иааимиҵәҵәеит, иара ииҭахыз дахаиргылеит, иан иԥсадгьыл ахь дааигеит. Ари ахҭыс ҟалеит ҳәа агәҩара ҳамоуп ҳара 980-985 шықәсқәа рыбжьара. Бедиатәи ауахәама ргылахеит Баграт II раԥхьаӡа акәны хаҵаҵас иҳәынҭқарра дахагыланы, ар драԥгыланы, Аԥсны анҭыҵ дцаны, деибашьны аиааира ахьигаз иазкны. Иара иԥсы ахьынӡаҭазгьы иигоз аиааирақәа рышьҭахь уахьынтә ирҳауаз амал ала иргылон ауахәамақәа", - ҳәа еиҭеиҳәеит Сақаниа.

Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.

70

Кәыҵниа ашәарыцаратә сезон ахацыркразы: ашәарыцаҩцәа рыламыс ҳақәгәыӷуеит

1
(ирҿыцуп 19:24 15.08.2020)
Нанҳәа 15 рзы Аԥсны иаатуеит ашәарыцаратә сезон. Уи злалаго, насгьы ашәарыцара аԥҟарақәа ртәы арадио Sputnik аефир аҿы еиҭеиҳәеит ашәарыцаҩцәеи аԥсыӡкыҩцәеи реидгыла ахантәаҩы Ҳаџьараҭ Кәыҵниа.
Кәыҵниа ашәарыцаратә сезон ахацыркразы: ашәарыцаҩцәа рыламыс ҳақәгәыӷуеит

"Асезон аатуеит ачала, уи адагьы акгьы уазышәарыцар ҟалаӡом. Ашәарах жьҭаара 1 инаркны иалагоит. Зныктәи ашәарыцараан ача ҩажәа еиҳаны иушьыр ҟалаӡом. Раԥхьа ача цәырцуеит Цандрыԥшь, Маҳадыр ҳәа иахьашьҭоу аҭыԥ аҿы, уаҟа ирацәаны иубар улшоит, нас цәыббрамзазы Очамчыра араион ахь иаауеит. Ашәарыцаҩ данҭыҵуа имазароуп хышәҟәык: ашәарыцаратә билеҭ, ашәақь аныҟәгаразы аршаҳаҭга, иара убас алицензиа. Ашәарыцара аԥҟарақәа рықәныҟәаразы ахылаԥшра зду аекологиа аусзуҩцәа роуп. Аха еиҳарак ҳара ҳақәгәыӷуеит ашәарыцаҩцәа рыламыс. Ашәарацыҩ аԥсабара даԥырхагахар иҭахызар уи азы еснагь имоуп алшара, аха ҳара ҳзықәгәыӷуа еиҳарак иламысоуп, мамзар, акы икәа иҭаиҵап егьы - иӡап, еснагь уи узишьҭалом. Иҟоуп есышықәса аԥҟарақәа еилазго, урҭ иаҳа-иаҳа шьҭахьҟа ицоит, аха сынтәа ҳақәгәыӷуеит, аекологцәа рус иаҳа идырџьбарап ҳәа избанзар, хаала измаҳауа ыҟоуп", - еиҭеиҳәеит Кәыҵниа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

1

Адлеиба Отаԥтәи аҳаԥы сынтәа иаҭаауа рхыԥхьаӡаразы: еиӷьхап ҳәа ҳақәгәыӷуеит

4
Аԥсныҟа ԥсшьара иаауа атуристцәа сынтәатәи аԥхынразы шаҟаҩы рыдыркылахьоу атәы арадио Sputnik арубрика "Раионк аԥсҭазаараҟынтә" аҿы дазааҭгылеит Очамчыра араион Отаԥ ақыҭа иҟоу Абрыскьыл иҳаԥы аиҳабы Асҭамыр Адлеиба.
Раионк аԥсҭазаараҟынтә: Адлеиба Абрыскьыл иҳаԥы сынтәа аԥхын аусура иазкны

Нанҳәа 1 азы Аԥсни Урыстәылеи рҳәынҭқарратә ҳәаа аадыртит. Уи аԥхьа аҩ-тәылак руааԥсыра аҳәаа рахысразы аԥкрақәа алагалан акоронавирус ҿкы иахҟьаны.

"Аҳәаа аартра абарҭ аҵыхәтәантәи ахымш иаҳныԥшуа иалагеит, уаанӡа аӡәгьы дҳамамазыт. Амза 11 инаркны 55 ҩык ҳҭаахьеит (атуристцәа-аред.), еиҿкааны агәыԥқәа ракәӡам, ахатәы машьына хәыҷқәа рыла иаауа роуп. Уи уажәы Аԥсныҟа иҭалаз атуристцәа ҳара ҳахь иаразнак иаауам, Аԥсны егьырҭ аҭыԥқәа анддырбалак ашьҭахьшәа ауп ҳара ҳахь ианаарго. Ҳаиӷьхап ҳәа ҳақәгәыӷуеит", - иҳәеит Адлеиба.

Шәазыӡырҩла арадио Sputnik Аԥсны.

Иара убас шәаԥхьар ҟалоит:

4