Аинар Ҷыҭанаа

Ҷыҭанаа: аҵх арҿиаразы даара иманшәалоу аамҭоуп

169
Апоет қәыԥш, Sputnik акорреспондент Аинар Ҷыҭанаа раԥхьатәи иажәенраалақәа реизга "Иҵәахыз амаӡа" ҭыҵит. Аизга шәықәыршәахаз насгьы, ажәеинраалақәа шыиҩҩуа атәы арадио Sputnik Аԥсны аефир аҿы еиҭеиҳәеит.

Ашәҟәы "Иҵәахыз амаӡа" ашәҟәыҭирҭакәа рахь инаргахьеит, ахәԥса 100 мааҭк ыҟоуп.

Ҳазлацәажәаша ҳамоуп: Ҷыҭанаа ишәҟәы "Иҵәахыз амаӡа" иазкны

"Ажәеинраала аҩра ҳаҭала сара сзы амш иадҳәалам, еиҳарак аҵх ауп. Хара инаскьахьоу аҵх, жәаҩа рынахыс, ашамҭанӡа. Усҟан схәыцрақәа иаҳа иаатуазшәа збоит, уи иаҳа иманшәалоу аамҭоуп сара сзы, сырҿиара аԥҵаразы. Аҵх, зегьы ыцәоуп, ауаа зегьы ыцәоуп, аӡәгьы дуԥырхагаӡам, ҭынчроуп, ухала ухы уазынхоит, ухала ухәыцрақәа урзынхоит, арҿиаразы даара иманшәалоу аамҭоуп. Апоетцәа аӡәгьы схы идыскылар сҭахӡам. Ԥхьаҩык иаҳасабала, ирацәаҩуп сзыԥхьо. Насгьы арҿиаратә гәалаҟара аныҟам, уи цәырызго акәны иҟоуп апоезиа аԥхьара. Сара сусуратә стол аҿы еснагь ишәҟәы ықәуп Владимир Высоцки, Сергеи Есенин, Баграт Шьынқәба", - иҳәеит Ҷыҭанаа.   

Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.

169

Кәыҵниа ашәарыцаратә сезон ахацыркразы: ашәарыцаҩцәа рыламыс ҳақәгәыӷуеит

1
(ирҿыцуп 19:24 15.08.2020)
Нанҳәа 15 рзы Аԥсны иаатуеит ашәарыцаратә сезон. Уи злалаго, насгьы ашәарыцара аԥҟарақәа ртәы арадио Sputnik аефир аҿы еиҭеиҳәеит ашәарыцаҩцәеи аԥсыӡкыҩцәеи реидгыла ахантәаҩы Ҳаџьараҭ Кәыҵниа.
Кәыҵниа ашәарыцаратә сезон ахацыркразы: ашәарыцаҩцәа рыламыс ҳақәгәыӷуеит

"Асезон аатуеит ачала, уи адагьы акгьы уазышәарыцар ҟалаӡом. Ашәарах жьҭаара 1 инаркны иалагоит. Зныктәи ашәарыцараан ача ҩажәа еиҳаны иушьыр ҟалаӡом. Раԥхьа ача цәырцуеит Цандрыԥшь, Маҳадыр ҳәа иахьашьҭоу аҭыԥ аҿы, уаҟа ирацәаны иубар улшоит, нас цәыббрамзазы Очамчыра араион ахь иаауеит. Ашәарыцаҩ данҭыҵуа имазароуп хышәҟәык: ашәарыцаратә билеҭ, ашәақь аныҟәгаразы аршаҳаҭга, иара убас алицензиа. Ашәарыцара аԥҟарақәа рықәныҟәаразы ахылаԥшра зду аекологиа аусзуҩцәа роуп. Аха еиҳарак ҳара ҳақәгәыӷуеит ашәарыцаҩцәа рыламыс. Ашәарацыҩ аԥсабара даԥырхагахар иҭахызар уи азы еснагь имоуп алшара, аха ҳара ҳзықәгәыӷуа еиҳарак иламысоуп, мамзар, акы икәа иҭаиҵап егьы - иӡап, еснагь уи узишьҭалом. Иҟоуп есышықәса аԥҟарақәа еилазго, урҭ иаҳа-иаҳа шьҭахьҟа ицоит, аха сынтәа ҳақәгәыӷуеит, аекологцәа рус иаҳа идырџьбарап ҳәа избанзар, хаала измаҳауа ыҟоуп", - еиҭеиҳәеит Кәыҵниа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

1

Адлеиба Отаԥтәи аҳаԥы сынтәа иаҭаауа рхыԥхьаӡаразы: еиӷьхап ҳәа ҳақәгәыӷуеит

4
Аԥсныҟа ԥсшьара иаауа атуристцәа сынтәатәи аԥхынразы шаҟаҩы рыдыркылахьоу атәы арадио Sputnik арубрика "Раионк аԥсҭазаараҟынтә" аҿы дазааҭгылеит Очамчыра араион Отаԥ ақыҭа иҟоу Абрыскьыл иҳаԥы аиҳабы Асҭамыр Адлеиба.
Раионк аԥсҭазаараҟынтә: Адлеиба Абрыскьыл иҳаԥы сынтәа аԥхын аусура иазкны

Нанҳәа 1 азы Аԥсни Урыстәылеи рҳәынҭқарратә ҳәаа аадыртит. Уи аԥхьа аҩ-тәылак руааԥсыра аҳәаа рахысразы аԥкрақәа алагалан акоронавирус ҿкы иахҟьаны.

"Аҳәаа аартра абарҭ аҵыхәтәантәи ахымш иаҳныԥшуа иалагеит, уаанӡа аӡәгьы дҳамамазыт. Амза 11 инаркны 55 ҩык ҳҭаахьеит (атуристцәа-аред.), еиҿкааны агәыԥқәа ракәӡам, ахатәы машьына хәыҷқәа рыла иаауа роуп. Уи уажәы Аԥсныҟа иҭалаз атуристцәа ҳара ҳахь иаразнак иаауам, Аԥсны егьырҭ аҭыԥқәа анддырбалак ашьҭахьшәа ауп ҳара ҳахь ианаарго. Ҳаиӷьхап ҳәа ҳақәгәыӷуеит", - иҳәеит Адлеиба.

Шәазыӡырҩла арадио Sputnik Аԥсны.

Иара убас шәаԥхьар ҟалоит:

4