Аслан Кобахьиа

Кобахьиа азинхьчаратә усбарҭақәа русеицуразы: агыгшәыг абна илуцарц азы умԥаҟьԥаҟьроуп

75
Аамҭаказы атәыла Аҩнуҵҟатәи аусқәа рминистрра иахагылаз Аслан Кобахьиа арадио Sputnik Аԥсны аефир аҿы иҳәеит азинхьчаратә усбарҭақәа зегьы русеицура ацәгьоура аартраҿы ҭыԥс иааннакыло.

Атәыла ахада ԥхынҷкәын 5 рзы Аԥсны Аҩнуҵҟатәи аусқәа рминистрра аилазаара даныдирдыруаз иазгәеиҭеит ареспублика азинхьчаратә структурақәа рыбжьара аинырра шыҟам.

Кобахьиа азинхьчаратә усбарҭақәа русеицуразы: агыгшәыг абна илуцарц азы умԥаҟьԥаҟьроуп

"Сара аҵыхәтәантәи аус ахҳәаа азызуртә сыҟам, уи ҭҵааны исымам, ауаҩы аус аниуа ауп ибзиаӡаны ианидыруа, Апрокуратура хадеи, Аҩнуҵҟатәи аусқәа рминистрреи, аусӡбарҭеи русура ахьынӡеиқәшәоу. Ҳара аус анаҳуаз аимак-аиҿак ыҟан, аха ҳҳәоу еиқәымшәо, дара ганха иахо, ҳара даҽаџьара иҟамызт. Зегьы нагӡаны иҟан, аилибакаара ҳаман ҳәагьы сызҳом, уи ҟалашьа змам ауп. Аха аҳәынтқарра аиҳабгьы ииҳәо убри ауп, урҭ реизыҟазаашьа ишахәҭоу еиԥш иҟам. Иара еснагь ашәарҭадаратә хеилак аизараҿы ииҳәо акоуп: "Шәҳәоу еибыҭаны аус жәу!" - ҳәа. Доусы рхатә функциақәа рымоуп, еицхырааны, еиԥырхагамкәа еиццалароуп. Ацәгьоура ҟазҵаз, ауаа зшьыз агыгшәыг даҩызоуп. Уи абна илуцарц азы умԥаҟьԥаҟьроуп. Уажәы зегьы аус еицыруроуп - згәы иалоу, аҳәынҭқарра аҟнытә знапы ианугьы. Ара иаҭахуп ахшыҩеилаҵара, аивагылара. Аԥсуаа ирҳәалоит аԥша иамҳәаргьы, аӡы иаҳәоит ҳәа. Ари хара имгакәа иаартхо усуп, ас еиԥш иҟоу аус узыҵәахӡом, аӡә даԥыргахартәгьы иҟамлароуп, ухагамзар", - ҳәа еиҭеиҳәеит Кобахьиа.

Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.

75
Леонид Лакербая на слушаниях по политико-правовой оценке событий мая 2014 года.

Лакербаиа Аԥсны хатәгәаԥхарала еибашьуаз рзы: рфеномен аҭҵаара аҭахуп

7
(ирҿыцуп 11:16 15.08.2020)
Хатәгәаԥхарала Аԥсны еибашьуаз рымш нанҳәа 15 рзы азгәаҭаразы ажәалагала ҟазҵаз Аԥсны ԥасатәи аԥыза-министр, аполитикатә партиа "Аиҭаира" ахантәаҩы Леонид Лакербаиа арадио Sputnik аефир дазааҭгылеит ари амш аҵакы.
Хра злоу ахҭысқәа: Лакербаиа Аԥсны хатәгәаԥхарала еибашьуаз рзы

Иахьа нанҳәа 15 рзы Аԥсны иазгәарҭоит хатәгәаԥхарала еибашьуаз рымш.

Нанҳәа 1992 шықәсазы ақырҭуа мпыҵахалыҩцәа еибашьрала аԥсуа жәлар ианрықәла аҩбатәи амш аҽны Нхыҵ-Кавказынтә цхыраара иааит аҟабарда аофицар Сулҭан Сосналиев напхгара ззиуаз аешьаратә жәлар рхаҭарнакцәа раԥхьатәи ргәыԥ. Аԥсны Аџьынџьтәылатә еибашьра иалахәын ҩ- нызқьҩык инареиҳаны хатәгәаԥхарала аԥсуа жәлар ирыдгылаз, урҭ рахьынтә 51 –ҩык "Аԥсны Афырхаҵа" ҳәа ахьӡ ҳаракы иаԥсахеит, 247-ҩык Леон иорден ранашьоуп, фышәҩык инареиҳаны "Агәымшәаразы" амедал. Аибашьраан иҭахеит 260- ҩык инареиҳаны хатәгәаԥхарала аԥсуа жәлар ирыдгылаз.

Нанҳәа 15 Аԥсны ныҳәак аҳасабала иазгәарҭоит 2013 шықәса раахыс.

"Ари амш ешьцәаҵас ҳаибабара аҵакы аанарԥшуеит. Ари ҳаиашьара ҳмырӡроуп, мамзар ҽеи алҵӡом. Сахьахәаԥшуа аҿар мацара ракәӡам егьырҭ ҳауаажәларгьы ԥыҭҩык ирхашҭуа иалагеит, аныҳәаҿа аныркоз аибашьраан иҭахаз аҷкәынцәа рзы раԥхьа идыргылон нхыҵаа ҳашьцәа, абра иааны ҳадгьыл зхы ақәызҵаз. Уи апроблема ганкоуп. Ҳауаажәлар ирхамшҭуазароуп иҳадгылаз хыԥхьаӡаралагьы ишырацәаз, адин иныҟәаргозгьы шеиԥшым. Хатәгәаԥхарала иааны аибашьраан иҳавагылаз рфеномен аилкаара ҳаԥхьа ишьҭоуп, еилкаатәуп ари шыҟалаз. Иазхәыцыр сҭахуп ҳауаажәлар ишԥаҟала ачеченцәа арахь шьхала раара, ақьырсиан апапцәа уҳәа егьырҭ раара. Даҽа еибашьрак, даҽа милаҭк рҟны ас иҟан ҳәа исмаҳацт. Ма динла, ма ешьарала еидгылалон. Адыгаа, ачерқьесцәа ҳашьцәа ртәы хазуп, аха араҟа милаҭла, динла еиуеиԥшым ажәларқәа рхаҭарнакцәа аԥсуаа ирыдгылеит. Ахаан иҟамызт, иагьыҟалом ас ҳәа сгәы иаанагоит", - иҳәеит Лакербаиа.

Иара убасгьы дазааҭгылеит Аԥсны хатәгәаԥхарала еибашьуаз рганахьала еиҿкаатәу, ахаҵгылара зҭаху ҳәа ииԥхьаӡо аусқәа ртәы.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

7

Царгәыш еиҭеиҳәеит Аҷандаратәи анапылампыл феноменс иамоу

11
Аҷандара ақыҭа ахада Асҭамыр Царгәыш арадио Sputnik аефир аҿы еиҭеиҳәеит Аԥсны аҵеицәа ргәалашәара иазку анапылампыл азы атурнир амҩасшьеи, уи еиднакылаз акомандақәеи ртәы.
Раионк аԥсҭазаараҟынтә: Царгәыш Аҷандаратәи аволеибол иазкны

"Ари атурнир мҩаԥаагоижьҭеи инеиԥынкылан 28 шықәса ҵуеит. Аибашьра ашьҭахьтәи аамҭаз иалахәыз акомандақәеи уажәы ҳахәаԥшуазар, атурнир акырӡа аҽарҭбааит. Уажәтәи иалахәын аа-командак. Ахәмарра мҩаԥысит ибзианы лҵшәа бзиала, ҳаракырала. Ари зызку изызҳауа аҿар ҳаибашьцәа ргәалашәара, рхаҿы иаанхарцаз, апатриотизм рылааҳаӡоит ҳәа ҳаҿуп. Иџьашьахуп, атурнир ахәыԥшразы егьырҭ ақыҭақәа рҟнытә иахьаауагьы, Абгархықә, Аацы, Дәрыԥшь, Лыхны уҳәа. Аҷандаратәи анапылампыл афеномин атәы уҳәозар, ԥсабаратәла аҷкәынцәа абаҩхатәра рымоуп, ҳәарада, аха ари абзиабара раԥхьа иахьышьҭыркааз, ажәытәан, - анапылампыл иасуаз аветеранцәа ирыбзоуроуп", - еиҭеиҳәеит Царгәыш.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

11

Бзыԥ аӡы иагаз Питертәи атуристка лыԥсыбаҩ ԥшаауп

3
(ирҿыцуп 13:31 15.08.2020)
Аԥсны Аҭагылазаашьа ҷыдақәа рминистрра аҟазауаа, Бзыԥ аӡы дагеит ҳәа иршьоз атуристка ԥшьымш лыԥшаара иаҿын.

АҞӘА, нанҳәа 15 – Sputnik. Бзыԥ аӡы дагеит ҳәа иршьоз Питертәи атуристка лыԥсыбаҩ ԥшаауп, абри атәы аанацҳауеит Аԥсны Аҭагылазаашьа ҷыдақәа рминистрра апресс-маҵзура.

Аԥшаарақәа ирылахәын Гагреи Гәдоуҭеи араионқәа рымцарцәара-еиқәырхаратә бригадақәеи Аҳәынҭқарратә инспекциа аӡыҵалаҩцәеи, аволонтиорцәеи.

Аӡӷаб лыԥсыбаҩ ԥшаан амашәыр ахьыҟалаз аҭыԥ аҟынтәи шә-метрак инахыганы, ацаҟьа азааигәара, ԥшьметрак аҵаулараҟны.

Ҩыџьа атуристцәа зықәтәаз аквадроцикл Риҵаҟа узгоз амҩа иаҿҟьеит нанҳәа 12 рзы.

1998 шықәса рзы ииз арԥыси аԥҳәызбеи Аԥсныҟа ԥсшьара ҳәа иааит Санкт-Петербургнтә. Аквадроцикл қьырала иргеит.

Аҷкәын ибыргәым аахақәа иоуит, аквадроцикл Бзыԥ аҟәараҿы ирбеит.

Иара убас шәаԥхьар ҟалоит:

  • Атуристцәа зықәтәаз аквадроцикл Бзыԥ аӡиас иалаҳаит

 

 

3