Игорь Џьопуа

Џьопуа иҷыдоу ацхыраара лас амашьыназы: даара иаҳҭахуп

9
Ареспубликатә хәыҷтәы хәышәтәырҭа аҳақьым хада Игор Џьопуа арадио Sputnik Аԥсны аефир аҟны еиҭеиҳәеит иҷыдоу ацхырааара лас амашьына ишазыԥшу иааиуа ашықәс азы.

Аԥсны аиҳабыра рықәҵара инақәыршәаны ареспубликатә биуџьет аҟынтәи 9 миллион мааҭк иааиуа ашықәс азы иазоужьхоит Ареспубликатә хәыҷтәы хәышәтәырҭа азы иҷыдоу ацхыраара лас амашьына аахәаразы.

"Иахьатәи аамҭазы даара иаҳҭахуп ас еиԥш иҟоу амашьына. Уи иаҳа иарманшәалоит зчымазара уадаҩу ахәыҷқәа рымҩаԥгара. Аппарат ИВЛ ҳәа ачымазаҩ иԥсыԥ алагаҩагаразы иҟоу - уи ала еиқәыршәоуп. Иҟалалоит ичмазаҩу ахәыҷқәа Аԥснынтәи Урыстәылаҟа ианаҳашьҭуа, ус еиԥш машьынада иузымго", - иҳәеит Џьопуа.

Иара иажәақәа рыла, мызкы иалагӡаны иҷыдоу ацхыраара лас амашьына бжьаратәла 5-6-нтә аҭыҵра иақәшәоит ичмазаҩцәоу ахәыҷқәа чымазаҩцәа рымҩаԥгаразы.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sрutnik Аԥсны аефир аҟны.

9