Олег Дамениа

Дамениа ашықәсан ихадаз аполитикатә хҭыс азы: аиҿкаара агуп, зинла еиқәыршәам

23
Асоциалтә-економикатә ҭҵаарақәа рцентр аиҳабы Олег Дамениа арадио Sputnik аефир аҟны 2019 шықәсазы аполитикатә хҭысқәа реихшьаала ҟаҵо, Аԥсны имҩаԥысыз алхрақәа рзы игәаанагара иҳәеит.

"Ҳәарас иаҭахузеи, имҩаԥысыз алхрақәа иаҳдырбо рацәоуп. Раԥхьа иргыланы иаҳдырбоит 20-25 шықәса рыҩнуҵаҟа алхрақәа ҳшырзыҟаҵамыз еиԥш ус ишаанхаз. Ари аҭагылазаашьа уадаҩымхозар, еиӷьхом. Аҳәынҭқарра ахада, апарламент, аҭыԥантәи анапхгарақәа роума, иалҳхуа, иахьакәзаалак аиҿкаара аҭахуп, убасгьы зинла еиқәыршәатәуп, аҩбагьы - иахьа уажәраанӡа иӡбаӡам.

Азакәан хадаҟны алагалақәа иҟарҵо еиҳагьы еиланагоит. Азакәан аиҭакрақәа аналаргало, ҳәарас иаҭахузеи, иҭҵаатәуп ҳаҩнуҵаҟа аԥсҭазаара шеиҿкаау, ишышьақәгылоу. Урҭ ҳарзымхәыцӡакәа, ҳхыԥшыланы, ихҩылааны аиҭакрақәа ҟаҳҵоит", - иҳәеит Дамениа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

23