Австралиа инхо Бениаԥҳа: амцакра ахьыҟоу аҭыԥқәа рҿы хышықәса ақәа млеицт

209
(ирҿыцуп 10:37 09.01.2020)
Аашықәса Австралиа инхо Хатуна Бениаԥҳа арадио Sputnik Аԥсны иалҭаз аинтервиу аҿы еиҭалҳәеит уажәы уаҟа иҟоу амцакрақәа рымҽхак атәы.

"Австралиа зегьы амца акуп ҳәа сызҳәом, иара абжагьы. Амцакрақәа еиҳарак иахьыҟоу абнарақәа рҿоуп. Ара есышықәса амцакрақәа рацәоуп, аха сынтәа рымҽхак еиҳагьы идырҭбааит, уи ауп адунеи зегьы ажәабжь захыҵәазгьы. Амцакра ахьыҟоу араионқәа рҿы хышықәса, ԥшьышықәса ақәа ахьымлеиц ыҟоуп, уи даара иазыԥшуп. Сара сахьынхо араион аҿы акәзар, бжьымз раҟара ақәа ҳамбац, аха макьана ус ҳааиуеит. Раԥхьа арахь нхара санааи исзеилкаауамызт акыраамҭа ақәа млеир алшоит ҳәа анырҳәоз. Уажәы, аашықәсоуп ара сынхоижьҭеи, уи агәра сгеит, иагьсызгәаҭом ишымлеиуа. Ара есымша ишоуроуп аҟнытә ус иаҭахуп ҳәа сыҟоуп. Аҳауа иахабалак еиԥшӡам, иаҳа иахьшоуроу аҭыԥқәа ыҟоуп, иҟоуп иаҳа иахьыхьшәашәароу. Амцакрақәа ахьыҟоу уи даара ишоуроу арегионқәа роуп", - ҳәа еиҭалҳәеит Бениаԥҳа.

Инеиҵыху аиҿцәажәара шәазыӡырҩы арадио Sputnik Аԥсны аефир аҿы.

209