Аҩӡба аԥсуа школқәа иақырҭуаны рыҟаҵара иазкны: ҳбызшәа аҭагылазаашьа иахьа уамак еиӷьым

26
Аԥсуаҭҵааратә институт аиҳабы ихаҭыԥуаҩ, аҭоурыхтә ҭҵаарадыррақәа рдоктор Аслан Аҩӡба арадио Sputnik аефир аҟны дазааҭгылеит аԥсуа школқәа рҟны аҵара ақырҭшәахь аиагара шыҟалаз.
Хра злоу ахҭысқәа: Аҩӡба аԥсуа школқәа рҟны аҵара ақырҭшәахь аиагара иазкны

Ажьырныҳәа 9, 1945 шықәсазы Қырҭтәыла акомпартиа Аԥснытәи аобком ақәҵара аднакылеит аԥсуа школқәа реиҭеиҿкааразы акомиссиа аԥҵазарц. Уи акомиссиа хәажәкырамзазы ажәалагалақәа ҟанаҵеит "аԥсуа школқәа рҟны аҵара ақырҭуа бызшәахьы аиагара стимул духоит аԥсуа жәлар қәҿиарала рырҿиаразы" ҳәа.

"Аҭоурых рҵагоуп, аҵара зҵар зҭаху рзы. Иҽеим шыҟаз аныудыруа, уи зыхҟьаз ҭыуҵаароуп, даҽазны иҟамларц азы, аха аҭоурых аҟны иҟалац ҟалоит, аӡәгьы акгьы инарҵаӡом. 75 шықәса ҵит Аԥснытәи аобком ақәҵарала аԥсуа школқәа рҵаратә процесс аԥсахразы акомиссиа аԥырҵеижьҭеи. Иахьатәи ҳҭагылазаашьа, ҳааишьа ухәаԥшуазар аӡырҩы урҭ ахҭысқәа ҳхашҭызшәа убаратәы иҟоуп. Аԥсуа школқәа анадыркуаз аамҭа ҳалацәажәоит, иахьа  ҳҳәынҭқарра анҳау ҳбызшәа аҭагылазаашьа усҟан аасҭа еицәахеит сызҳәом, аха ԥхьаҟатәи аԥеиԥш уахәаԥшуазар уамак еиӷьымзар ҟалап", - ҳәа азгәеиҭеит Аҩӡба.

Иаҳа инеиҵыху анаҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

26
Изготовление музыкальных инструментов

Арухаа аԥсуа жәлар рарҳәагақәа рыҟаҵаразы: еиқәырхатәыс исыдушәа збоит

0
Хәаԥ ақыҭан инхо, жәлар рарҳәага рыҟаҵара иазҟазоу Уасил Арухаа арадио Sputnik Аԥсны иазеиҭеиҳәеит иус имаздар зҭаху ауаа дышрышьҭоу.
Раионк аԥсҭазаараҟынтә: Арухаа аԥсуа жәлар рарҳәага рыҟаҵара иазкны

"Аԥсуа инструмент излауала аиқәырхара ҳаҿуп ҳәа сгәы иаанагоит. Уажәы ацех аргылара ҳаҿуп, убри аус ҳзыҟаҵар, аӡәык-ҩыџьак идсырбар сҭахуп уи иацу акәамаҵамарақәа зегьы. Сара сус дсырҵар сҭахуп уи азы агәаҳәара змоу ауаа, аха ус мчыла аӡәгьы дааумгозар, аԥсуа ҷкәын ихала дааины исҭахуп ҳәа иҳәараны дыҟаӡам. Исыдҵаало дҟалар, агәаԥхара изсыркуазар ҳәа сгәыӷуеит. Ахымаа, аҩымаа, ачамгәыр, аҿырпын, уҳәа иара ишақәнагоу ишьақәумыргылар, митәык абжьы ахылҵӡом. Ари схы аланыҟәызгоит ҳәа акәым сзаҿу, ус иагьыҟам, ари еиқәырхатәыс исыдушәа збоит", - ҳәа еиҭеиҳәеит Арухаа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

0

Шларба Сергеи Багаԥшь изы: ҳиқәгәыӷуан, иаҭаххаргьы, абџьар кны дышҳавагылоз ҳдыруан

50
Жәшықәса раԥхьа идунеи иԥсахит Аԥсны аҩбатәи ахада Сергеи Багаԥшь. Иара ихатәы хьчаҩы Рустам Шларба арадио Sputnik аефир аҿы Сергеи Багаԥшь идҳәалоу игәалашәарақәа ртәы еиҭеиҳәеит.
Шларба Сергеи Багаԥшь изы: ҳиқәгәыӷуан, иаҭаххаргьы, абџьар кны дышҳавагылоз ҳдыруан

"Асҟак аамҭа ҵит ҳәа сызҳәом, ҳала дыхгылоуп иахьеи-уахеи. Иҭеиҭыԥш шыҟаз акәын игәаҭагьы шыҟаз, уи Аԥсны анҭыҵгьы деицгәарҭахьан. Иара иҷкәынцәа реиԥш, иашьцәа аиҵбацәа реиԥш пату ҳаиқәиҵон. Аашықәса инеиԥынкыланы есыҽны иара ҳицын. Ари аамҭа иалагӡаны иҟан ацәгьагьы, абзиагьы, алаф зцыз ахҭысқәагьы. Убри аҟынӡа ҳаишьцылахьан, ауаҩы илакҭа ҳхыԥшылан ииҭаху ҳдыруа аҟынӡа ҳаилаҵәахьан. Ҳала дынхыԥшылалак, иаразнак иаҳдыруан ииҭахыз", - ҳәа азгәеиҭеит Шларба.

Рустам Шларба иҳәеит џьара цәгьарак ҟаларгьы, Сергеи Багаԥшь ишиқәгәыӷуаз, иаҭаххаргьы, абџьар кны дышрывагылозгьы.

"Ахьыԥшымра ҳауаанӡа лымҳаҭасла иҳаҳаит Аԥсны гәыԥк алалеит, ҭаацәаныла атәыла ахада дықәызхыр зҭаху ҳәа. Џьгьарда ҳаҟан уи аамҭазы. Иара даасыԥхьеит аҩны аҩнуҵҟа. Ауаџьаҟ аԥхьа дтәаны атапанча арыцқьара даҿын. "Шәгәышәҽаныз, ҳаит рҳәар, ахәыҷқәеи аҳәсеи лбаажәг, ҳара ара ҳаивагылоит. Шәара ахы шәаҿаргылан, шәкажьны џьаргьы сцаӡом", - ҳәа ҿааиҭит. Ҳара даара ҳиқәгәыӷуан иара, аха уи ажәала иансаҳа, убасҟак сгәырӷьеит, иара аҷкәынцәагьы ианраҳа, ргәы ааҭгәырӷьааит. Зыӡбахә ыҟаз аҭагылазаашьа ҟалазҭгьы, дҳавагылан, иирыцқьоз абџьар ахы шыҭирҟьоз ҳдыруан", - ҳәа игәалаиршәеит Шларба.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

50