Батал Табагуа

Табаӷәуа: ишьақәгылаз аҭагылазаашьа закәанла ишԥалҵри ҳәа ихәыцуеит адепутатцәа

47
(ирҿыцуп 17:10 10.01.2020)
Жәлар реизара адепутат Баҭал Табагәуа арадио Sputnik аефир аҟны иҳәеит адепутатцәа реиҳараҩык русураҟны иҟоуп ҳәа.
Табагәуа: ишьақәгылаз аҭагылазаашьа уадаҩ закәанла ишԥалҵри ҳәа ихәыцуеит адепутатцәа

"Апарламент иалоу зегьыцәҟьа ракәымзаргьы аиҳараҩык ара иҟоуп. Бзиарас иҟоу ҳәа сгәы иаанаго, апарламент иалоу дазусҭзаалак, иарбан партиоу дызлазаалакгьы дазымхәыцкәа ари аҭагылазаашьаҟны аҳәынҭқарра иахәо, ажәлар ирыхәо, ауадаҩра иԥшӡаны, азакәан ишаҳәо ҳашԥалҵри ҳәа ихәыцуеит. Сара исызҳәом аӡәы ҽакала ихы мҩаԥигоит ҳәа", - иҳәеит Табагәуа.

Иара иазгәеиҭеит ишьақәгылаз аполитикатә ҭагылазаашьа уадаҩ алҵшьа азакәан аҟны иарбоуп ҳәа.

"Ҳара апарламент ҳгәаанагара жәдыруеит, иаха ажәа ҳашьҭит, аҳәынҭқарра ахада иҟоу аҭагылазаашьа дазхәыцны арзаҳал ииҩып ҳәа ҳгәы иаанагоит", - иҳәеит Табагәуа.

Иацы ахәылбыҽха адепутатцәа гәыԥҩык Аԥсны ахада иԥылеит, урҭ иарҳәеит аҿагыларатә митинг алахәцәа рыдҵақәа ртәы. Анаҩс Жәлар реизара изаамҭанытәым аилатәараҟны адепутатцәа ақәҵара апроект рыдыркылеит. Уи инақәыршәаны атәыла ахада иахь ааԥхьара ҟаҵоуп  инапынҵақәа шьҭеиҵарц азы. Аԥсны ахада ипресс-маҵзура аҭактә ҳәамҭа рыланарҵәеит.

"Апарламент иҟанаҵаз аҳәамҭа, ԥхьаҟазы аҭынчра аҭышәныртәалара иазырхоуп ҳәа хықәкны ишазгәаҭоугьы, ауаажәларра-политикатә ҭагылазаашьа еиҳагьы еицәанатәуеит, атәылазы еиҭакшьа змам ахылҿиаақәа ахҟьар ҟалоит," -ҳәа азгәаҭоуп аҳәамҭаҟны.

Акциа алахәылацәа иаашаанӡа ахыбра аанкыланы итәан. Иҟан адәахьы иҷаԥшьозгьы. Иахьазы Аԥсны ахада иусбарҭа, апарламент, аминистрцәа реилазаара рышәқәа аркуп.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

47
Атемақәа:
Рауль Ҳаџьымба ԥхьатәара ицара (74)

Ажьиԥҳа еиҭалҳәеит Гагра араион аҿы зҭагылазаашьа уадаҩу ашколқәа ртәы

12
(ирҿыцуп 20:25 13.08.2020)
Гагра араион аҵара аҟәша аиҳабы Мадина Ажьиԥҳа арадио Sputnik аефир аҿы еиҭалҳәеит Аԥсны аҵареи абызшәатә политикеи рминистр Инал Габлиа араион аҟны иныҟәараан излацәажәаз азҵаарақәа ртәы.
Раионк аԥсҭазаараҟынтә: Ажьиԥҳа Гагра араион ашколқәеи ахәыҷбаҳчақәеи рҭагылазаашьа атәы

"Ҿыц иргылоу Гагратәи актәи ашкол ҳаҭаан игәаҳҭеит, уи ашәқәа раартразы иагу ыҟоуп, аха ари аамҭа иалагӡаны аусқәа хыркәшахоит. Иара убас иаҭаан ахәыҷбаҳча, иара акапиталтә ремонт азун, аха ашҭаҿы иагу ыҟоуп, уи анагӡаразы адгылара шауа атәы ҳәан. Иааиуа амчыбжь азы ахәыҷқәа рыдкылара ҳалагоит, иахьа уажәраанӡа араион аҿы ахәыҷбаҳчақәа еиуеиԥышм амзызқәа ирхырҟьаны аус руӡом. Арыцхә 20 рзы ахәыҷбаҳчақәа раартразы аҭагылазаашьа ҳауп ҳәа ҳгәыӷуеит. Хшыҩзышьҭра ааҭан иаԥсыуам ашколқәа рҿы аԥсуа бызшәа дырҵаразы аметодика", - ҳәа еиҭалҳәеит Ажьиԥҳа.

Гагра араион аҵара аҟәша аиҳабы еиҭалҳәеит араион аҿы зҭагылазаашьа уадаҩу ашколқәагьы шыҟоу.

"Урҭ руак - Цандрыԥшьтәи аҩбатәи абжьаратә школ ауп, уаҟа 350 инареиҳаны аҵаҩцәа аҵара рҵоит. Аӡымҩангагақәа зынӡагьы инагаӡам, уажәы аҿкы аан ишьақәыргылоу аԥҟарақәа рықәныҟәара даара иуадаҩуп, араион ахадара ҳақәдыргәыӷит ари азҵаара аӡбара адгылара шаиуа ҳәа. Ашкол аартразы иахьӡом, аха мызкы-ҩымз иалагӡаны аусурақәа нагӡахап ҳәа агәыӷра ҳамоуп. Иара убас аҭагылазаашьа уадаҩуп Пицундатәи аурыс школ аҿы, уаҟа аҵара рҵоит 400-ҩык, ашкол ҩ-сменак рыла аус ауан. Аҿкы аҽацәахьчаразы аԥҟарақәа инарықәыршәаны ҩ-сменак зынӡа иаҟәыхтәуп, ари азҵаарагьы ӡбашьак аиуп ҳәа ҳгәы иаанагоит", - ҳәа еиҭалҳәеит Ажьиԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

12

Гамсаниаԥҳа аицлабра "Аԥсны агәадура" азы: амаҵураҿы зхы аазырԥшыша аҿар шыҟоу ҳнарбеит

3
(ирҿыцуп 18:06 13.08.2020)
Аԥснытәи аҳәынҭқарратә университет аполитологиеи асоциологиеи ркафедра аиҳабы, аицлабра "Аԥсны агәадура" алԥшааратә комиссиа алахәыла Емма Гамсаниаԥҳа арадио Sputnik аефир аҿы лгәаанагара лҳәеит анапхгаҩцәа ҿарацәа реиндаҭлара иалахәыз рдыррақәа рзы.

Анапхгаҩцәа ҿарацәа реиндаҭлара "Аԥсны агәадура" аҩбатәи аетап хыркәшахеит. Иара аихшьаалақәа рыла афинал ахь инеит 25-ҩык. Аицлабра мҩаԥысуан нанҳәа 11 - 12 рзы Аԥснытәи аҳәынҭқарратә университет аҿы.

Гамсаниаԥҳа аицлабра "Аԥсны агәадура" азы: амаҵураҿы зхы аазырԥшыша аҿар шыҟоу ҳнарбеит

"Ибзиоу проектуп ("Аԥсны агәадуура" - аред.), аҿар еиднакылоит, рдырра ацәыргаразы алшара рнаҭоит. Аҩбатәи ахәҭаҿы инхаз 50-ҩык аҩыра иахысуан, еиуеиԥшым азҵаарақәа рыҭан аполитика, аекономика, азеиԥшдырра ирыдҳәалаз. Иреиҳаӡоу аҵараиурҭа иалгахьоу зегьы рдырра аадырԥшыр рылшон. Ихәыдаз, зыхшыҩ маҷыз ҳәа иҟаӡам, аҿар азыҟаҵоуп. Аҵара зҵаз, аҵараиурҭақәа ирылгаз, аус зуазгьы изымуазгьы алахәын, ргәаанагарақәа бзиаӡаны иаадырԥшит. Ҳәарада, аиндаҭлара ахьыҟоу аӡәы иаҳа абалл иауеит, егьырҭ иаҳа имаҷны. Еиуеиԥшым араионқәа рҟынтәи иҟаз аҿар иҳаракыз адырра аадырԥшит. Иҟоуп ахԥатәи аетап, уаҟа инхаз 25-ҩык рҟынтәи хәҩык алкаахоит. Еиуеиԥшым аусурҭа ҭыԥқәа роурц аиҳабыра, ахада дырхаҵгылоит, иреиӷьӡоу хәҩык нхаратәы. Еиуеиԥшым ахырхарҭала аспециалистцәа цәырнагеит абри аиндаҭлара имҩаԥысуа аԥхьагылара змоу аҿар ҳәа. Иаҳҳәар ҳалшоит, Аԥсны иҟоу зегьы рымҽхак ыҟамзаргьы иуҭаххаша аҳәынҭқарра амаҵураҿы зхы аазырԥшыр зылшо аҿар шҳамоу аиндаҭлара ибзианы иаҳнарбеит", - лҳәеит Гамсаниаԥҳа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

3