Аполлон Думава

Думаа Аԥсны иҟоу аҭагылазаашьазы: аԥхашьара ҳахьит ҳазхазҵаз ауаа рҿаԥхьа

57
Очамчыра араион абыргцәа рхеилак ахантәаҩы Аполлон Думаа арадио Sputnik аефир аҟны Аԥсны ишьақәгылаз аполитикатә ҭагылазаашьа дазааҭгыло иҳәеит аҭоурых аҟны иҟаз ахҭысқәа ҩаԥхьа аҭыԥ шрымоу.
Думаа Аԥсны иҟоу аҭагылазаашьа азы: аԥхашьара ҳахьит ҳазхазҵаз ауаа рҿаԥхьа

"Раионцыԥхьаӡа абыргцәа рхеилак ахаҭарнакцәа злахәыз аилатәара мҩаԥаагеит. Даара иҽеим аҭагылазаашьа ыҟоуп, абыргцәа ҳхала ҳакәым, ҳажәлар зегьы ргәы рнархьуеит. Аҳәара раҳҭоит ҳауаажәлар еизхәыцны ҭынчмҩала азҵаара рыӡбарц. Аус иамазар аӡбарҭаҟны иахәаԥшаанӡа ашәқәа, аԥенџьырқәа  ԥыҽҽуа иҟамҵакәа иԥшырц. Адунеи зегь ҳәахәаԥшуеит, ихьымӡӷны иҟалеит. Абжьаҟазара аԥсуаа ҳҭоурых аҟны ианакәзаалак иҟан. Абжьаҟазаҩ ибжьы  раҳаны иахамҵгылозар, акгьы аанагаӡом. Уажәы уамашәа ишубара иҟалеит. Асовет аамҭа аахыижьҭеи ауаа рымаҵ зухьоу, ацәгьа-абзиа збахьоу ҳауп, аха рыцҳарас иҟоу узацәажәо иуҳәо анимаҳалак, нас иуҳәараны иҟоузеи? Аҭоурых аҟны иҟаз ахҭысқәа ҩаԥхьа иҟалоит рымҳәалои. 210 шықәса раԥхьа Қьалышьбеи данԥсы иҷкәынцәа аҳра еимакны ҳауаажәлар шеибадыршьуаз еиԥш аҭагылазаашьа ҳауит. Даара аԥхашьара ҳахьны ҳаҟоуп ҳҳәынҭқарра, ҳазхазҵаз ауаа рҿаԥхьа", - ҳәа азгәеиҭеит Думаа.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

57
Атемақәа:
Рауль Ҳаџьымба ԥхьатәара ицара (74)
Рита Жиба

Ажьиԥҳа аибашьра агәалашәарамш азы: есышықәса ишыҟаҳҵалац еиԥш изыҟалаӡом

2
(ирҿыцуп 18:51 12.08.2020)
Тҟәарчал араион акультура аҟәша аиҳабы Рита Ажьиԥҳа еиҭалҳәеит нанҳәа 14, Аџьынџьтәылатәи еибашьра аналага амш иазкны иазгәаҭан ирымоу аусмҩаԥгатәқәа ртәы.
Раионк аԥсҭазаараҟынтә: Ажьиԥҳа нанҳәа 14 рзы иазгәаҭан ирымоу аусмҩаԥгатә атәы

"Ашьыжь асааҭ 11 рзы, Владислав Арӡынба ибаҟаҿы ишьҭаҳҵоит ашәҭқәа, анаҩс амемориалтә комплекс аҿгьы ус. Афырхацәа раллеиаҿы имҩаԥгахоит амитинг. Аусмҩаԥгатә еиҿкаахоит амузеи аусзуҩцәа рыла. Ҳәарада, ачымазара иахҟьаны зхы алазырхәуа рхыԥхьаӡара маҷхоит, есышықәса ишыҟаҳҵалац еиԥш изыҟалаӡом, аха иагьа ус иҟазаргьы, ҳақалақь ахышәы-ҵышәа уиаҟара идууӡам азы аигәныҩра иаҳа имариоуп егьырҭ ақалақьқәа рҿы аасҭа. Ҳара аусбарҭақәа зегьы ҳасны ирылаҳҳәоит еиҿкаахо аусмҩагатә атәы. Ҳгәы ҳнархьуеит ауаа рхыԥхьаӡара ахьмаҷхо, аха арыцхә азгәаҳамҭаргьы ауам", - ҳәа еиҭалҳәеит Ажьиԥҳа.

Тҟәарчал Афырхацәа рмузеи есыҽны еиԥш иаартхоит, изҭаху зегь уи иааҭартә еиԥш алшара роуеит ҳәа азгәалҭеит араион акультура аҟәша аиҳабы.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

2

Џьонуа еиҭеиҳәеит адгьылҵысра Кәыдры аҩхааҟны инхо иахьынӡарныԥшыз атәы

12
(ирҿыцуп 16:25 12.08.2020)
Гәылрыԥшь араион Ажара ақыҭа ахада Сергеи Џьонуа арадио Sputnik аефир аҟны еиҭеиҳәеит адгьылҵысра Кәыдрытәи аҩхааҟны анхацәа иахьынӡарныԥшыз атәы.

Змагнитуда 3,7 иҟаз адгьылҵысра Аԥсны, Кәыдрытәи аҩхаа иахьаҵанакуа нанҳәа 12 рзы иҟан ҳәа аанацҳаит Европа-Адгьылбжьарамшынтә асеисмологиатә центр. Аҭыԥантәи аамҭала уи ахҭыс асааҭ жәеиза рыбжазы иҟалеит ҳәа азгәаҭоуп. Адгьыл аҵысра аепицентр Аҟәа инахыкны 55 километра иҟан, Ҟарачы-Черқьессиатәи ақалақь Теберда 33 километра рыла иацәыхаран.

Џьонуа еиҭеиҳәеит адгьылҵысра Кәыдры аҩхааҟны инхо иахьынӡарныԥшыз атәы

"Ашьыжь инаркны иахьа адәы сықәуп, машьынала ана-ара ҳнеиуеит. Ишәҳәаз аамҭазы аҩны ҳаҟан, аха изакәызаалак адгьылҵысра ҳәа анхацәагьы акгьы рҳәом, саргьы акгьы сымбеит. Уи нас асеисмологцәа џьара акы рнарбазаргьы, ауаҩы иԥырхагоу ҳәа макьаназы акгьы ыҟам. Хышықәсаҟа раԥхьа иҟан адгьылҵысра. Усҟан аҩнқәагьы ирԥырхагахеит, иԥҽыз ҟалеит, аха иахьатәи амш азы уаҩы иԥырхагоу ыҟам... Ажәабжьқәа ҳашәҳәоит иаҳзымдыруа, уигьы кыр иаԥсоуп", - иҳәеит Џьонуа.

Шәазыӡырҩы аудио. Иаҳа инеиҵыху анҵамҭа арадио Sputnik Аԥсны аефир аҟны.

Иара убас шәаԥхьар ҟалоит:

12

Даҽа быжьҩык ауаа акоронавирус рыдбалоуп Аԥсны

2
(ирҿыцуп 19:52 12.08.2020)
Аԥсны зынӡа ачымазара здырбалахьоу рхыԥхьаӡара 155-ҩык рҟынӡа инаӡоит. Урҭ рахьтә 51-ҩык ргәы бзиахеит, хҩык рыԥсҭазаара иалҵит.

АҞӘА, нанҳәа 12 - Sputnik. Даҽа быжьҩык ауаа акоронавирус рыдбалоуп ҳәа адырра ҟанаҵоит Ауааԥсыра акоронавирустә ҿкы рацәыхьчаразы аоперативтә штабнанҳәа 12 рзы.

"Аҵыхәтәантәи уахыки-ҽнаки рыла акоронавирустә чымазара амазааразы агәаҭара иахысит 131-ҩык ауааԥсыра, адиагноз COVID-19 рзықәыргылоуп быжьҩык", - ҳәа азгәаҭоуп аацҳамҭаҿы.

Абыржәтәи аамҭазы Гәдоуҭатәи ахәышәтәырҭа хадаҿы ишьҭоуп акоронавирус зцәа иалоу 40-ҩык апациентцәа. Урҭ рахьтә фҩык - хәыҷқәоуп, зҭагылазаашьа уадаҩу хҩык ыҟоуп. Згәабзиара ҭышәынтәалаз пациентк ахәышәтәырҭа дылыҩауп.

Ауааԥсыра акоронавирустә ҿкы рацәыхьчаразы аоперативтә штаб ажәлар рахь ааԥхьара ҟанаҵоит ачымазара рымкырц азы ахыхьчаратә ԥҟарақәа ирықәныҟәаларц, асоциалтә дистанциа ркызарц.

Акоронавирус иадҳәалоу аҵыхәтәантәи ажәабжьқәа шәрыԥхьар ҟалоит абра>>

2
Атемақәа:
Ачымазара ҿкы – акоронавирус Аԥсни адунеи аҿи: иалкаау