Апублицист Терент Ҷаниа

Ҷаниа Аԥсны иҟоу аполитикатә ҭагылазаашьазы: ҳашьцылар ҟалоит

36
(ирҿыцуп 18:06 11.01.2020)
Апублицист Терент Ҷаниа арадио Sputnik Аԥсны аефир аҿы ҳтәылаҿы имҩаԥысуа аполитикатә хҭысқәа ахҳәаа рыиҭеит.
Ҷаниа Аԥсны иҟоу аполитикатә ҭагылазаашьазы: ҳашьцылар ҟалоит

"Жәытә-натә аахысгьы ажәлар азин рыман ирыгу-ирыбзоу атәы рҳәарц, аха асҵәҟьа, "аныха иашьцылаз амаҵә агәыдиҵон" ҳәа, лассы еизаны, уиаҟара зҵазымкәа азҵаарақәа рзы амитингқәа реиҿкаара бзиам. Ус еиԥш ҳашьцылар ҟалоит. Напхгаҩык днатәаны иуадаҿы ииӡбаша азҵаарақәа ажәлар еизганы, амҩаду ианыргыланы, акгьы хьаас имкыкәа ирыӡбар рҭахуп. Еиҳарак ари ахҭыс напхгара азызуа аҳәынҭқарра анапхгара аганахьала агәалақәа змоу роуп. Агәалақәа аҵаӡӷә бзиа рымазароуп, ҳара гхак аабацыԥхьаӡа, аҳәынҭқар уԥхьатәароуп ҳәа иаҳҳәо ҳалагар, ҳашьцылоит. Аҳәынҭқаррақәа рҿы рытрадициақәа ирықәшәо азҵаарақәа рыӡбашьа иақәшәоит. Ҳара ҳҿы агха ҟалацыԥхьаӡа аҵыхәтәаны амҩадуқәа рҿы ҳаизаны иҳаӡбоит, уи ԥшӡам, иманшәалам", - ҳәа азгәеиҭеит Ҷаниа.  

Инеиҵыху аиҿцәажәара шәазыӡырҩы арадио Sputnik Аԥсны аефир аҿы.

Иара убас шәаԥхьар ҟалоит:

36
Атемақәа:
Рауль Ҳаџьымба ԥхьатәара ицара (74)

Кәакәасқьырԥҳа Жәлар Реизарахь алхрақәа рзы: бзыԥаа ҳҿахәы зҳәаша иалхра ҳазыхиоуп

24
(ирҿыцуп 21:25 09.07.2020)
Гагра араион, Бзыԥта аҳаблан иҟоу алхырҭатә ҭыԥ хада акомиссиа ахантәаҩы Асида Кәакәасқьырԥҳа арадио Sputnik Аԥсны аефир аҿы еиҭалҳәеит иааиуа амҽыша атәылаҿы имҩаԥгахо Жәлар Реизарахь адепутатцәа ралхра аус иахьынӡазыхиоу атәы.

Аԥсны Алхратә комиссиа хада иҭацәыз адепутаттә ҭыԥқәа рахь ԥхынгәы 12 рзы алхрақәа рымҩаԥгара ҿҳәарас ишьақәнаргылеит.
Аԥсны Жәлар Реизарахь алхрақәа мҩаԥысуеит алхратә ҭыԥ хадақәа ԥшьба рҿы: Кындыӷтәи, Гәдоуҭатәи, Бзыԥтәи, Оҭҳаратәи. Бзыԥтәи алхратә ҭыԥ хада № 10 аҟынтә Жәлар Реизара адепутатрахь кандидатцәас иқәгылоуп: Ҭамаз Леибеи Ҭемыр Беиеи.

Раионк аԥсҭазаараҟынтә: Кәакәасқьыр Жәлар реизарахь адепутатцәа ралхра иахьынӡазыхиоу иазкны

"Ажәабатәи алхырҭатә ҭыԥ хадаҿы ашәҟәы иҭагалоуп алхыҩцәа 5-нызықьҩык инареиҳаны. Ҳокруг аҿы иҟоуп алхырҭатә ҭыԥқәа хәба. Алхыҩцәа рсиақәа зегьы кнаҳауп, ачымазаҩцәа рҟнытә арзаҳалқәа адкылара ҳалагахьеит. Ҳкомиссиа ахадацәа зегьы рҭыԥқәа рҿы иҟоуп. Асабша асиақәа еиҭагәаҭахоит, ари аамҭа иалагӡаны аиҭакрақәа ҟалазар урҭ ашәҟәы иҭаҳгалоит, иара убасгьы ианыхтәу дҟаларгьы уи аусгьы нагӡахоит", - ҳәа еиҭалҳәеит Кәакәасқьырԥҳа.

Азакәанԥҵаратә мчраҿы амандатқәа ԥшьба ҭацәуп - уаанӡа депутатцәас иҟаз атәыла ахада Аслан Бжьаниа, аԥыза-министр Александр Анқәаб, Аҩнуҵҟатәи аусқәа рминистр Дмитри Дбар, Гагра араион ахада инапынҵақәа назыгӡо Иури Хагәышь рҭыԥқәа.

Кындыӷтәи алхратә ҭыԥ хада №31 аҟнытә Жәлар Реизара адепутатрахь кандидатцәас иқәгылоуп: Аидар Кәыҵниа, Гарри Кокаиа, Џьансыхә Адлеиба; Гәдоуҭатәи алхратә ҭыԥ хада №18 ала - Асҭамыр Ахбеи Алхас Ҳагбеи; Оҭҳаратәи алхратә ҭыԥ хада №14 аҟнытә Жәлар Реизара адепутатрахь кандидатцәас иқәгылоуп Робесҭан Габлиеи Алмасхан Барцыци.

Иара убас шәаԥхьар ҟалоит:

 

24

Гогьиаԥҳа аҳазалхратә еилакы ашықәсбжазтәи аусура арбагақәа рзы: алҵшәа бзиақәа ҳамоуп

317
(ирҿыцуп 17:45 09.07.2020)
Аԥсны Аҳәынҭқарратә ҳазалхратә еилакы апресс-маӡаныҟәгаҩ Кристина Гогьиаԥҳа арадио Sputnik аефир аҟны еиҭалҳәеит аилак ашықәсбжазтәи аусура алҵшәақәа зеиԥшроу, акарантин аамҭазы Аԥсны шаҟа рыхә атауар ҭагалаз, иара убас анҭыҵ ишьҭыз аалыҵқәа ртәы.
Ҳазлацәажәаша ҳамоуп: Гогьиаԥҳа аҳазалхратә еилакы шықәсыбжактәи аусура алҵшәақәа ртәы

"Аҳәынҭқарраҟны аԥкрақәа шалагалазгьы акроновирус апандемиа иахҟьаны, Аԥсны аҳазалхратә еилакы аусура мҩаԥнагон, алҵшәа бзиақәагьы ҳамоуп. 2020 ашықәсбжа алҵшәақәа ҳрыхәаԥшуазар, Аԥсны аҳәынҭқарра атауареикәыршара 11 миллиарди 691 миллион мааҭ артәеит. Ҵыԥхтәи ашықәс иаҿурԥшуазар ҷыдала аҽамԥсахӡеит, 7 миллион мааҭ рыла еиҵахеит иаҳдыруа аԥкрақәа шалагалазгьы… Аимпорт аҳасабала Аԥсныҟа иҭагалаз афатә аалыҵкәа 2 миллиардки 697 миллиони мааҭ рыхә ыҟоуп, ҵыԥх аасҭа 11 миллион мааҭ рыла еизҳаит…

Аекспорт атәы анаҳҳәо, ҳганахьала иазгәаҭатәуп сынтәа Аԥсны анҭыҵ ишьҭыз аҵаҵындра арекордтә рбагақәа шамаз. Ҵыԥх 13 тонна аҵаҵындра ҭыгазҭгьы, сынтәа уи арбага 260 тонна рҟынӡа инаӡеит", - лҳәеит Гогьиаԥҳа.

Шәазыӡырҩы аудио.

Иара убас шәаԥхьар ҟалоит:

317