Геннади Аламиа

Аламиа: ҳҽааныҳамкылар, ҳхы мацара акәым, уаҵәтәи абиԥарагьы ҳарԥырхагахар ҟалоит

156
Ауаажәларратә усзуҩ, апоет Геннади Аламиа арадио Sputnik аефир аҟны Аԥсны аполитикатә ҭагылазаашьа ахәшьара аиҭеит.

 

Хра злоу ахҭысқәа: Аламиа Аԥсны аполитикатә ҭагылазаашьа иазкны

"Ҳара адемократиатә ҳәынҭқарроуп ҳәа Аконституциа ҳадаҳкылеит. Адемократиатә ҳәынҭқарраҟны амчра зтәу ажәлар роуп. Аха дара рымч есымша еизаны акы иаҿагылоит ҳәа акәӡам иаанаго, иалырхыз, зыгәра ганы абжьы зырҭаз ирыӡбо иҟамлар, ахәынҭқарраҿы акгьы зыҟалаӡом. Есымша аидыслара аныҟалалак, ажәлар еизаны наҟ-ааҟ еиҿаргыло, имариахоит аус иахьакәым ахы архара. Ус акәымкәа ажәлар иалырхыз еиқәшаҳаҭымзаргьы еидтәаланы акаҿы икылсуа ианырыӡбалак, убри ауп адемократиа.

 

Аҿар изырзымдыруеи ҳәа вба дук руҭар ҟалаӡом, изыӷрагылатәым иаӷрагыло иҟаумҵароуп, изырзымдыруагьы ҳара ҳауп (аиҳабацәа - аред.) изхароу… Ауаа ржьара аҭахӡам, ани дҽеимызт, сара снеир - атәыла сырбгоит ҳәа. 

Аҳәынҭқарра ҳазхәыцроуп. Бзиоуп, иҳагу рацәоуп, царҭа амакәа ирацәоуп, аха иахьа ҳашцо ҳцалар, уаҵәы агхагьы ҟалаӡом, абзиагьы ацәгьагьы  ҟалаӡом, иара аҳәынҭқаррагьы ҟалаӡом. Убасҟан ауп ҳмышьхәылҵкәа ҳанрыцҳауа ҳаныҟало. Убри аҿар азхәыцха рызымҭо, иажәызҵо ауаа аус иақәыршәатәуп ҳәа схәыцуеит. Ҳара ҳхы мацара акәымкәа ,уаҵәы игыло абиԥарагьы ҳарԥырхагахар ҟалоит, ҳазхәыцны хәыҷык ҳҽааныҳамкылар", - иҳәеит Аламиа.

Шәазыӡырҩы аудио. Инеиҵыху анҵамҭа шәаҳар шәылшоит арадио Sputnik Аԥсны аефир аҟны.

156
Рита Жиба

Ажьиԥҳа аибашьра агәалашәарамш азы: есышықәса ишыҟаҳҵалац еиԥш изыҟалаӡом

3
(ирҿыцуп 18:51 12.08.2020)
Тҟәарчал араион акультура аҟәша аиҳабы Рита Ажьиԥҳа еиҭалҳәеит нанҳәа 14, Аџьынџьтәылатәи еибашьра аналага амш иазкны иазгәаҭан ирымоу аусмҩаԥгатәқәа ртәы.
Раионк аԥсҭазаараҟынтә: Ажьиԥҳа нанҳәа 14 рзы иазгәаҭан ирымоу аусмҩаԥгатә атәы

"Ашьыжь асааҭ 11 рзы, Владислав Арӡынба ибаҟаҿы ишьҭаҳҵоит ашәҭқәа, анаҩс амемориалтә комплекс аҿгьы ус. Афырхацәа раллеиаҿы имҩаԥгахоит амитинг. Аусмҩаԥгатә еиҿкаахоит амузеи аусзуҩцәа рыла. Ҳәарада, ачымазара иахҟьаны зхы алазырхәуа рхыԥхьаӡара маҷхоит, есышықәса ишыҟаҳҵалац еиԥш изыҟалаӡом, аха иагьа ус иҟазаргьы, ҳақалақь ахышәы-ҵышәа уиаҟара идууӡам азы аигәныҩра иаҳа имариоуп егьырҭ ақалақьқәа рҿы аасҭа. Ҳара аусбарҭақәа зегьы ҳасны ирылаҳҳәоит еиҿкаахо аусмҩагатә атәы. Ҳгәы ҳнархьуеит ауаа рхыԥхьаӡара ахьмаҷхо, аха арыцхә азгәаҳамҭаргьы ауам", - ҳәа еиҭалҳәеит Ажьиԥҳа.

Тҟәарчал Афырхацәа рмузеи есыҽны еиԥш иаартхоит, изҭаху зегь уи иааҭартә еиԥш алшара роуеит ҳәа азгәалҭеит араион акультура аҟәша аиҳабы.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

3

Џьонуа еиҭеиҳәеит адгьылҵысра Кәыдры аҩхааҟны инхо иахьынӡарныԥшыз атәы

12
(ирҿыцуп 16:25 12.08.2020)
Гәылрыԥшь араион Ажара ақыҭа ахада Сергеи Џьонуа арадио Sputnik аефир аҟны еиҭеиҳәеит адгьылҵысра Кәыдрытәи аҩхааҟны анхацәа иахьынӡарныԥшыз атәы.

Змагнитуда 3,7 иҟаз адгьылҵысра Аԥсны, Кәыдрытәи аҩхаа иахьаҵанакуа нанҳәа 12 рзы иҟан ҳәа аанацҳаит Европа-Адгьылбжьарамшынтә асеисмологиатә центр. Аҭыԥантәи аамҭала уи ахҭыс асааҭ жәеиза рыбжазы иҟалеит ҳәа азгәаҭоуп. Адгьыл аҵысра аепицентр Аҟәа инахыкны 55 километра иҟан, Ҟарачы-Черқьессиатәи ақалақь Теберда 33 километра рыла иацәыхаран.

Џьонуа еиҭеиҳәеит адгьылҵысра Кәыдры аҩхааҟны инхо иахьынӡарныԥшыз атәы

"Ашьыжь инаркны иахьа адәы сықәуп, машьынала ана-ара ҳнеиуеит. Ишәҳәаз аамҭазы аҩны ҳаҟан, аха изакәызаалак адгьылҵысра ҳәа анхацәагьы акгьы рҳәом, саргьы акгьы сымбеит. Уи нас асеисмологцәа џьара акы рнарбазаргьы, ауаҩы иԥырхагоу ҳәа макьаназы акгьы ыҟам. Хышықәсаҟа раԥхьа иҟан адгьылҵысра. Усҟан аҩнқәагьы ирԥырхагахеит, иԥҽыз ҟалеит, аха иахьатәи амш азы уаҩы иԥырхагоу ыҟам... Ажәабжьқәа ҳашәҳәоит иаҳзымдыруа, уигьы кыр иаԥсоуп", - иҳәеит Џьонуа.

Шәазыӡырҩы аудио. Иаҳа инеиҵыху анҵамҭа арадио Sputnik Аԥсны аефир аҟны.

Иара убас шәаԥхьар ҟалоит:

12

Даҽа быжьҩык ауаа акоронавирус рыдбалоуп Аԥсны

4
(ирҿыцуп 19:52 12.08.2020)
Аԥсны зынӡа ачымазара здырбалахьоу рхыԥхьаӡара 155-ҩык рҟынӡа инаӡоит. Урҭ рахьтә 51-ҩык ргәы бзиахеит, хҩык рыԥсҭазаара иалҵит.

АҞӘА, нанҳәа 12 - Sputnik. Даҽа быжьҩык ауаа акоронавирус рыдбалоуп ҳәа адырра ҟанаҵоит Ауааԥсыра акоронавирустә ҿкы рацәыхьчаразы аоперативтә штабнанҳәа 12 рзы.

"Аҵыхәтәантәи уахыки-ҽнаки рыла акоронавирустә чымазара амазааразы агәаҭара иахысит 131-ҩык ауааԥсыра, адиагноз COVID-19 рзықәыргылоуп быжьҩык", - ҳәа азгәаҭоуп аацҳамҭаҿы.

Абыржәтәи аамҭазы Гәдоуҭатәи ахәышәтәырҭа хадаҿы ишьҭоуп акоронавирус зцәа иалоу 40-ҩык апациентцәа. Урҭ рахьтә фҩык - хәыҷқәоуп, зҭагылазаашьа уадаҩу хҩык ыҟоуп. Згәабзиара ҭышәынтәалаз пациентк ахәышәтәырҭа дылыҩауп.

Ауааԥсыра акоронавирустә ҿкы рацәыхьчаразы аоперативтә штаб ажәлар рахь ааԥхьара ҟанаҵоит ачымазара рымкырц азы ахыхьчаратә ԥҟарақәа ирықәныҟәаларц, асоциалтә дистанциа ркызарц.

Акоронавирус иадҳәалоу аҵыхәтәантәи ажәабжьқәа шәрыԥхьар ҟалоит абра>>

4
Атемақәа:
Ачымазара ҿкы – акоронавирус Аԥсни адунеи аҿи: иалкаау