Сария Кварацхелия

Кәарцхьиаԥҳа еиҭалҳәеит ахада Иусбарҭа аҿагыларатә акциа ашьҭахь аусура ишалагаз

44
(ирҿыцуп 15:24 16.01.2020)
Атәыла ахада Иусбарҭа аҿагыларатә акциа ашьҭахь аусура шхацнаркызи аусзуҩцәа рнапы злакызи ртәы арадио Sputnik Аԥсны аефир аҟны еиҭалҳәеит акорреспондент Сариа Кәарцхьиаԥҳа.
Кәарцхьиаԥҳа еиҭалҳәеит атәыла ахада Иусбарҭа аусзуҩцәа раԥхьатәи русурамш атәы

 

"Раԥхьа атәыла ахада Иусбарҭахь ҳнеит, аусзуҩцәа русура иацырҵатә еиԥш аҭагылазаашьа рымамызт, иҟаз ахҭысқәа рышьҭахь еилыргатәыс ирымоу макьана ирацәоуп. Ҳаҟан Аминистрцәа Реилазаара ахыбраҿгьы, уаҟа иаабаз ала актәи аихагыла ауп ԥырхага зауз, еиҳарак аканцелиариеи апротоколтә еиқәыршәареи аҟәшақәа рҿы иҟаз ашәҟәқәа. Аканцелиариа уадак аҿы аԥенџьырқәа ԥҽын, иара убас иԥҽын иҩнагылаз аҩнымаҭәагьы, аха еиҳарак ашәҟәқәа зегьы еилырхны ишьҭан. Ҳәарада, срыҿцәажәеит аҟәшақәа рҿы аус зуа ауаа, дара исзеиҭарҳәеит уи аамҭазы рнапы злакыз. Урҭ ражәақәа рыла, 2015 шықәса инаркны 2019 шықәсанӡа ирыдыркылаз ақәҵарақәа рдокументқәа зегьы ааха рыҭан, урҭ ацифрахь макьана ииагаӡамызт. Макьана иуадаҩуп аҳәара, шаҟа аамҭа рцәаго урҭ зегьы рҭыԥ рықәҵара. Аусзуҩцәа ражәақәа рыла, иҟоуп зынӡа ирцәыӡыз ашәҟәқәагьы, урҭ шьҭа шьақәыргылашьагьы рымам", - еиҭалҳәеит Кәарцхьиаԥҳа.

 

Инеиҵыху аиҿцәажәара шәазыӡырҩы арадио Sputnik Аԥсны аефир аҿы.

Иара убас шәаԥхьар ҟалоит:

44
Руслан Хашиг

Ҳашыг Белоруссиа ажурналистцәа раанкыларазы: аҳәынҭқарра зырԥхашьо хҭысуп

8
(ирҿыцуп 19:22 10.08.2020)
Аԥсны ажурналистцәа реидгыла ахантәаҩы Руслан Ҳашыг арадио Sputnik аефир аҿы Белоруссиа ажурналистцәа раанкылара ахҭыс ахҳәаа азыҟаиҵеит.
Ҳашыг Белоруссиа ажурналистцәа раанкыларазы: аҳәынҭқарра зырԥхашьо хҭысуп

"XXI ашәышықәсазы ас еиԥш иҟоу ахҭысқәа, аҳәынҭқарра ахьӡи аҳаҭыри лазырҟәуа акакәны иҟоуп. Аинтернет аҟны иаҳбо авидеонҵамҭақәа ақәыӡбара акәым, хаҭала згәы иалсыз рацәаҩуп, уи рбеижьҭеи Аԥсны ажурналистцәа реидгылахь аҭел иасуан, еилыркааз ажәабжь ҳзеиҭарҳәон. Ҳара ари ахҭыс ҳакәыӡбеит, ааԥхьарагьы ҟаҳҵеит белоруссиатәи аҳәынҭқарра анапхгареи белоруссиатәи ажурналистцәеи рахь ауаа раужьразы. Ииҩбахаз - хаҭала издыруаз ажурналистцәа рахь аҭел ҳасны агәҭынчымра ааҳарԥшит. Алхра аламҭалази алхра ашьҭахи еснагь адунеи аҿы иаҳбац аибырххарақәа ыҟоуп, аха уи ахҭысқәа имҩаԥысуа ауаа иреилзыркаауа ажурналистцәа рахь амч ахархәара, хаҭала Семен Пегов иҭагылазаашьа, ихдырра ицәыӡыртә аҟынӡа инагара, ари аҳәынҭқарра зырԥхашьо ҳҭысуп", - азгәеиҭеит Ҳашыг.

Белоруссиатәи амчрақәа рахь ааԥхьара ҟалҵеит иара убас RT, МИА "Россия сегодня" рредактор хада Маргарита Симониан. Лара Белоруссиа аиҳабыреи ҷыдала Александр Лукашенкои рахь ааԥхьара ҟалҵеит Семион Пегов дызлоу иаанкылоу ажурналистцәа рхы иақәиҭыртәырц.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

  • Аԥсны ажурналистцәа Реидгыла иақәыӡбоит Белоруссиа ажурналистцәа раанкылара
  • Семион Пегов дахьыҟоу еилкаахеит

8

Лацәышԥҳа еиҭалҳәеит Гал араион аҵарадырраҟны иҟоу ауадаҩрақәа ртәы

10
Гал араион аҵара аҟәша аиҳабы Асида Лацәышԥҳа арадио Sputnik аефир аҿы еиҭалҳәеит, Аԥсны аҵареи абызшәатә политикеи рминистр Инал Габлиа араион аҟны иныҟәараан излацәажәоз азҵааракәа ртәы.
Раионк аԥсҭазаараҟынтә: Лацәышԥҳа Гал араион аҵарадырра апроблемақәа ирызкны

"Аԥсны аҵареи абызшәатә политикеи рминистр Инал Габлиеи ёхареи ёхаиқәшәара аибадырратә ҟазшьа аман. Ашкол анапхгареи иареи реиԥылараҿы иалацәажәан дара русураҿы ирԥыло ауадаҩрақәа ртәы. Раԥхьа иргылан актәи араионтә ашкол аҿы иҟаӡам абҩарҵәыра аурок ахьымҩаԥыргаша аспортзал. Ишьҭыхын аԥсуа бызшәа азҵаара, аминистр иҳәеит, араион аҿы абызшәа адырра ашьҭыхразы иаҭаху зегьы анагӡара дшазыхиоу. Иазааҭгылан Аԥсны аҭоурых азҵаарагьы. Араион аҿы испециалистцәам атәыла аҭоурых ахьыддырҵо уи проблемоуп, ас еиԥш агәаанагара имоуп аминистргьы. Иалацәажәан ашколқәа рҭагылазашьаа, доусы ашкол аҩныҵҟа рхатә џьабаала аиҭашьақәыргыларатә усурақәа мҩаԥыргозар, егьыс аҭагылазаашьа даараӡа иуадаҩуп", - еиҭалҳәеит Лацәышԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

10
Семен Пегов

Минск иаанкылаз урыстәылатәи ажурналист Семион Пегов доушьҭуп

3
(ирҿыцуп 21:50 10.08.2020)
Ажурналист Семион Пегов Минск, нанҳәа 9 рзтәи аилаҩеиласрақәа раан дшаанкылаз атәы рылаирҵәеит "Комсомольская правда" акорреспондент Александр Коц.

АҞӘА, нанҳәа 10 - Sputnik. Минск иаанкылаз урыстәылатәи ажурналист Семион Пегов азинеилагаҩцәа ахьҭаркуа Ацентр аҟынтә доушьҭуп, абри атәы аанацҳауеит Sputnik Беларусь Telegram-канал.

Белоруссиа иҟоу Урыстәыла ацҳаражәҳәаҩ адырра ҟаиҵахьан, Семион Пегов аҩаша аҩныҟа дхынҳәырц шилшо.

Белоруссиа алхрақәа мҩаԥысит нанҳәа 9 рзы. Алхырҭатә ҭыԥқәа шадыркызҵәҟьа, Минск зиншьаҭада аҿагыларатә акциақәа ирылагеит Белоруссиа ақалақьқәак рҿы.

Ажурналист Семион Пегов Минск дааныркылеит нанҳәа 9 ауха. "Комсомольская правда" арратә корреспондент Александр Коц иӡыригеит
Пегов дшааныркылоз акадырқәа.

Белоруссиатәи амчрақәа рахь ааԥхьара ҟалҵеит RT, МИА "Россия сегодня" рредактор хада Маргарита Симониан. Лара Белоруссиа аиҳабыреи ҷыдала Александр Лукашенкои рахь ааԥхьара ҟалҵеит Семион Пегов дызлоу иаанкылоу ажурналистцәа рхы иақәиҭыртәырц.

Аԥсны ажурналистцәа Реидгыла Белоруссиа амчрақәа рахь ааԥхьара ҟанаҵеит Минск имҩаԥысуаз аҿагыларатә акциақәа раан иаанкыло ажурналистцәа рхы рақәиҭтәразы.

Семион Пегов – апоет, урыстәылатәи афедералтә телеканалқәа рырратә корреспондент, апроект WarGonzo аиҿкааҩ. Диит 1985 шықәса рзы. Иҩымҭақәа кьыԥхьын альманахқәа "Под часами", "Персона", "Современники". Пушкин ихьӡ зху афестиваль "С веком наравне-2008" алауреат, ашәҟәыҩҩцәа ҿарацәа р-Форум "Липки-2011"алахәыла. Семион Пегов 2008 - 2013 шықәсқәа рзы Аҟәа, ателекеилахәыра "Абаза-ТВ" аҟны аус иуан, "Нужная газета", "Чегемская правда", "Новый день" иҩымҭақәа ркьыԥхьуан.

Иара убас шәаԥхьар ҟалоит:

 

3