Микрофон  - Sputnik Аҧсны
Арадио

Арҷелиаԥҳа: иаабац асабрадақәа акоронавирус аҟынтәи ауаҩы дырзыхьчом

© Sputnik / Томас ТхайцукАнжела Арҷелиаԥҳа
Анжела Арҷелиаԥҳа - Sputnik Аҧсны
Анапаҵаҩра
Адунеи аҟны зымҽхак аҽарҭбаауа аҿкы чымазара ҿыц ахы шцәырнаго, иахьынӡашәарҭоу атәы арадио Sputnik аефир аҟны дазааҭгылеит Ареспубликатә хәышәтәырҭа атерапиа аҟәша аиҳабы Анжела Арҷелиаԥҳа.
Арҷелиаԥҳа: иаабац асабрадақәа акороновирус аҟынтәи ауаҩы дырзыхьчом

"Акоронавирус иахҟьаны ицәырҵуа иҿку чымазароуп. Ауаҩы иаразнак ишоура халоит, ахыхь иоуеит, иҿихлар ҟалоит, аҩбатәи ахԥатәи амш азы агәыҵәкра ихьыр ҟалоит, дзымныҟәо, инапы, ишьапы изышьҭымхыр алшоит. Ауаҩы иԥсҭазаара даара иуашәшәырахоит ари ачымазара анизцәырҵуа. Хыхьчагас иҟоу асабрадақәа роуп, ачымазара иаиааиуа ахәшә макьана иҭырмыжьӡацт. Ачымазара иаҳа ирзыҿкуп 45 шықәса еиҳаны изхыҵуа ахацәа, ахәыҷқәа уи зыхьыз даара имаҷуп. Ашоура змоу аҩны рыҽныркылароуп, ауаа рацәа ахьыҟоу аҭыԥқәа рахь имцароуп. Атест-системақәа ҳзаарышьҭраны иҟоуп, акоронавирус ауаҩы имоу имаму аилкааразы. Анцәа иааумышьҭын ҳа ҳахь, аха иаар, атест-ситемақәагьы, ахәшәгьы ҳазхом. Асабрадақәа ҳара иҳамоу еиҳарак ачымазаҩ имӷеиҵо ауп, иара ачымазара нызкыло асабрада аа-хәҭакны иҟазароуп, уи даҽа сабрадоуп, абжьааԥны иныҟәарго, аԥҭекақәа рҟны ирҭиуа ахәаӡом", -лҳәеит Арҷелиаԥҳа.

Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Ажәабжьқәа зегьы
0