Барцыц: аҭоурыхтә ҭынха ыҟазар ахьалшо адгьылқәа игәамҭакәа рхы иадырхәоит

33
(ирҿыцуп 19:24 27.02.2020)
Археолог Руслан Барцыц арадио Sputnik аефир аҟны агәҭынчымра ааирԥшит иахьа Аԥсны аҭоурыхтә ҭынха ахьчара аганахьала иҟоу аиҵахарақәа рзы.
Раионк аԥсҭазаараҟнытә: Барцыц Гагра араион аҭоурыхтә ҭынха ахьчара иазкны

"Иахьа Аԥсны аибашьра еилгеижьҭеи 25 шықәса иреиҳауп, иаҳҳәеит, еиҭаҳҳәеит ҳҳәынҭқарра ахьынӡанаӡааӡо аҭоурыхтә баҟақәа рыхьчара аганахьала ашәҟәқәа ҳаҩхьеит, аха макьана ҳаргәалашәом. Ҳара уи азы ауалафахәы ҳауӡом, иаҳуалԥшьоуп, иҟаҳамҵар ада ԥсыхәа ҳамам, иҟаҳҵартәгьы аҳәынҭқар аҭагылазаашьа ҳаиҭароуп. Адгьылқәа хылаԥшра рызҭо акомиссиа иалоуп Асанитартә епидемиологиатә станциа, Абылраҽацәыхьчаратә маҵзура, "Аӡыканал" аусзуҩцәа, ҳаргьы уа ҳалахәын, аха ҳанырхит. Ҩаԥхьа ҳанырҵар ҳҭахуп. Адгьылқәа анырзоурыжьуа арзаҳалқәа рыҩуеит асасааирҭақәа рыргыларазы, досу иахьааиҭаху иргылоит атуристтә ԥсшьарҭақәа. Аҭоурыхтә баҟақәа ыҟазар ахьалшо адгьылқәа рхы иадырхәоит. Уи азы иахәҭоу аусбарҭақәа ирыдҵаалароуп. Уи ашьҭахь ҳара ҳнеины ажрақәа мҩаԥаагароуп, излауала ҳҭоурыхтә баҟақәа еиқәҳархароуп. Аргыларақәа ирылаго рҟынтә 10-15 процент роуп ҳара ҳахь иааиуа, егьырҭ ирзымдыруашәа ҟарҵоит. Акомиссиақәа ианақәырклак, иҟаҳҵои шьҭа ҳәа иқәгылоит аханқәа андыргылалак ашьҭахь", -иҳәеит Барцыц.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

33

Раионк аԥсҭазаараҟнытә: Гәынба "Акурорт "Пицунда" аԥсшьаҩцәа раҭаара иазкны

4
(ирҿыцуп 20:10 01.10.2020)
"Акурорт Пицунда" аиҳабы Фрикан Гәынба арадио Sputnik аефир аҿы еиҭеиҳәеит иахьазы аԥсшьарҭатә комплекс аҿы шаҟаҩы рыԥсы ршьо, насгьы уи иамоу ауадаҩрақәа ртәы.
Раионк аԥсҭазаараҟнытә: акурорт "Пицунда" аԥсшьаҩцәа раҭаара иазкны

"Иахьазы аԥсшьарҭатә комплекс аҿы рыԥсы ршьоит 1800-ҩык. Ҵыԥх уажәааны 1200 ракәын иҟаз. Уи зыбзоурахазгьы ҳәа ҳгәы иззаанаго Гьаргь Блаб ихьӡ зху абокс азы Пицунда имҩаԥысуа атурнир ауп. Амшқәагьы аԥсшьараамҭазы ибзиоуп, уи алагала ыҟоуп. Уажәазы азыҳәарақәа маҷуп иҟарҵо еиҭа аԥсшьаразы, аха амз аҵыхәанӡа аус аауп ҳәа ҳгәыӷуеит", - ҳәа еиҭеиҳәеит Гәынба.

Аԥсшьарҭатә комплекс аҿы иҟоу ауадаҩрақoа ртәы далацәажәо, Гәынба иҳәеит.

"Аӡыканал ацхыраара аҭахуп, уи аҳабла зегьы ӡыла еиқәнаршәоит иара аԥсшьарҭатә комплекс адагьы, иара анаплакы абаланс аҿы иқәгылоуп, иҟаҵатәу рацәоуп. Аӡыцрыҵқәа ракәзар, ақәра рымоуп, есԥхынра амчра ӷәӷәа роуеит, усҟан ана-ара иацәцо иалагоит. Уи аҭыԥ аԥшаара усҟак имариам, иҳақәҿиеит иара атәы здыруа Алексеи Кьетиа дахьҳамоу. Иара акыр шықәса аус иуеит, аԥсшьарҭатә комплекс аҿы аӡыцрыҵқәа шьышьықәгылоу атәы идыруеит", - ҳәа еиҭеиҳәеит Гәынба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

4

"Жәлар рдоуҳа": Ҭодуаԥҳа аамсҭашәара иазкны

10
(ирҿыцуп 16:58 01.10.2020)
Аԥсуаа рҟны аилкаара "аамсҭашәара" ҵакыс иамоу, ус еиԥш ззырҳәо зусҭцәоу атәы арадио Sputnik арубрика "Жәлар рдоуҳа" аҟны дазааҭгылеит афольклорҭҵааҩы Есма Ҭодуаԥҳа.
"Жәлар рдоуҳа": Ҭодуаԥҳа аамсҭашәара иазкны

Шәазыӡырҩла арубрика "Жәлар рдоуҳа" есхашала арадио Sputnik аефир аҟны.

Атекст шәаԥхьар ҟалоит: "Дуаҩуп, даамысҭашәоуп": аԥсуара азҵаарақәак ирызкны

10

Sputnik апресс-центр аҟны еиҭарҳәоит аԥсуаа рҿы аӡахәааӡара аҭоурых

7
(ирҿыцуп 20:21 01.10.2020)
Жьҭаара 2 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Фарид Кәабахьиеи Николаи Ачбеи рышәҟәы "Ажәытәан аԥсуаа рҟны аӡахәааӡареи аҩыҟаҵареи" иазку апресс-конференциа.

Апресс-конференциа иалахәуп:

  • Фарид Кәабахьиа – аҭоурыхдырыҩ, Аԥсуаҭҵааратә институт анаукатә усзуҩ;
  • Николаи Ачба – "Аԥсны аҩқәеи аӡқәеи" адиректор хада.

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

7