Астамур Ахба

Ахба еиҭеиҳәеит Урыстәылазегьтәи аконгресс аҿы атуризм аганахьала излацәажәоз атәы

23
Москва имҩаԥысуеит Раԥхьатәи урыстәылазегьтәи атуризми, асасдкылареи, аспорти рхеидкылақәа рконгресс. Уаҟа излацәажәоз азҵаарақәа ртәы арадио Sputnik Аԥсны аефир аҿы еиҭеиҳәеит аконгресс иалахәу Аԥсны Аотелиерцәа ргильдиа ахантәаҩы Асҭамыр Ахба.
Ахба еиҭеиҳәеит Урыстәылазегьтәи аконгресс аҿы атуризм аганахьала излацәажәоз атәы

"Атуризм знапы алаку ахеилакқәеи анаплакқәеи иаԥырҵаз Урыстәыла арегионқәа еидызкыло аконгресс аҿы иалацәажәон атуризми асасдкылареи иадҳәалоу еиуеиԥшым азҵаарақәа. Сара излазбаз ала Урыстәыла ари ахырҭала ахеидкылақәа русура уанахәаԥшуа иубаратәы иҟоуп аҳәынҭқарратә маҵзурақәеи дареи еидгыланы русура зырманшәалаша азҵаарақәа шырыӡбо атәы. Аҩнуҵҟатәи атуризм арҿиара, уи аҿиара ахьамам иахҟьаны атәыла иалҵны ицо аԥара шырацәоу атәы азгәаҭан. Иазааҭгылан ашәахтәқәа рганахьала ицәырҵуа азҵаарақәагьы. Избанзар атәым ҳәынҭқаррақәа рҿы иахьа ибзиан атуризм аҿиара амоуп ҳәа уахьахәаԥшуа, ашәахтәқәа аанкылоуп, ҿырԥштәыс иааргон ус еиԥш иҟоу аҳәынҭқаррақәа. Абасала иалацәажәан еиуеиԥшым азҵаарақәа анаҩс атуризм аҿиараҿы ҳтәылаҿы хшыҩзышьҭра зҭатәны исыԥхьаӡо", - ҳәа еиҭеиҳәеит Ахба.

Инеиҵыху аиҿцәажәара шәазыӡырҩы арадио Sputnik Аԥсны аефир аҿы.      

 

23