Виачеслав Кәакәасқьыр

Кәакәасқьыр атәыла ахада иалхрақәа рзы: жәларбжьаратәи анаԥшыҩцәа рымаара ҳусура ианыԥшуам

22
(ирҿыцуп 11:54 19.03.2020)
Аԥсны Алхратә комиссиа ахада алахәыла Виачеслав Кәакәасқьыр арадио Sputnik Аԥсны аефир аҿы еиҭеиҳәеит атәыла ахада иалхрақәа рымҩаԥгаразы ицо аусурақәа ртәы.
Кәакәасқьыр атәыла ахада иалхрақәа рзы: жәларбжьаратәи анаԥшыҩцәа рымаара ҳусура ианыԥшуам

"Аусқәа ишахәҭоу ацара иаҿуп алхратә ҭыԥқәа зегьы рҿы, еиҵахарак ҳәа макьана акгьы ҳамаӡам. Ианаамҭоу аҳәынҭқарраҟынтә аԥара ҳаур. Уажәы убри ауп ҳаззыԥшу. Абиуллетенқәа ркьыԥхьра иаҿуп, ианаамҭоу зегьы ироуеит. Асиақәа ракәзар, урҭ реиқәыршәара цоит. Иҭагалам иназыцҵоу асиахь дҭаргалоит, иԥсыз дырҵәаӷәоит. Акоронавирус алхрақәа ирныԥшыр ҳәа ҳшәоит. Аҳәынҭқарра ахада инапынҵақәа назыгӡо алаҳәара ҟаиҵеит, аха алхрақәа рзы акгьы ҳәам, хазы ак адкылара азин ҳамам. Анаԥшыҩцәа ҟалом арҭ алхрақәа раан, аха уи ҳусура анырра анаҭом", - ҳәа еиҭеиҳәеит Кәакәасқьыр.

Аԥсны Алхратә комиссиа хада аӡбарала, атәыла ахада иеиҭалхрақәа мҩаԥысраны иҟоуп хәажәкыра 22 рзы.

Инеиҵыху аиҿцәажәара шәазыӡырҩы арадио Sputnik Аԥсны аефир аҿы.

Иара убас шәаԥхьар ҟалоит:

22
Атемақәа:
Аԥсны ахада иалхрақәа -2020 (125)