Хьыбла Амҷԥҳа

Амҷԥҳа Германиа акоронавирус алаҵәара иазкны: ақалақь ҭацәуп, ауааԥсыра афатә еидыркылоит

59
(ирҿыцуп 11:12 19.03.2020)
Германиа иҟоу Аԥсны ахаҭарнак Хьыбла Амҷԥҳа арадио Sputnik Аԥсны иалҭаз ахҳәааҿы иазгәалҭеит уаҟа акоронавирус алаҵәара иадҳәалоу аҭагылазаашьа зеиԥшроу.
Амҷԥҳа Германиа акоронавирус аҭагылазаашьазы: ақалақь ҭацәуп, ауааԥсыра афатә еидыркылоит

Амҷԥҳа лажәақәа рыла, иахьазы Германиа зегьы иааидкыланы ф-нызқьҩык инареиҳаны ачымазцәа ыҟоуп.    

"Ақалақь ҭацәуп, ауаа маҷны иныҟәоит, ԥсыхәа змам ак акәымзар, еиҭанеиааиуам. Ауааԥсыра афатә рацәаны иаархәоит, аӡыржәтә, иара убас ахәшәқәа. Ахәқәагьы ирыцлеит, уи зегьы еицгәарҭеит. Ахәыҷқәа аинтернет ала адҵақәа рзаарҭиуеит, аҩныҟатәи адҵақәагьы ҟаҵаны ус алоуп ишырзырышьҭуа. Уажәы ахәыҷқәа хы-мчыбжь иоушьҭуп, аха анаҩс амшаԥазы еиҭа ҩы-мчыбжь аԥсшьарамшқәа ыҟоуп, иааидкыланы хәы-мчыбжь аусура аанкылоуп. Аус зымур амуа рсиақәа зегьы аинтернет аҟны иҟоуп, урҭ рахь иаҵанакуеит аҳақьымцәа, азинхьчаратә усбарҭақәа русзуҩцәа, афинансқәа ирыдҳәалоу уҳәа аангылашьа змам аусбарҭақәа русзуҩцәа аусура инеироуп", - ҳәа еиҭалҳәеит Амҷԥҳа.

Инеиҵыху аиҿцәажәара шәазыӡырҩы арадио Sputnik Аԥсны аефир аҿы.

Иара убас шәаԥхьар ҟалоит:

59
Атемақәа:
Ачымазара ҿкы – акоронавирус Аԥсни адунеи аҿи: иалкаау (268)