Ҳагба: алхрақәа ирышьҭанеиуа амш ҳазхәыцроуп
(ирҿыцуп 09:07 21.03.2020)
Аԥсны зҽаԥсазтәыз артист Кьасоу Ҳагба арадио Sputnik аефир аҟны игәаанагара иҳәеит аԥсуаа рыбзазашьа алхратә система шаныԥшуа, уажәтәи алхратә кампаниа ацашьа дшахәаԥшуа атәы.Ҳагба: алхрақәа ирышьҭанеиуа амш ҳазхәыцроуп
"Абри асистема (алхратә - аред.) ҳара акгьы ҳазнауам жәларык раҳасабала. Ҳажәлар рыҩнуҵҟа аԥсхәра, ачара убри аҟара аҭакԥхықәра, аибабара ацуп… Сахьахәаԥшуа уажәтәи алхрақәа шцо, иаҳа иҿыцу, узықәгәыӷша апатуеиқәҵара ахьыҟоу, аԥхашьара, аҭакԥхықәра хәыҷык ацушәа збоит. Анаҩс ианалгалак, еиҭах еиламлар, џьара ҳкылсып. Иаҳхамшҭлароуп адунеи аҟны ишҳахәаԥшуа. Иазхәыцтәуп ари абжьыҭарагьы шцо, уаҵәтәи амш ааиуеит. Акызаҵәык изызхәыцтәу, ҳхәыҷқәа ари адгьыл аҟны иаԥсыуааны, иуааны, еиндаҭлозаргьы, еибамфаратәы, еибамшьратәы уаҩышәала ҳхы мҩаԥаагар, ҳаҽнаҳкылар, азакәан ҳацныҟәар, зегь бзиахоит ҳаԥсҭазаараҟны", - иҳәеит Ҳагба.
Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.
Иара убас шәаԥхьар ҟалоит:
Атемақәа:
Габуниа Дәрыԥшь имҩаԥысран иҟоу аҽырыҩрақәа рзы: ақыҭақәа зегьы рзы ныҳәа дууп
Раионк аԥсҭазаараҟынтә: Габуниа Дәрыԥшь имҩаԥысран иҟоу аҽырыҩрақәа ирызкны
"Маи 8-9 Гәдоуҭа араион ф-қыҭак злахәу аныҳәа дуӡӡа амҩаԥгара ҳазыхиоуп, ашҭа маншәлоуп, аҽқәа уахь инаргаран иҟаз зегьы иахьа инагоуп. Аҽқәа рҭыԥ дара ақыҭақәа рхала, рџьабаала иҟарҵеит. Араион аҟынтә ф-командак 50-50 нызқь мааҭ рыҭоуп, ацхыраара ҳасабала. Иҟоуп раԥхьаӡа акәны ас еиԥш аҽырхәмаррақәа ирылахәу. Иҟоуп раԥхьаӡа акәны иҽыжәлазгьы, ус ҳара ҳҿы дыҟоуп 9 класск рҿы итәоу аҽыуаҩ қәыԥш. Ари аныҳәа ҳажәлар еиднакылоит, аԥсуа жәынгьы-ҿангьы ирымаз аспорт аихьӡарақәа аазырԥшуаз, аԥсҭазаара дуӡӡа ԥхьаҟа изгоз ажәларқәа ҳреиуоуп ҳара. Иҟан аамҭақәа 10 командак рҟынӡа ианыҟаз. Аԥсуа ҽыбӷаҟазаратә хәмаррақәа раԥхьа имҩаԥган Абгархықә, нас Аҷандара, Аацы, абарҭ ақыҭақәа зегьы рзы ари амш азы аныҳәа дуӡӡа ҟарҵон, иара усгьы иҟоуп иахьагьы", - ҳәа еиҭеиҳәеит Габуниа.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Иара убас шәаԥхьар ҟалоит:
-
Шәлымба еиҭеиҳәеит Аԥсны лаҵарамзазы имҩаԥгахо аҽырыҩрақәа ртәы
-
Аргәын аҽырхәмаррақәа рҿы ақыҭақәа реиндаҭларазы: ҟәланырхәаагьы унҳагәҭасуа ҳаҟам
-
Аҵәеигәыдҵа, аҽылампыл, аҽырыҩра: Кәтол имҩаԥысыз аҽқәа реиндаҭлара
Хра злоу ахҭысқәа: Џьынџьалԥҳаи Қапԥҳаи аҵарадырра аҩаӡара иазкны
(ирҿыцуп 17:41 07.05.2021)
Изеиԥшроузеи ҳҵарадырра аҩаӡара, ашколқәа роушьҭмҭацәа абанӡазыҟаҵоу иреиҳау аҵариурҭақәа рҭаларазы, абри азы арадио Sputnik аҿы ргәаанагара рҳәеит Аҟәатәи алицеи-интернат аиҳабы Лариса Капԥҳаи ААУ аԥсуа литература акафедра аиҳабы Диана Џьынџьалԥҳаи.Хра злоу ахҭысқәа: Џьынџьалԥҳаи Қапԥҳаи аҵарадырра аҩаӡара иазкны
"Аинтернат аҿы аҵара зҵо ахәыҷқәа ажәбатәи акласс аҟынӡа инеиаанӡа азин рымоуп досу арежим дықәныҟәаны, алеишәа бзиа ааирԥшызар, илшо акны дазкны, ихы бзианы иахьааирԥшуа дадгаланы дадҳаԥхьалоит. Анаҩс 10-11 тәи аклассқәа рҿы итәоу 14-ҩык рҟынӡа алԥшаахқәа нхоит, уаҟа иаҳа имариоуп, иаҳа дара иҳаақәҵаны ирҭаху аганахьала рхы рханы ауниверситет аҭалара. Ҳара ҳхәыҷқәа ирымаӡам аматериалтә база, арепетиторцәа ирышьҭало, аха агәырҵҟәыл ҟаҵаны, иара иҭахны даныҟала, 24 сааҭ аус зуа арҵаҩцәа раамышьҭахь ааӡаҩцәа аамҭа рымоуп аҽазыҟаҵара, зҵаарак дназыдгылалак, ахәыҷы аҭак иоуртә еиԥш аҭагылазаашьа аԥҵоуп", - ҳәа еиҭалҳәеит Қапԥҳа.
Афилологиатә факультет ахь иаауа еиҳарак ақыҭа хәыҷқәа роуп, ақалақь аҟынтәгьы иҟоуп, ҳәарада, аха урҭ рхыԥхьаӡара иаҳа имаҷуп лҳәеит ААУ аԥсуа литература акафедра аиҳабы Диана Џьынџьалԥҳа.
"Ара аԥхьароуп иаҭаху, ари физикам, математикам, аха абраҟагьы ахьысҳара ду ахьаадырԥшуа ыҟам. Ахәыҷы аиҭаҳәа анизымҩуа, арҵаҩы ишахәҭаз аус идимулазар ауеит. Уи зегьы ҳара иаҳбарҭоуп уа. Аԥсуа бызшәеи алитературеи репетиторда арҵаҩцәа ирылшоит ахәыҷқәа дырҵара. Апрограмма ыҟоуп, арҵагатә шәҟәқәа ыҟоуп, ахәыҷы ихала ихы аус адиулартә аҭагылазаашьа ыҟоуп. Ҳара иаҳҭаху ахәыҷы аҩымҭа дшаԥхьаз аилкаароуп, аҵакы аиҭаҳәара, анализ аҟаҵара идаагалаӡом", - ҳәа еиҭеиҳәеит.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Иҳаҩсыз уахыки-ҽнаки рыла даҽа 52-ҩык акоронавирус рыдырбалеит Аԥсны
АҞӘА, лаҵара 7 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 334-ҩык атестқәа рзыҟаҵан, урҭ рахьтә 52-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.
Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 51-ҩык, урҭ рахьтә 45-ҩык акоронавирус адиагноз рзышьақәыргылоуп, рҭагылазаашьа бааԥсуп 26-ҩык, ибжьаратәуп - 20-ҩык.
Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 37-ҩык апациентцәа, Очамчыра ирхәышәтәуеит 13-ҩык, Гагратәи ахәышәтәырҭаҿы - 21-ҩык, Тҟәарчалтәи ахәышәтәырҭаҿы - хәҩык апациентцәа.
Акоронавирус иазку ажәабжьқәа зегьы шәрыԥхьар ҟалоит абра>>