Ауаажәларратә палата алахәыла Абессалом Кәарҷиа.

Кәарҷиа: шаҟа ԥсыцқьарала абжьыҭарахь ҳнеиуа, убриаҟара алҵшәа ҟалоит

20
(ирҿыцуп 18:17 22.03.2020)
Аԥсны аҳәынҭқарра ахада иалхрақәа рзы арадио Sputnik аефир аҟны игәаанагара иҳәеит Ауаажәларратә палата алахәыла Абесалом Кәарҷиа.
Кәарҷиа: шаҟа ԥсыцқьарала абжьыҭарахь ҳнеиуа, убриаҟара алҵшәа ҟалоит

"Ажәлар зегьы даара ҳааԥсеит. Иахьатәи амш ала алхрақәа еилгар бзиан. Зегь раасҭа сызгәырҩо еиҭах аиҿагыларахь ҳнанагар ҳәа ауп. Иахьа даара ихадоу мшуп, абри Аконституциа ажәлар иаҳнаҭо амч анагӡара азин ҳамоуп иахьазы. Абри шаҟа ҳазхәыцны, ԥсыцқьарала ҳазнеиуа, ҭакԥхықәрала абжьы шаҳтеиуа иахьԥшуп алҵшәа", - ҳәа азгәеиҭеит Кәарҷиа.

Хәажәкыра 22 рзы Аԥсны имҩаԥысуеит аҳәынҭқарра ахада иалхрақәа. Атәыла ахадарахьы хҩык акандидатцәа ықәгылоуп. Аамз рыҩныҵаҟа Аԥсны хынтәны имҩаԥысуеит аҳәынҭқарра ахада иалхрақәа. Иҟоу адыррақәа рыла алхыҩцәа рхыԥхьаӡара 127 нызқьҩык инацны иҟоуп.

Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Аԥсны атәыла ахада иалхрақәа рымҩаԥысшьа иазку ажәабжьқәа шәрыԥхьарц шәылшоит Sputnik Аԥсны Telegram каналаҿы, иара убас асаит аҟны ицо аонлаин текст аҿы.

Иара убас шәаԥхьар ҟалоит:

20
Атемақәа:
Аԥсны ахада иалхрақәа -2020 (125)