Микрофон  - Sputnik Аҧсны
Арадио

Қәычбериа Гал акомендантә сааҭ алагаларазы: закәанда аҳәаа ахыҵра ахҭысқәа рацәахеит

© Foto / предоставлено Иналом КучуберияИнал Кучуберия
Инал Кучуберия - Sputnik Аҧсны
Анапаҵаҩра
Хәажәкыра 28 инаркны Гал араион аҿы акомендантә сааҭ рылаҳәоуп. Актәи аҵх шымҩаԥысыз, иҟазма азакәан еилазгаз, насгьы избан изалагалаз ас еиԥш аԥкрақәа арадио Sputnik Аԥсны аефир аҿы еиҭеиҳәеит, Гал араион ахадара азиндырратә ҟәша аиҳабы Инал Қәычбериа.
Қәычбериа Гал акомендантә сааҭ алагаларазы: закәанда аҳәаа ахыҵра ахҭысқәа рацәахеит

"Аҳәаа ркуижьҭеи уахьгьы аӡәгьы дҳашьҭуам, арахьгьы аӡәгьы дааҳашьҭуам. Убри нахыс закәанда аҳәаа ахыҵра ахҭысқәа иаҳа иацлеит. Акомендантә сааҭ алаҳгалаанӡа мышкы шагыз аӡәы аҳәаа дшахыҵуаз дақәкын. Иара ихала ихы ԥхьаикит, аҳақьымцәа иҭагылазаашьа хылаԥшра арҭоит, макьаназы аҿкы ацәырҵшьа атәы зҳәо аҳақьымцәа акгьы идырбалан ҳәа иҟам, аха, ҩаԥхьа ас еиԥш аҭагылазаашьа ҳацәцартә еиԥш, иалаган акомендантә сааҭгьы. Араион аҿы иҟоу азинхьчаратәи амчратәи аусбарҭақәа русзуҩцәа уи хылаԥшра арҭалоит. Гал араион ауааԥсыра аҭагылазаашьа ҷыда алагаларазы акгьы ахырҳәаауам, иҟоу аҭагылазаашьа еилыркаауеит, акоординациатә штаб ахь ашшыбӷьыц ҳәа акгьы мааицт, ауаагьы амҩадуқәа рҿгьы усҟак иҟам", - ҳәа еиҭеиҳәеит Қәычбериа.

Инеиҵыху аиҿцәажәара шәазыӡырҩы арадио Sputnik Аԥсны аефир аҿы.

Аԥсны акоронавирус аҽцәыхьчаразы иалагалоу аԥкрақәа ртәы шәахәаԥшырц ҟалоит абра>>

Ажәабжьқәа зегьы
0