Ҭраԥшьԥҳа лабду аԥшыхәҩы изы: хаҭала дахьсзымдыруаз хьаазгоит, аха сазгәыдууп ихаҵара

177
(ирҿыцуп 01:20 10.05.2020)
Аиааира Ду 75 шықәса ахыҵра аҳаҭыр азы арадио Sputnik амҩаԥгаҩцәа аиҿцәажәарақәа анырҵоит. Аџьынџьтәылатә еибашьра Ду иалахәыз Азиз Ҭраԥшь иеибашьратә мҩа аефир аҟны еиҭалҳәеит уи имоҭа Алика Ҭраԥшьԥҳа.
Аиааира Ду ҳзаазгаз, аҭынчра еиқәзырхаз: Ҭраԥшьԥҳа лабду Азиз иеибашьратә мҩа иазкны

"Сабду Ҭраԥшь Азиз Шьааиб-иԥа дыздырыртә изыҟамлеит, аха игәалашәара лашаны исыцуп. Иара хаҭала дыздыруаз изларҳәо ала, ауаҩы разы, ашьац ҟьцыр ҳәа ишәоз, аха ианаҭахха амцаԥшь иаҩызаз иакәын. Шықәсқәак раԥхьа аинтернет еимадара ацхыраарала еилыскааит аибашьра адәаҟны иааирԥшыз агәымшәаразы аҳамҭақәа маҷымкәа ишианашьаз. Сабду Анхәа ақыҭантә афронт ахь данцоз 19 шықәса ихыҵуан. Аибашьра адәаҟны ахәра иоухьан Ростов ақалақь, Кропоткино ажәылараан аконтузиа. Иара аибашьра зегьы ихигеит, дыԥшыхәҩын. Ианашьоу аҳамҭақәа рыбжьара иҟоуп Абираҟ Ҟаԥшь, Аеҵәа Ҟаԥшь аорденқәа, Ахьӡ-аԥша аорден ахԥатәи аҩаӡара, Аџьынџьтәылатә еибашьра аорден аҩбатәи аҩаӡара. Исаҳахьеит аӷацәа дшырҭҟәахьаз, аха аԥснынтәи иқәшәаз аерман рԥыси иареи абналара рылшеит. Уи ахҭыс арбаӡам Урыстәыла атәылахьчара аминистрра иаанарԥшыз ашәҟәқәа рҟны.

Аеҵәа Ҟаԥшь аорден зианаршьаз ҳәа адырра ыҟоуп. Ҳаӷацәа рминақәа рбатареиеи рхыршәга ҭыԥқәа хԥеи ркоординатақәа рзы идивизиахь адырра риҭеит.

Ахьӡ-аԥша аорден акәзар, ианашьан жәабран 1945 шықәсазы. Украина иахьаҵанакуаз аибашьраан аполкқәа ҩба рыдҵаҟаҵаҩцәа ахьтәаз аҩны анемеццәа акәшеит. Аԥшыхәҩы, асержант еиҳабы сабду Азиз Ҭраԥшь иҭаирхеит жәаҩык анемец фашистцәа. Адҵаҟаҵаратә пункт ахь аӡәгьы днаимышьҭӡеит.

Сабду ианашьаз аҳамҭақәа рыбжьара иҟоуп "Агәымшәаразы" амедалгьы. Уи ианашьан 1944 шықәсазы ақыҭа Лиамцкоруп азааигәара ҳаруаа жәылара ианцоз, аӡиас арра рызымҭоз аӷацәа рхыршәгақәа ҩба ықәихит. Уи ала ҳаруаа ԥхьаҟа рцара алыршан.

Сабду аҭынч ԥсҭазаараҿы аибашьра атәы далацәажәомызт, аха саҳәшьцәа еиҳабацәа ргәалашәараҟны инхеит аибашьра иазкыз акиносахьа данахәаԥшуаз, илаӷырӡ шиҵәахуаз. Аԥсуа хаҵа аҵәыуара иаҭәам ҳәа зыԥхьаӡоз сабду дацәыԥхашьон илаӷырӡ, ифырхаҵарақәа ртәы аиҭаҳәара. Ҳәарада, сара ихьаазгоит сабду дахьсзымдыруаз, аха убри аан сазгәыдууп Аџьынџьтәылатә еибашьра Ду аан аԥсадгьыл аӷацәа рҟынтә иҭазырцәыз афырхацәа гәымшәақәа дахьыруаӡәку", - лҳәеит Ҭраԥшьԥҳа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Аиаиира Ду 75 шықәса ахыҵра иазку анҵамҭақәа зегьы шәрыԥхьар шәылшоит абра>>

177
Атемақәа:
Аџьынџьтәылатә еибашьра ду аҟны Аиааира 75 шықәса ахыҵра (72)

Ҷедиа ачарақәа раанкыларазы: ажәлар ахьцо-иахьаауа рзеилымкаауа иҟалеит

11
(ирҿыцуп 20:13 19.09.2020)
Ачарақәа рура аамҭа ахыгахоит иааиуа амзазы. Ас еиԥш аҭагылазаашьа ачараурҭатә хыбрақәа рыԥшәмацәеи ачара аҿҳәара ԥызҵәахьоу ауааи зҭанаргыло ауадаҩрақәа ртәы арадио Sputnik аефир аҟны еиҭеиҳәеит абанкеттә зал аиҳабы Авҭандил Ҷедиа.
Ҷедиа ачарақәа раанкыларазы: ажәлар ахьцо-иахьаауа рзеилымкаауа иҟалеит

Аҳәынҭқарра ахада Аслан Бжьаниа аусԥҟа ҭижьит "Аԥсны Аҳәынҭқарра ауааԥсыра ргәабзиара акоронавирустә инфекциа COVID-19 ацәыхьчаразы хаз игоу уснагӡатәқәак рышьақәыргыларазы" ҳәа. Аԥкрақәа азинмчы роуеит жьҭаара 5 инаркны. Урҭ инарықәыршәаны, ачарақәа рымҩаԥгара аанкылатәхоит.

"Ашықәс нҵәаанӡа 20-25 чара ҳәа ашәҟәы ианҵаны иҳамоуп. Аԥарагьы ԥароуп, аха ачымазара ыҟазар, аҳәынҭқарра ахада иҭижьыз аусԥҟа ажәлар ацныҟәоит ҳәа ауп ишыздыруа, ус ауп ишеилыскаауа. Ажәлар чмазаҩхар, ирыцҳашьатәуп. Ауаа кредитла аԥара ргеит, ачара иазыԥшын, аха иҟауҵои. Ачара ахьыруа ахыбрақәа рҟны 40-45 рҟынӡа ҽнак иҭыҵуа ауаа аус руеит… Ачарақәа рыҿҳәара ԥҵәоуп. Октиабр азы ашәҟы ианыз сентиабр ахь рҽанырҵар рҭаххеит, агәыҭҟьара иҟоу збоит, аҩашагьы ачарақәа ҟарҵо иалагеит", - иҳәеит Ҷедиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

11

Габелаиа Аҟәеи Очамчыреи еимаздо амҩа арлашаразы: иӡбахоит ҳәа агәрагара ҳарҭеит

6
(ирҿыцуп 16:16 19.09.2020)
Очамчыра араион ахада актәи ихаҭыԥуаҩ Артемон Габелаиа арадио Sputnik аефир ала ицо арубрика "Раионк аԥсҭазаараҟынтә" аҿы дызлацәажәаз иреиуоуп Аҟәеи Очамчыреи еимаздо амҩа хада арлашара азҵаара.
Раионк апсҭазаараҟнытә: Габелаиа Аҟәеи Очамчыреи еимаздо амҩа хада арлашара иазкны

Ааигәа Очамчыра иҟаз аизараҟны (Аԥсны ахада дызлахәыз араион актив реизара - аред.) аекономика аминистр Кристина Озган илҳәеит ақыҭақәеи ақалақь аҩныҵаҟеи амҩақәа ирҽеихо ртәы, иара убас амҩа хада шырлашахо. Аиашазы, уахынла амашәырқәа рацәаны иҟалоит Очамчыреи Аҟәеи еимаздо амҩа ахьырлашам иахҟьаны. Хара имгакәа уи арлашара аус шыӡбахо ҳәа агәрагара ҳалҭеит. Ари ашықәс нҵәаанӡа ахьӡара уадаҩхар ҟалап, ҳазҭало ашықәс ҿыц алагамҭазы ҳәа ауп ацәажәарақәа шыҟоу", - иҳәеит Габелаиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

6