Гарри Саманба

Саманба: ауаҩы иааихәо иахәҭоу ахаҭабзиара амазарц ҳхықәкуп, ус иагьыҟалоит

25
(ирҿыцуп 12:23 15.05.2020)
Астандартқәеи аенергетикатәи атехникатәи хылаԥшреи рзы аҳәынҭеилакы ахантәаҩы Гарри Саманба арадио Sputnik аефир аҿы еиҭеиҳәеит акарантин аамҭазы напхгара зиҭо аилак аусзуҩцәа ахылаԥшратә усқәа шеиҿыркааз, афатә аалыҵқәа зҭиуа ракәзар, аԥҟарақәа иахьынӡарықәныҟәо.
Хра злоу ахҭысқәа: Саманба акарантин аамҭазы агәаҭарақәа ирызкны

"Хәажәкыра 24 рзы ашәҟәы ҳауит аҳәынҭқарра ахада напынҵақәа назыгӡоз Валери Бганба ихьӡала еиуеиԥшым адәқьанқәеи, аџьармыкьақәеи ауаа рацәа ахьадеизало уҳәа хылаԥшра раҳҭарц. Ҳусураҟны ԥшь-гәыԥк ҟаҳҵеит, даҽа ҩ-гәыԥк аанҳажьит аҭелқәа рҟны, ауаа анасуа аҭак ҟарҵаларц. Быжьшәы инареиҳаны аҭел асрақәа ҟалеит. Аџьармыкьа адыркаанӡа ахәқәа ҳаракны иҟазҵаз ыҟан, убарҭқәа ргәаҭаразы Аҩнуҵҟатәи аусқәа рминистрра аҟәша аусзуҩцәеи ҳаицхырааны аусурақәа мҩаԥаҳгоит. Араионқәа рҟны аума, Аҟәа ҳахьнеиуаз аԥхьа ҳахьырзеилымкаауаз ыҟан, ԥыҭҩык ус ргәы иаанагон ари хәмарроуп ҳәа, аха нас еилыркааит ус шакәымыз. Даара ибзианы рхы аадырԥшит ҳусзуҩцәа, агәаҭарақәа раан ииашаны ҳаилызкааз рацәоуп. Ишахәҭоу еиԥш зхы аазмырԥшызгьы ыҟан, аха ҩынтә-хынтә ҳнеины ианраҳҳәа ҳаилыркааит, ателехәаԥшрақәа ари аус аҟны акыр иҳацхрааит ҳәа сыԥхьаӡоит", – иҳәеит Саманба.

Шәазыӡырҩы аудио.

Иара убас шәаԥхьар ҟалоит:

25

Ҷедиа ачарақәа раанкыларазы: ажәлар ахьцо-иахьаауа рзеилымкаауа иҟалеит

11
(ирҿыцуп 20:13 19.09.2020)
Ачарақәа рура аамҭа ахыгахоит иааиуа амзазы. Ас еиԥш аҭагылазаашьа ачараурҭатә хыбрақәа рыԥшәмацәеи ачара аҿҳәара ԥызҵәахьоу ауааи зҭанаргыло ауадаҩрақәа ртәы арадио Sputnik аефир аҟны еиҭеиҳәеит абанкеттә зал аиҳабы Авҭандил Ҷедиа.
Ҷедиа ачарақәа раанкыларазы: ажәлар ахьцо-иахьаауа рзеилымкаауа иҟалеит

Аҳәынҭқарра ахада Аслан Бжьаниа аусԥҟа ҭижьит "Аԥсны Аҳәынҭқарра ауааԥсыра ргәабзиара акоронавирустә инфекциа COVID-19 ацәыхьчаразы хаз игоу уснагӡатәқәак рышьақәыргыларазы" ҳәа. Аԥкрақәа азинмчы роуеит жьҭаара 5 инаркны. Урҭ инарықәыршәаны, ачарақәа рымҩаԥгара аанкылатәхоит.

"Ашықәс нҵәаанӡа 20-25 чара ҳәа ашәҟәы ианҵаны иҳамоуп. Аԥарагьы ԥароуп, аха ачымазара ыҟазар, аҳәынҭқарра ахада иҭижьыз аусԥҟа ажәлар ацныҟәоит ҳәа ауп ишыздыруа, ус ауп ишеилыскаауа. Ажәлар чмазаҩхар, ирыцҳашьатәуп. Ауаа кредитла аԥара ргеит, ачара иазыԥшын, аха иҟауҵои. Ачара ахьыруа ахыбрақәа рҟны 40-45 рҟынӡа ҽнак иҭыҵуа ауаа аус руеит… Ачарақәа рыҿҳәара ԥҵәоуп. Октиабр азы ашәҟы ианыз сентиабр ахь рҽанырҵар рҭаххеит, агәыҭҟьара иҟоу збоит, аҩашагьы ачарақәа ҟарҵо иалагеит", - иҳәеит Ҷедиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

11

Габелаиа Аҟәеи Очамчыреи еимаздо амҩа арлашаразы: иӡбахоит ҳәа агәрагара ҳарҭеит

6
(ирҿыцуп 16:16 19.09.2020)
Очамчыра араион ахада актәи ихаҭыԥуаҩ Артемон Габелаиа арадио Sputnik аефир ала ицо арубрика "Раионк аԥсҭазаараҟынтә" аҿы дызлацәажәаз иреиуоуп Аҟәеи Очамчыреи еимаздо амҩа хада арлашара азҵаара.
Раионк апсҭазаараҟнытә: Габелаиа Аҟәеи Очамчыреи еимаздо амҩа хада арлашара иазкны

Ааигәа Очамчыра иҟаз аизараҟны (Аԥсны ахада дызлахәыз араион актив реизара - аред.) аекономика аминистр Кристина Озган илҳәеит ақыҭақәеи ақалақь аҩныҵаҟеи амҩақәа ирҽеихо ртәы, иара убас амҩа хада шырлашахо. Аиашазы, уахынла амашәырқәа рацәаны иҟалоит Очамчыреи Аҟәеи еимаздо амҩа ахьырлашам иахҟьаны. Хара имгакәа уи арлашара аус шыӡбахо ҳәа агәрагара ҳалҭеит. Ари ашықәс нҵәаанӡа ахьӡара уадаҩхар ҟалап, ҳазҭало ашықәс ҿыц алагамҭазы ҳәа ауп ацәажәарақәа шыҟоу", - иҳәеит Габелаиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

6