Федор Тарба

Ҭарба: аԥсуа чаи амч амоуп, аха аҟәрышь амамзаареи аашьареи аԥырхагахеит

22
(ирҿыцуп 10:53 19.05.2020)
Аԥсны Аҭҵаарадыррақәа ракадемиа иатәу Ақыҭанхамҩатә институт аиҳабы ихаҭыԥуаҩ Фиодор Ҭарба арадио Sputnik аефир аҟны еиҭеиҳәеит ҳтәылаҟны анкьа мҽхакы ҭбаала иаадрыхуаз ачаи ахаҭабзиара шыҟаз, иахьазы аарыхра феида алоу иаламу азы игәаанагара.

 

Ҳазлацәажәаша ҳамоуп: Ҭарба аԥсуа чаи иазкны

"Ачаи даара аџьабаа зцу культуроуп. Асовет ҳәынҭқарра ду аныҟаз аамҭазы ауаа ирзеиӷьуп ҳәа иԥхьаӡаны Китаинтәи иааганы ақыҭанхамҩа иаларгалеит, планла ирыдырҵеит Аԥсны, Аҷариа, Қырҭтәыла Пуҭ иахьаҵанакуаз. Ажәлар мчыла еидцаланы абнақәа хҿаны иаларгалаз культуроуп. Аԥсны атәыла дырбгеит, ажәлар аџьа дырбаны, ачаисовнхарақәа еиҵҳәаны иҟарҵеит. Иахьа шьыжьы инаркны хәлаанӡа ауаа ықәгыланы напыла иҿырхуан, 50-60 кьыла ҿызхыз уаҳа назҭахымыз ачаиҿыхцәа ҳәа ирыԥхьаӡон. Иахьа ҳаамҭазы атехника аныҟоу имариахеит ачаи аҟаҵара, аха аӡәгьы иҭахӡам", - иҳәеит Ҭарба.

Аҵарауаҩ игәаанагарала акыр зхыҵуа акультура аҟаҵара аԥсоуп, аха уи азы аҟәрышь аҭахуп.

"Зегьы-зегьы ҵаҵӷәыс ирымоу аҟәрышь ауп. Ԥаса ауаа ықәцаланы аус ддыруан, имнеир ҟалаӡамызт, ирырҭоз шмаҷызгьы. Иахьа ахатәрахьы ииасит, ахатәраҿы аԥара змоу ида егьырҭ аус рзуӡом. Китаии Индиеи иаадрыхуаз ачаи иадҩыло иҟан Аԥсны усҟан иҿырхуаз. Нанҳәамзазы изызҳауаз ачаи ахыхцәа ҷыдацәа шадрыԥхьалоз сгәалашәоит. "Букет Абхазии" захьӡыз ачаи хыбӷьыцк ажәырқьҳәа иамыхакәа, рнацәкьарақәа рыла иҿырхуан. Афабрикаҟны инаганы ус иҟаз ачаи ҷыдала Москваҟа идәықәырҵон", - иҳәеит Ҭарба.

Иаҳа инеиҵыху аиҿцәажәара шәазыӡырҩы аудио аҟны. Шәазҿлымҳаз арадио Sputnik Аԥсны аефир.

Иара убас шәаԥхьар ҟалоит:

22

Арышԥҳа ашкол аушьҭымҭацәа ҩымчыбжьатәи рҵаразы: аԥышәарақәа рҽырзыҟарҵароуп

4
(ирҿыцуп 20:01 03.06.2020)
Тҟәарчал араион аҵара аҟәша аиҳабы Манана Арышԥҳа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны еиҭалҳәеит ашколқәа роушьҭымҭацәа рзы ихацыркыз аҵаратә процесс шымҩаԥысуа.
Раионк аԥсҭазаараҟынтә: Арышԥҳа аушьҭымҭацәа ҩымчыбжьатәи рҵара иазкны

Аԥснытәи ашколқәа роушьҭымҭацәа рзы аҵаратә процесс хацыркын рашәара 2 рзы, уи мҩаԥыслоит ҩымчыбжьа рыҩнуҵҟа. 1-10 аклассқәа рҵаҩцәа рҵараамҭа хыркәшахеит лаҵара 13 рзы акоронавирус иадҳәалоу аҭагылазаашьа иахҟьаны.

"Амза ҩба инаркны ажәеизатәи аклассқәа рҵаҩцәа иацырҵеит рҵара, аха уи иаанагом апрограмма зегьы ҩымчыбжьа ирҭагӡаны иалгоит ҳәа. Еиҳарак ари зызку ахәыҷқәа аԥышәарақәа разыҟаҵара ауп. Ашколқәа зегьы адезинфекциа рызун. Аԥҟарақәа инарықәыршәаны ашколқәа рҿаԥхьа еиҿкаауп амедпункт, ашоура шәаны ашколқәа рахь инарышьҭуеит, аклассқәа рҟны аӡәаӡәала итәоуп.
Сынтәа ашкол иалго араион аҟны 128-ҩык ыҟоуп, ақалақь аҟны 45-ҩык аушьҭымҭацәа ҳамоуп", - лҳәеит Арышԥҳа.

Лара иазгәалҭеит араионтә аолимпиада иалахәыз аушьҭымҭацәа рыбжьара алҵшәа бзиақәа змаз шыҟоу, урҭ иреиҳаӡоу аҵараиурҭақәа ирҭалартә еиԥш алшара ҟалап ҳәа агәыӷра шлымоу.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

4

Аҩӡԥҳа Еиду аштатқәа рҟны ишьақәгылаз аҭагылазаашьазы: уацәшәаратәы избом

8
(ирҿыцуп 20:06 03.06.2020)
25 шықәса инареиҳаны Ниу-Иорк инхо ҳџьынџьуаҩ Лариса Аҩӡԥҳа арадио Sputnik аефир аҿы еиҭалҳәеит Еиду Америкатәи аштатқәа рҟны аҭагылазаашьа зеиԥшроу, уи дшазыҟоу атәы.
Аҩӡԥҳа Еиду аштатқәа рҟны ишьақәгылаз аҭагылазаашьазы: уацәшәаратәы избом

Еиду Америкатәи аштатқәа рҟны мчыбжьык ҵуеит аҿагыларатә қәгыларақәа цоижьҭеи. Аполициа аусзуҩцәа Миннеаполис афроамерикауаҩ Џьорџь Флоид даныршь, аԥхьа аҭынчратә ҟазшьа змаз ақәгыларақәа цон, анаҩс аимҵәара, аидысларақәа рахь икылсит жәабала ақалақь дуқәа рҟны. Урҭ рыбжьара иҟоуп Америкатәи аштатқәа раҳҭнықалақь Вашингтонгьы, иара убас Ниу-Иорк ақалақь.

"Иахьа Америка иҟоу аҭагылазаашьа, сара сахьахәаԥшуа ала, уацәшәартә иҟам. Ииашоуп, амилициа аусзуҩ даара агха ҟаиҵеит. Азакәан ала уи ауаҩы дидгыланы дихьчозароуп, ихаразар - азакәан ала дизныҟәароуп. Уи иахҟьаны аҿарацәа аҿагыларатә қәгыларақәа ирылагеит, аха иахадырҟьацәеит. Урҭқәа зхароу рыԥшаауеит, азакәан инақәыршәаны ирызныҟәоит. Сара сахьахәаԥшуа, ари хара инеиуа усым, иааныркылоит. Сгәаанагарала, ари аҭагылазаашьа аполитика адҳәалара аҭахым, аҿар аҩны итәан мызкы-ҩымз, адреналин рхы иасын ирбалак ҟаҵо идәықәлеит. Изхароу зегьы азакәан ала ирызныҟәоит", - лҳәеит Аҩӡԥҳа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

8