Сымсым Александр Алавердиан изы: ахәыҷқәеи урҭ рҭаацәеи зегьы бзиа деицырбон

26
(ирҿыцуп 16:51 19.05.2020)
62 шықәса дшырҭагылаз иаалырҟьаны иԥсҭазаара далҵит ахәыҷтәы музыкатә гәыԥ Каданс анапхгаҩы Александр Алавердиан. Иара ибзианы дыздыруаз, аус ицызуаз амузыкант Ҭемыр Сымсым арадио Sputnik аефир аҿы иҳәеит ахәыҷқәа рымаршәа кны рызнеишьа дшақәшәоз атәы.
Сымсым Александр Алавердиан изы: ахәыҷқәеи урҭ рҭаацәеи зегьы бзиа деицырбон

"Алик - ауаҩы дизааигәан, игәы ҭбаан. Иара ахәыҷтәы естрадатә гәыԥ аԥҵара атәы еснагь иҳәон. Уи иагьилшеит, ҟазарыла дазнеит. Ахәыҷқәеи урҭ рҭаацәеи зегьы бзиа деицырбон. Агәыԥ алахәылацәа рыҩаӡара жәларбжьаратәи аицлабрақәа рҟынӡа инаргартә еиԥш ишьҭихит. Иага уҟазара ҳаракызаргьы, абаҩхатәра ду улазаргьы, ахәыҷқәа аус рыцура - уи даҽакуп. Убри аганахьала, ахәыҷқәа ишрацәажәатәу, урҭ ргәы иалымсырц ирыгу шрызнагатәу дақәшәон иара. Алик абык еиԥш дырхагылан, ахәыҷқәа амузыка абзиабара ахьынӡадиркыз ала иуҳәар ҟалоит ԥыҭҩык уи амҩа алызхуа шыҟало атәы", - ҳәа еиҭеиҳәеит Сымсым.

Иаҳа инеиҵыху аиҿцәажәара шәазыӡырҩы арадио Sputnik Аԥсны аефир аҿы.

Иара убас шәаԥхьар ҟалоит:

26

Шларба Сергеи Багаԥшь изы: ҳиқәгәыӷуан, иаҭаххаргьы, абџьар кны дышҳавагылоз ҳдыруан

4
Жәшықәса раԥхьа идунеи иԥсахит Аԥсны аҩбатәи ахада Сергеи Багаԥшь. Иара ихатәы хьчаҩы Рустам Шларба арадио Sputnik аефир аҿы Сергеи Багаԥшь идҳәалоу игәалашәарақәа ртәы еиҭеиҳәеит.
Шларба Сергеи Багаԥшь изы: ҳиқәгәыӷуан, иаҭаххаргьы, абџьар кны дышҳавагылоз ҳдыруан

"Асҟак аамҭа ҵит ҳәа сызҳәом, ҳала дыхгылоуп иахьеи-уахеи. Иҭеиҭыԥш шыҟаз акәын игәаҭагьы шыҟаз, уи Аԥсны анҭыҵгьы деицгәарҭахьан. Иара иҷкәынцәа реиԥш, иашьцәа аиҵбацәа реиԥш пату ҳаиқәиҵон. Аашықәса инеиԥынкыланы есыҽны иара ҳицын. Ари аамҭа иалагӡаны иҟан ацәгьагьы, абзиагьы, алаф зцыз ахҭысқәагьы. Убри аҟынӡа ҳаишьцылахьан, ауаҩы илакҭа ҳхыԥшылан ииҭаху ҳдыруа аҟынӡа ҳаилаҵәахьан. Ҳала дынхыԥшылалак, иаразнак иаҳдыруан ииҭахыз", - ҳәа азгәеиҭеит Шларба.

Рустам Шларба иҳәеит џьара цәгьарак ҟаларгьы, Сергеи Багаԥшь ишиқәгәыӷуаз, иаҭаххаргьы, абџьар кны дышрывагылозгьы.

"Ахьыԥшымра ҳауаанӡа лымҳаҭасла иҳаҳаит Аԥсны гәыԥк алалеит, ҭаацәаныла атәыла ахада дықәызхыр зҭаху ҳәа. Џьгьарда ҳаҟан уи аамҭазы. Иара даасыԥхьеит аҩны аҩнуҵҟа. Ауаџьаҟ аԥхьа дтәаны атапанча арыцқьара даҿын. "Шәгәышәҽаныз, ҳаит рҳәар, ахәыҷқәеи аҳәсеи лбаажәг, ҳара ара ҳаивагылоит. Шәара ахы шәаҿаргылан, шәкажьны џьаргьы сцаӡом", - ҳәа ҿааиҭит. Ҳара даара ҳиқәгәыӷуан иара, аха уи ажәала иансаҳа, убасҟак сгәырӷьеит, иара аҷкәынцәагьы ианраҳа, ргәы ааҭгәырӷьааит. Зыӡбахә ыҟаз аҭагылазаашьа ҟалазҭгьы, дҳавагылан, иирыцқьоз абџьар ахы шыҭирҟьоз ҳдыруан", - ҳәа игәалаиршәеит Шларба.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

4

Дочиа еиҭеиҳәеит Тҟәарчал аԥшатлакә иҟанаҵаз аԥхасҭа атәы

17
Тҟәарчал араион ахада Исидор Дочиа арадио Sputnik Аԥсны аефир аҿы еиҭеиҳәеит иаха ақалақь аҿы иҟаз амшцәгьа иҟанаҵаз аԥхасҭа атәы.

 

Дочиа еиҭеиҳәеит Тҟәарчал аԥшатлакә иҟанаҵаз аԥхасҭа атәы

"Аԥшатлакә ӷәӷәа анасуаз аамҭазы аҵх агәахьы инеихьан азы, ԥсыҭбарак ма машәырк аӡәгьы имыхьит. Ахыбра ахнахит ԥшьеихагылак змаз аҩны, уи адагьы, араион аҿы иҟоу акрыфарҭа ахыб ахнахит. Макьаназ абри ауп дыррас иҳамоу, ахатәы ҩнқәа рыԥшәмацәа макьана араион ахадара иадымҵаалац. Аҩнеихагыла иақәҳаршәит иҷыдоу ахҟьа, қәак леиргьы, иахьчарцаз. Аиҭашьақәыргыларатә усурақәа рзы атәыла ахадара адырра рымоуп, ацхыраара ҳаҭахоит. Ахыб мышқәак ирылагӡаны еиҭашьакәҳаргыларц ҳгәы иҭоуп. Ақалақь аҿы икаҳаит 12 ҵла, Аҭагылазаашьа ҷыдақәа рзы аминистрра аусзуҩцәа ирыбзоураны урҭ ықәгахоит. Аусурақәа нап дыркуп. Аспециалистцәа амшцәгьа иҟанаҵаз аԥхасҭа аԥхьаӡара аус хацдыркхьеит", - ҳәа азгәеиҭеит Дочиа.

 

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

17
Джансух Адлейба

Џьансыхә Адлеиба Апарламент адепутатрахь кандидатс дықәгылоит

1
Аԥсны Апарламент ахь алхрақәа ҟалоит ԥхынгәы 12 рзы Гәдоуҭатәи алхырҭатә ҭыԥ хада №18, Кындыӷтәи алхырҭатә ҭыԥ хада №31, Бзыбтәи алхырҭатә ҭыԥ хада №10, Оҭҳаратәи алхырҭатә ҭыԥ хада №14 рҿы.

АҞӘА, лаҵара 29 - Sputnik. Аԥсны Ацентртә алхратә комиссиа лаҵара 29 рзы ашәҟәы иҭаргалеит Кындыӷтәи алхратә ҭыԥ хада №31 аҟны депутатс Адлеиба Џьансыхә икандидатура ықәзыргыло аԥшьгаратә гәыԥ. Абри атәы аанацҳауеит Аԥсны Алхратә комиссиа хада апресс-маҵзура.

Аԥсны Алхратә комиссиа хадаҟны адепутатрахь акандидатцәа рықәыргыларазы аԥшьгаратә гәыԥқәа ҩба ҭарҩит лаҵара 26 рзы: Гәдоуҭатәи алхырҭатә ҭыԥ хада №18 аҟынтәи ашәҟәы дҭагалоуп Асҭамыр Ахба, Кындыӷтәи алхырҭатә ҭыԥ хада №31 аҟынтәи – Гарри Кокаиа. Адырҩаҽны ашәҟәы иҭагалан Ҭамаз Леиба икандидатура ықәзыргыло аԥшьгаратә гәыԥ (Бзыԥтәи алхырҭатә ҭыԥ хада №10).

Лаҵара 28 рзы Аԥсны АКХ аҿы ашәҟәы иҭагалоуп Бзыԥтәи алхратә ҭыԥ хада №10 аҟны депутатс Ҭемыр Абесалом-иԥа Беиа икандидатура ықәзыргыло аԥшьгаратә гәыԥ.

Џьансыхә Адлеиба 2019 шықәса рзы Аҟәа, Алашарбага араион аҿы агәамсамкаԥсарҭа аркразы активла дықәгылон.

2020 шықәса рзы иареи идгылаҩцәеи Апарламент аҿаԥхьа амшьамба-қьалақәа ргыланы итәеит адепутатцәа "Амаҵзурауааи адепутатцәеи рхашәала, рныхрақәа, рмазара, амазаратә ҟазшьа змоу рхыдҵақәа адекларациа рзуразы" азакәан апроект рыдыркыларц. Азакәан рыдкылан.

Ишазыԥхьагәаҭаз ала, азакәан амчра аиураны иҟан 2020 шықәса ԥхынҷкәын 31 рзы. Акциа алахәылацәа ари иақәшаҳаҭым, адҵагьы ҟарҵоит хәажәкыра 22, алхрақәа рымш аҟынӡа азакәан амчра аиурц. Акциа далахәын Џьансыхә Адлеибагьы.

Аԥсны Апарламент ахь алхрақәа мҩаԥысраны иҟоуп ԥхынгәы 12 рзы иҭацәыз аҭыԥқәа ԥшьба рахь: уаанӡатәи атәыла ахада Аслан Бжьаниа, аԥыза-министр Александр Анқәаб, Аҩнуҵҟатәи аусқәа рминистр Дмитри Дбар, Гагра араион ахада инапынҵақәа назыгӡо Иури Хагәышь рҭыԥқәа рҿы.

Аԥсны Апарламент адепутатс дҟалар илшоит дарбанзаалак 25 шықәса ирҭысхьоу, алхратә зин змоу атәылауаҩ. Депутатс иҟалар ҟалом зус рыӡбахьоу, аҩыжәреи, арҩашьыгақәеи зыҽрыдызцало ҳәа ишьоу, апсихикатә шьақәҟьара змоу. Абжьыҭара азин ырмоуп 18 шықәса ирҭысхьоу атәылауаа.

Иара убас шәаԥхьар ҟалоит:

1