Аргәын: сгәаанагарала, агәабзиарачаԥарҭахь уцар аасҭа ашьха ухалар еиӷьуп

111
Тҟәарчал араион ақыҭа Тҟәарчал анхаҩы Цим Аргәын арадио Sputnik арубрика "Раионк аԥсҭазаараҟынтә" аҿы еиҭеиҳәеит ашьхаҟа ацара иара изы ҵакыс иамоу.
Раионк аԥсҭазаараҟынтә: Аргәын ашьханыҟәара иазкны

"1952 шықәса раахыижьҭеи ашьхаҟа сныҟәоит, усҟан раԥхьа санцоз 12 шықәса схыҵуан. Саб аԥсаса, ашьамаҟа иман. Усҟан арахә зегьы ашьха икарцон, избанзар иааӡон. Ҩымз-хымз арахә ашьха ианҳәы, аӡын рӷыҵгарагьы мариахоит. Ҳабацәа шықәсык ахь мызкы-ҩымз аҳауа рыԥсахуан. Ашьха ахарҵәы, ашә ргьама даҽакуп, ибзиоуп, изымфац ирыздыруам. Ажәытә анхацәа акыр зылшоз, излымшозгьы, ԥсыхәак ҟаҵаны, рырахә рыманы ашьха ицон. Рашәара 15 нахыс шьҭа уцар ҟалоит, цәыббрамзанӡа арахә ашьха иҟазароуп, иҳәыроуп, рымч ҭалоит. Ашьха шықәсык-ҩышықәса ицаз ауаҩы, игәы азыҳәо дҟалоит снықәыԥшындаз ҳәа, асанатори аҟны уцар ацкыс ашьха еиӷьуп, уа аҳауа ҷыдоуп, ауаҩы игәабзиара иацнаҵоит зегь рыла ҳәа сгәы иаанагоит", - иҳәеит Аргәын.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

111
Даур Латария

Латариа дазааҭгылеит адинхаҵара иадҳәалоу ауаажәлар ирызцәырҵуа азҵаарақәа ртәы

4
(ирҿыцуп 18:25 28.11.2020)
Ауаажәларратә еиҿкаара "Аԥшьаҭыԥ" анапхгаҩы Даур Латариа арадио Sputnik аефир аҿы еиҭеиҳәеит адинхаҵара иадҳәалоу ауаажәлар ирызцәырҵуа азҵаарақәа ртәы.
Латариа: жәытә-натә аахыс аԥсуа ирыман дара рхатә анцәахаҵара

"Жәытә-натә аахыс аԥсуа ирыман дара рхатә анцәахаҵара. Ҳазшаз даӡәыкуп, аха адинхаҵарақәа еиуеиԥшым, доусу иара итәала дазнеиуеит. Аԥсуаа ақьырсиан атәгьы ныҟәыргоит, амсылман итәгьы ныҟәыргоит, Ажьирахьгьы инеиуеит. Зегьы мҩаԥаҳгоит Ҳазшаз игәы ҟаҳҵарц. Уажәы қьырсианла аҿбаара иҵалоит. Ԥсыуала аныҳәагатә мҩаԥызгар зҭаху изы уи акгьы амам. Ажәытә аԥсуаа ирымаз ачгара, уи ауаҩы даныԥслак акәын, ахаа ықәырҵаанӡа, ашьтәа ршьаанӡа ичгон. Анаҩсан шәарыцара ианцоз, мышкы ҩымш ианычгозгьы иҟан. Ачгарақәеи аҿбаарақәеи зегьы ныҟәаҳго ҳалагар, ҳаԥсуарагьы каҳажьыр акәхоит", - иҳәеит Латариа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

4
Астамур Квициния

Кәыҵниа амультфильм "Кәтаӷьцәа хылԥа" азы: ахәыҷӡақәа рзы, аха адуцәагьы иргәаԥхоит

2
(ирҿыцуп 12:18 28.11.2020)
Асахьаҭыхҩы, амультфильмқәа раԥҵаҩы Асҭамыр Кәыҵниа арадио Sputnik Аԥсны аефир аҿы еиҭеиҳәеит аԥсышәала ицәажәо амультфильм ҿыц аԥҵаразы имоу игәҭакқәа ртәы.
Ҳазлацәажәаша ҳамоуп: Кәыҵниа "Кәтаӷьцәа хылԥа" амультфильм аԥҵара иазкны

"Сазхәыцуан ирацәаны асценариақәа, еиуеиԥшым аԥсуа лакәқәеи алегендақәеи. Исҭахуп иаҳа ихәыҷӡақәа ирнаало, убри аан адуцәагьы ахәыԥшыртә еиԥш. Апроект маҷӡам, 20 минуҭ исҭахуп аҟаҵара. Макьана асценариа схала аус адулара саҿуп, аха аԥхьаҟа алшара соур еиҭа асценарист исырбарц сгәы иҭоуп. Шьаҭас изгеит "Кәтаӷьцәа хылԥа" алакә, амала аԥсахрақәа ахьалазгалаз ҟалеит, аперсонаж ҿыцқәагьы алагалахоит, уажәтәи аҿар анахәаԥшлак аинтерес ркыртә еиԥш аус адулара саҿуп. Исҭахуп афырхацәа ашәақәа рҳәо аҟаҵара, ахәыҷқәа амультфильм ианахәаԥшлак ашьҭахь ашәақәа рзаанхартә еиԥш", - еиҭеиҳәеит Кәыҵниа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

2

Аԥсны даҽа 85-ҩык акоронавирус рыдырбалеит, ҩыџьа рыԥсҭазаара иалҵит

4
(ирҿыцуп 20:36 28.11.2020)
Иҳаҩсыз уахыки-ҽнаки рыла COVID-19 рылоу ирыламу аилкааразы 238-ҩык атестқәа рзыҟаҵан, урҭ рахьтә 85-ҩык акоронавирус рцәа ишалаз аадырԥшит.

АҞӘА, абҵара 28 - Sputnik. Гәдоуҭатәи араионтә хәышәтәырҭа хадаҿы аԥсҭбарақәа ҩба ҟалеит, ҳәа аанацҳауеит Аԥсны ауааԥсыра COVID-19 рацәыхьчаразы аоперативтә штаб.

Абҵара 18 рзы лыԥсҭазаара далҵит 1946 шықәсазы ииз апациент. Иара акоронавирустә инфекциеи ҩганктәи аполисегментартә гәыҵәкреи иманы ахәышәтәырҭа дҭашәеит жьҭаара 19 рзы. Иақәнагаз атерапиа шызмҩаԥыргозгьы, идунеи иԥсахит игәеисра аԥсыҽхара иахҟьаны абҵара 28 рзы, ашьыжь.

Иԥсҭазаара далҵит 74 шықәса ирҭагылаз даҽа пациентк. Иара ахәышәтәырҭа дҭашәеит жьҭаара 26 рзы акоронавирус ицәа иаланы. Изымҩаԥыргоз атерапиа иахьмырԥшкәа, апациент иԥсҭазаара далҵит абҵара 27 рзы.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 67-ҩык ауааԥсыра, урҭ рахьтә 56-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 14-ҩык, ибжьаратәуп - 7-ҩык.

Аҟәатәи аинфекциатә хәышәтәырҭаҿы ирхәышәтәуеит 34-ҩык апациентцәа, аӡәы иҭагылазаашьа уадаҩуп.

Аҟәатәи амобилтә госпиталь аҟны ишьҭоуп акоронавирус зыдбалоу 45-ҩык апациентцәа. 43-ҩык рҭагылазаашьа бжьаратәуп ҳәа иԥхьаӡоуп, ҩыџьа рҭагылазаашьа бааԥсуп.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 5883-ҩык ыҟоуп. Урҭ рахьтә ргәы бзиахеит 3678-ҩык, рыԥсҭазаара иалҵит 81-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

4
Атемақәа:
Ачымазара ҿкы – акоронавирус Аԥсни адунеи аҿи: иалкаау