Барцыц: акарантин алагалахаанӡа Аԥсныҟа иааз асасцәа, ҳа ҳзы шәарҭара рыҵаны избом

135
(ирҿыцуп 19:08 21.05.2020)
Гагра араионтә еизара адепутат, аҳақьым Алмасхан Барцыц арадио Sputnik арубрика "Раионк аԥсҭазаараҟынтә" аҿы иҳәеит апандемиа аамҭазы ҳтәылауаа иахьатәи рхымҩаԥгашьа дшахәаԥшуа, акурорт аамҭа аартра дшазыҟоу.
Барцыц: акарантин алгалахаанӡа Аԥсныҟа иааз асасцәа, ҳа ҳзы шәарҭара рыҵаны избом

"Раԥхьа ачымазара ҿкы анцәырҵ асабрадақәа ныҟәаагон, ҳацәшәон, аха аамҭа цацыԥхьаӡа иахәҭоу ахымҩаԥгашьа (апандемиа аан - аред.) ҳхашҭит: ҳныҟәоит, ҳаибабоит. Ауаа адәахьы шәцәырымҵын ҳәа раҳҳәом, аха гәыԥ-гәыԥла рахьҽеидыркыло изаацәоуп ҳәа сыԥхьаӡоит. Ижәдыруеит Гәдоуҭатәи ахәышәтәырҭаҟны ачымазаҩцәа рхыԥхьаӡара иаҳа иацлеит. Арҭқәа азгәаҭаны иахьатәи ҳхымҩаԥгашьа заацәоуп, хәыҷык аҽеидкылара аҭахуп. Ҳара иахьа зегьы аԥсшьаҩцәа ҳарзыԥшуп акурорт ҳазладҳәалоу ала", - иҳәеит Барцыц.

Иара иазгәеиҭеит араион аҟны машьынала иҟоу аԥсшьаҩцәа шуԥыло, аха дара ашәарҭара рыҵаны иԥхьаӡӡом, избанзар апандемиа иадҳәалоу аԥкрақәа алагалахаанӡа иааны иангылаз роуп. 

"Ачымазара иахҟьаны акарантин аларгалаанӡа иааз аԥсшьаҩцәа иахьа уажәраанӡа иаангыланы иҟоуп. Урҭ ҳара ашәарҭа ҳарҭоит ҳәа сгәы иаанагом, иҿыцны аӡәы даауеит ҳәа сызҳәаӡом, избанзар ус еиԥш иҟоу ауаа рацәа збом. Атәымуаа иаҳбац роуп Пицунда, Гагра иаҳбо.  Аԥсны ахыи-аҵыхәеи зегь реиԥш Пицунда сахьынхогьы акурорт аамҭа ҟалоит ҳәа иазыԥшуп, аха ҳақьымк иаҳасабала уи аартра макьана  изаацәоуп ҳәа сыԥхьаӡоит. Ачымазаҩцәа рацәаҩны ҳхәышәтәырҭақәа рахь инеиуа иалагар, урҭ рыдкылара ҳалшом, 200-300 ҩык рҟынӡа рхыԥхьаӡара неир, иаҳцәыцәгьахоит ҳәа сгәы иаанагоит", - иҳәеит Барцыц.

Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

135
Атемақәа:
Ачымазара ҿкы – акоронавирус Аԥсни адунеи аҿи: иалкаау (542)

Какәыбаа: араион аҿы аспорттә секциақәа шаҟа ирацәоу аҟара, еиҳагьы еиӷьхоит

4
(ирҿыцуп 18:37 14.07.2020)
Гәылрыԥшь араион аспорткомплекс "Агәыӡера" аиҳабы Мурман Какәыбаа арадио Sputnik Аԥсны аефир аҿы еиҭеиҳәеит иарбан спортхкқәоу араион аҿы еиҳарак аҿиара змоу, насгьы ахәыҷқәа разыҟаҵаразы лшарақәас иҟоу атәы.
Раионк аԥсҭазаараҟынтә: Какәыбаа Гәылрыԥшь аспорткомплекс аусура иазкны

"Аспорткомплекс аус ауеит х-спортхкык рыла: ашьапылампыл, акарате, абокс. Ҳахәмарратә зал шьақәҳаргылеижьҭеи еиҭа ҩ-хкык ацаҳҵар ҳҭахуп - анапылампыли, амҵәышәымпыли. Ҳхәыҷқәа аихьӡарақәа рымоуп акарате аҿы, абокс аҿы. Ашьапылампыл акәзар, еиҳа ицәгьоуп, ахәыҷқәа макьана аԥышәа рымам. Рыхә-секциак анаартхалак 150-ҩык, 200-ҩык рҟынӡа ахәыҷқәа ҳадаҳкылартә еиԥш алшара ҳауеит. Асекциақәа шаҟа ирацәоу аҟара, ахәыҷқәа рзы еиҳа еиӷьхоит. Аспорткмплекс аҿы рҽазыҟарҵар ауеит 300-ҩык инарзынаԥшуа ахәыҷқәа сааҭ-сааҭла еихшаны. Азыҟаҵаҩцәа рганахьала ҳаиқәшәоуп, ахәыҷқәагьы бзиа ирбоит, рус иазҟазоуп", - ҳәа еиҭеиҳәеит Какәыбаа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

4
Низам Хапат

Ҳапат: анхаҩы иус аҿы аҳәынҭқарра "абык" иаҳасабала ивагылазароуп

7
(ирҿыцуп 17:16 14.07.2020)
Избан ақыҭанхамҩа ҳтәылаҿы аҿиара замам, атәыла анапхгареи анхаҩи иахьынӡахәҭоу еимадоума? Абри азы арадио Sputnik аефир аҿы игәаанагара иҳәеит Аԥсны ауаажәалрратә палата амаӡаныҟәгаҩ лхаҭыԥуаҩ Низам Ҳапат.
Хра злоу ахҭысқәа: Ҳапат ақыҭанхамҩа аҿиара иазкны

"Акыр шықәса ҳацәцеит ақыҭанхамҩа ишахәҭаз аус адымулакәа, аха абри нахыс агхақәа ҳрызхәыцны, ииашаны амҩа ҳақәлароуп. Уи азы аԥшьгара аҳәынҭқарра ахахьы иагароуп, анхаҩы идгылароуп ианылаиҵо, ианааирыхуа, ианиҭиуа. Аҳәынҭқарра анхаҩы имҩа аанартыроуп зегьынџьара, убри ҟамҵакәа акгьы ҳзырҽеиуам. Аҳәынҭқарра ишахәҭоу ақыҭанхамҩа аусура иадгылароуп, уи иамоуп амч анхаҩы иаалыҵ аӡыргаразы. Анхаҩы идырҵароуп, идырбароуп, аб иеиԥш ивагылазароуп, ауадаҩра ахьиоуа имҩа аанартыроуп. Анхаҩы иус – аарыхроуп, егьырахь зегьы аҳәынҭқарратә программа ҟаҵаны амҩа иқәнаҵароуп атәыла анапхгара", – ҳәа азгәеиҭеит Ҳапат.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

7

Ҿыц иалху Апарламент адепутатцәа рнапынҵақәа рынагӡарахь ианиасуа атәы рҳәеит

6
(ирҿыцуп 19:12 14.07.2020)
Аԥсны имҩаԥысит Апарламент ахь аиҭалхрақәа. Аҭыԥ хадақәа ԥшьба рҟынтәи руак аҿы ҩаԥхьа аиҭалхра мҩаԥысраны иҟоуп.

АҞӘА, ԥхынгәы 14 - Sputnik, Ренат Ԥачалиа. Аԥсны АКХ ахантәаҩы Ҭамаз Гогьиа Sputnik иазеиҭеиҳәеит иалырхыз адепутатцәа рнапынҵақәа рахь ииасыр анрылшо атәы.

Ацентртә алхратә комиссиаҿы абжьыҭара ашьҭахь бжьымш рыҩныҵҟала адепутатцәа ашәҟәы иҭарыҩуеит. Ашәҟәҭаҩра ашьҭахь адепутатцәа Аԥсны АКХ аӡбамҭаҟынтә алҩаа роуеит. Уи Апарламент ахь инаргоит. Уа имҩаԥгахоит иалху адепутатцәа азинԥҵаратә усбарҭа аилазаара ралаҵара апроцедура.

"Бзыԥҭатәи алхырҭатә ҭыԥ хадаҟны иҟалараны иҟоу аиҭалхра егьырҭ адепутатцәа русура анырра анаҭом", - ҳәа иҳәеит Гогьиа.

Гогьиа иҳәеит аус зуа азакәанԥҵара инақәыршәаны, Бзыԥҭатәи алхырҭатә ҭыԥ хада № 10 аҿы аиҭалхрақәа шымҩаԥысуа. Ҩымчыбжь рыҩныҵҟала АКХ алхрақәа ррыцхә шьақәнаргылоит.

Оҭҳаратәи ҭыԥ хадаҿы иалху Алмасхан Барцыц иҳәеит алхрақәа аиҩызаратә ҟазшьа рыманы имҩаԥган ҳәа.

"Алхраԥхьатә кампаниа зегьы соппоненти сареи еиҩызарыла имҩаԥаагеит. Аихшьаалақәа аныҟаҵаха Робестан Габлиа сиааира сыдиныҳәалеит, ақәҿиарақәа сзеиӷьеишьеит", - ҳәа иҳәеит иара.

Адепутат иҳәеит апандемиа инадҳәаланы Аԥсны ауааԥсыра ақыҭанхамҩахь ихьаԥшит, ари агәыгәҭажьра ҟалом ҳәа. Барцыц иажәақәа рыла,  Апарламент аҿы ақыҭанхамҩа аусхк иацхраауа апроектқәа адгылара риҭалоит.

Кындыӷтәи ҭыԥ хадаҿы иалырхыз Гарри Кокаиа иҳәеит ари аокруг аҿы егьырҭ ирҿырԥшны ауаа рнеира рекордтәын ҳәа. Иара изы зыбжьы зҭииз зегьы ҭабуп ҳәа реиҳәеит.

"Очамчыра идепрессиву раионуп ҳәа иԥхьаӡоуп, аха скомандеи сареи иаҳҭахуп иааҳарԥшырц араион иамоу алшара дуқәа", - ҳәа иҳәеит адепутат.

Аԥсны Жәлар Реизарахь алхрақәа мҩаԥысит ԥхынгәы 12 рзы иҭацәыз амандатқәа ԥшьба рахь - атәыла ахадас иалырхыз Аслан Бжьаниа, аԥыза-министрс иҟарҵаз Александр Анқәаб, Аҩнуҵҟатәи аусқәа рминистрс иҟарҵаз Дмитри Дбар, Гагра араион ахадас иҟарҵаз Иури Хагәышь рҭыԥқәа.

Иара убас шәаԥхьар ҟалоит:

6